ਗ਼ਜ਼ਲ (ਗ਼ਜ਼ਲ )

ਸਾਥੀ ਲੁਧਿਆਣਵੀ (ਡਾ.)   

Email: drsathi@hotmail.co.uk
Cell: +44 7956 525 324
Address: 33 Westholme Gardens Ruislip ,Middlesex HA4 8QJ
New Jersey United States
ਸਾਥੀ ਲੁਧਿਆਣਵੀ (ਡਾ.) ਦੀਆਂ ਹੋਰ ਰਚਨਾਵਾਂ ਪੜ੍ਹਨ ਲਈ ਇਥੇ ਕਲਿਕ ਕਰੋ


ਤਰੋ ਤਾਜ਼ਾ ਹਾਂ ਵਗਦਾ ਦਰਿਆ ਹਾਂ।
ਮੈਂ ਦੱਸ ਰਿਹਾਂ ਹਾਂ ਕਿ ਮੈਂ ਕਿਆ ਹਾਂ।

ਇਕ ਨਹੀਂ ਅਨੇਕ ਹਨ ਮੇਰੇ ਅਕਸ,
ਸ਼ੀਸ਼ਾ ਹਾਂ ਤਿੜਕਿਆ ਪਿਆ ਹਾਂ।

ਮੇਰਾ ਪੈਗ਼ਾਮ ਹੈ ਸਿਰਫ ਮੁਹੱਬਤ,
ਇਹੋ ਕਿਹਾ ਹੈ ਮੈਂ ਜਿੱਧਰ ਗਿਆ ਹਾਂ।

ਮੈਂ ਬੱਦਲ ਹਾਂ ਜਿਥੇ ਵੀ ਲੋੜ ਪਈ,
ਉਥੇ ਪੁਹੰਚਿਆ ਹਾਂ, ਬਰਸਿਆ ਹਾਂ।

ਇਕ ਸਵਾਲ ਪੁੱਛਣਾ ਚਾਹੁੰਦਾ ਹਾਂ,
ਝਿਜਕ ਜਾਂਦਾ ਹਾਂ, ਅਣਕਿਆਸਿਆ ਹਾਂ।

ਪਿਆਰ ਦੀਏ ਨਦੀਏ ਕਰ ਇਨਾਇਤ,
ਇਕ ਬੂੰਦ ਲਈ ਤਰਸਿਆ ਪਿਆ ਹਾਂ।

ਮੈਂ ਤੇਰੇ ਕਾਬਲ ਸ਼ਾਇਦ ਹੋ ਹੀ ਸਕਾਂ,
ਕਬੂਲ ਕਰ ਸਨਮ ਮੈਂ ਜਿਹੋ ਜਿਹਾ ਹਾਂ।

ਹੋਰ ਗ਼ਮ ਨਾ ਦੇਈਂ , ਹੇ ਮੇਰੇ ਮੌਲਾ,
ਛਲਕ ਜਾਵਾਂਗਾ, ਭਰਿਆ ਪਿਆ ਹਾਂ।

ਜ਼ਿੰਦਗ਼ੀ 'ਚ ਬਹੁਤ ਲਿਖ਼ਆ ਹੈ "ਸਾਥੀ",
ਅਜੇ ਹੋਰ ਲਿਖਾਂਗਾ, ਅਜੇ ਅਣਕਿਹਾ ਹਾਂ।