ਗ਼ਜ਼ਲ (ਗ਼ਜ਼ਲ )

ਅਮਰਜੀਤ ਸਿੰਘ ਸਿਧੂ   

Email: amarjitsidhu55@hotmail.de
Phone: 004917664197996
Address: Ellmenreich str 26,20099
Hamburg Germany
ਅਮਰਜੀਤ ਸਿੰਘ ਸਿਧੂ ਦੀਆਂ ਹੋਰ ਰਚਨਾਵਾਂ ਪੜ੍ਹਨ ਲਈ ਇਥੇ ਕਲਿਕ ਕਰੋ


ਯਾਰ ਬਿੰਨਾਂ ਇਹ ਉਜੜੀ ਦੁਨੀਆ ਦੱਸੋ ਵਸਾਵਾਂ ਕਿਸ ਤਰਾ ।
ਦਿੱਲ ਸਾਝਾਂ ਜਿਸ ਨਾਲ ਹੋਇਆ ਉਹਨੂੰ ਭੁਲਾਵਾਂ ਕਿਸ ਤਰਾਂ ।

ਇਹ ਭੁੱਖ, ਤਰੇਹ ਤਾਂ ਸੱਭ ਜਰ ਲੈਦਾ ਮੈ ਇੱਥੇ ਚੁਪ ਕਰਕੇ ,
ਜੋ ਉਮਰ ਭਰ ਦਾ ਦਰਦ ਹੈ ਇਹ ਦੱਸੋ ਹੰਢਾਵਾ ਕਿਸ ਤਰਾਂ ।

ਹੋਰ ਕੋਈ ਹੋਵੇ ਤਾਂ ਲੁਕ ਸਕਦਾ ਸਾਰਾ ਕੁਝ ਹੀ ਉਸ ਤੋਂ ,
ਦਿਲ ਦੇ ਭੇਦ ਇਹ ਯਾਰਾ ਤੈਥੋ ਦੱਸ ਲੁਕਾਵਾਂ ਕਿਸ ਤਰਾਂ ।

ਸੱਜਣਾਂ ਬਾਝੋਂ ਉਡ ਗਏ ਮੇਰੇ ਖੁਸ਼ੀਆਂ, ਚਾਅ ਤੇ ਹਾਸੇ ,
ਗੀਤ ਮੈ ਮਹਿਫਲ ਵਿਚ ਖੁਸ਼ੀਆਂ ਦੇ ਦੱਸੋ ਗਾਵਾਂ ਕਿਸ ਤਰਾਂ ।

ਦਿੱਲ 'ਚ ਤੇਰਾ ਨਾਂਮ ਵੇ ਸਿੱਧੂਆ ਚਮਕੇ ਚੰਨ ਦੇ ਵਾਗੂੰ ,
ਵਾਂਗ ਚਕੋਰ ਮੈਂ ਤੜਫੀ ਜਾਵਾਂ ਤੈਨੂੰ ਪਾਵਾਂ ਕਿਸ ਤਰਾਂ ।