ਸਭ ਰੰਗ

  •    ਕੰਡਿਆਲੇ ਰਾਹਾਂ ਦਾ ਸਫ਼ਰ / ਗੁਰਸ਼ਰਨ ਸਿੰਘ ਕੁਮਾਰ (ਲੇਖ )
  •    ਤਾਈ ਨਿਹਾਲੀ ਦੇ ਸ਼ੱਕਰਪਾਰੇ / ਸਾਧੂ ਰਾਮ ਲੰਗਿਆਣਾ (ਡਾ.) (ਵਿਅੰਗ )
  •    ਮਾਵਾਂ ਦੀਆਂ ਦੁਆਵਾਂ / ਗੁਰਦੀਸ਼ ਗਰੇਵਾਲ (ਲੇਖ )
  •    ਸੁਰੀਲਾ ਅਲਗੋਜ਼ਾ ਵਾਦਕ ਤਾਰਾ ਚੰਦ / ਗੁਰਭਜਨ ਗਿੱਲ (ਲੇਖ )
  •    ਪਰਮਵੀਰ ਜ਼ੀਰਾ ਦਾ ਪੁਸਤਕ ਪਰਵਾਜ਼ / ਉਜਾਗਰ ਸਿੰਘ (ਆਲੋਚਨਾਤਮਕ ਲੇਖ )
  •    ਕਹਾਣੀ ਸੰਗ੍ਰਹਿ -- ਦਿਨ ਢਲੇ / ਗੁਰਮੀਤ ਸਿੰਘ ਫਾਜ਼ਿਲਕਾ (ਪੁਸਤਕ ਪੜਚੋਲ )
  •    ਸਿੱਖਾਂ ਦੀ ਆਨ-ਸ਼ਾਨ ਦੀ ਪ੍ਰਤੀਕ ਹੈ ਦਸਤਾਰ / ਇਕਵਾਕ ਸਿੰਘ ਪੱਟੀ (ਲੇਖ )
  •    ਵਿਰਸੇ ਦੀਅਾਂ ਬਾਤਾਂ / ਜਸਵੀਰ ਸ਼ਰਮਾ ਦੱਦਾਹੂਰ (ਲੇਖ )
  •    ਇਹ ਹੈ ਸਮੇਂ ਦਾ ਹੇਰ ਫੇਰ / ਵਿਵੇਕ (ਲੇਖ )
  •    ਇਟਲੀ ਵਿੱਚ ਸਿੱਖ ਫੌਜੀ / ਪੰਜਾਬੀਮਾਂ ਬਿਓਰੋ (ਪੁਸਤਕ ਪੜਚੋਲ )
  •    ਘਿਓ ਬਣਾਵੇ ਤੋਰੀਆਂ / ਰਮੇਸ਼ ਸੇਠੀ ਬਾਦਲ (ਲੇਖ )
  •    ਕਰਮਾਂਵਾਲੀਆਂ / ਨਿਸ਼ਾਨ ਸਿੰਘ ਰਾਠੌਰ (ਲੇਖ )
  • ਗ਼ਜ਼ਲ (ਗ਼ਜ਼ਲ )

    ਸਾਥੀ ਲੁਧਿਆਣਵੀ (ਡਾ.)   

    Email: drsathi@hotmail.co.uk
    Cell: +44 7956 525 324
    Address: 33 Westholme Gardens Ruislip ,Middlesex HA4 8QJ
    New Jersey United States
    ਸਾਥੀ ਲੁਧਿਆਣਵੀ (ਡਾ.) ਦੀਆਂ ਹੋਰ ਰਚਨਾਵਾਂ ਪੜ੍ਹਨ ਲਈ ਇਥੇ ਕਲਿਕ ਕਰੋ


    ਉੱਚੀਆਂ ਛੱਲਾਂ ਕਦੇ ਕਿਨਾਰਾ ਨਹੀਂ ਹੁੰਦੀਆਂ ।
    ਡੁੱਬਣ ਵੇਲੇ ਕਦੇ ਸਹਾਰਾ ਨਹੀਂ ਹੁੰਦੀਆਂ ।

    ਇਸ਼ਕ ਦੀ ਅੱਗ ਵਿਚ ਖ਼ੁਦ ਹੀ ਜਲਣਾ ਪੈਂਦਾ ਹੈ,
    ਇਸ਼ਕ 'ਚ ਅਕਸਰ ਜਿੱਤਾਂ ਹਾਰਾਂ ਨਹੀਂ ਹੁੰਦੀਆਂ ।

    ਏਸ ਸ਼ਹਿਰ ਦੇ ਗ਼ਗ਼ਨ "ਚ ਅੱਜ ਕਲ ਧੂੰਆਂ ਹੈ,
    ਇਸੇ ਲਈ ਕੂੰਜਾਂ ਦੀਆਂ ਡਾਰਾਂ ਨਹੀਂ ਹੁੰਦੀਆਂ ।

    ਜਿਸ ਬਸਤੀ ਵਿਚ ਜ਼ਿੰਦਗੀ ਰੀਂਗ਼ ਰਹੀ ਹੋਵੇ,
    ਉਸ ਬਸਤੀ ਵਿਚ ਮੋਟਰ ਕਾਰਾਂ ਨਹੀਂ ਹੁੰਦੀਆਂ ।

    ਚੋਰ ਲੁਟੇਰੇ ਝੱਟ ਉਸ ਘਰ ਨੂੰ ਲੁੱਟ ਲੈਂਦੇ,
    ਜਿਹੜੇ ਘਰ ਵਿਚ ਤੇਜ਼ ਕਟਾਰਾਂ ਨਹੀਂ ਹੁੰਦੀਆਂ ।

    ਜਿਹੜੇ ਨਗਰ 'ਚ ਲੋਕੀਂ ਰਹਿਣ ਮੁਹੱਬਤ ਨਾਲ,
    ਉਸ ਥਾਂ ਘਰ ਤੋਂ ਬਾਹਰ ਤਾਰਾਂ ਨਹੀਂ ਹੁੰਦੀਆਂ ।

    ਪਤਝੜ ਨੇ ਤਾਂ ਆਖ਼ਰ ਇਕ ਦਿਨ ਆਉਣਾ ਹੈ,
    ਜੀਵਨ ਦੇ ਵਿਚ ਸਦਾ ਬਹਾਰਾਂ ਨਹੀਂ ਹੁੰਦੀਆਂ ।

    ਜਿਹੜੇ ਹੱਥ ਗੁਲਦਸਤੇ ਫੜਨੇ ਸਿੱਖ ਲੈਂਦੇ,
    ਉਨ੍ਹਾਂ ਕੋਲ ਤਿੱਖੀਆਂ ਤਲਵਾਰਾਂ ਨਹੀਂ ਹੁੰਦੀਆਂ ।

    ਜਿਨ੍ਹਾਂ "ਚ ਤੱਤੀਆਂ ਤੱਤੀਆਂ ਖ਼ਬਰਾਂ ਨਹੀਂ ਹੁੰਦੀਆਂ,
    ਵਿਕਦੀਆਂ ਅੱਜ ਕਲ ਉਹ ਅਖ਼ਬਾਰਾਂ ਨਹੀਂ ਹੁੰਦੀਆਂ ।

    ਅੱਜ ਕਲ ਕਾਸਿਦ ਬਿੱਲ ਹੀ ਲੈ ਕੇ ਆਉਂਦਾ ਹੈ,
    ਪਿਆਰ ਵਾਲੀਆਂ ਚਿੱਠੀਆਂ ਤਾਰਾਂ ਨਹੀਂ ਹੁੰਦੀਆਂ ।

    ਉਂਝ ਤਾਂ ਘਰ ਵਿਚ ਅਕਸਰ ਸਭ ਕੁਝ ਹੁੰਦਾ ਹੈ,
    ਕੁਝ ਹੁੰਦਾ ਨਹੀਂ ਜਦ ਸਰਕਾਰਾਂ ਨਹੀਂ ਹੁੰਦੀਆਂ ।

    ਜਦ "ਸਾਥੀ" ਸਾਡੇ ਆਂਗਣ ਵਿਚ ਹੁੰਦਾ ਏ,
    ਸਾਨੂੰ ਆਪਣੀਆਂ ਖ਼ਬਰਾਂ ਸਾਰਾਂ ਨਹੀਂ ਹੁੰਦੀਆਂ ।