ਪਲ (ਕਵਿਤਾ)

ਸਤੀਸ਼ ਠੁਕਰਾਲ ਸੋਨੀ   

Email: thukral.satish@yahoo.in
Phone: +91 1682 270599
Cell: +91 94173 58393
Address: ਮਖੂ
ਫਿਰੋਜ਼ਪੁਰ India
ਸਤੀਸ਼ ਠੁਕਰਾਲ ਸੋਨੀ ਦੀਆਂ ਹੋਰ ਰਚਨਾਵਾਂ ਪੜ੍ਹਨ ਲਈ ਇਥੇ ਕਲਿਕ ਕਰੋ


ਵਕਤ ਨਾਲ ਤੁਰਦੇ
   ਜ਼ਿੰਦਗੀ ਦੇ ਅਨਮੋਲ ਪਲ 
   ਕਦੇ-ਕਦੇ ਕਿੱਦਾਂ ਬਦਲ ਦਿੰਦੇ ਨੇ
   ਜ਼ਿੰਦਗੀ ਦੇ ਅਰਥ
   
   ਉਸ ਪਲ
   ਜਦ ਤੂੰ ਮੇਰੇ ਕੋਲ ਸੀ
   ਕਿੰਨੀ ਸੋਹਣੀ ਸੀ ਇਹ ਦੁਨੀਆਂ
   ਹਰ ਸ਼ੈਅ ਮੇਰੇ ਕੋਲ ਸੀ
   ਪੂਰੇ ਦਾ ਪੂਰਾ ਬ੍ਰਹਿਮੰਡ
   ਮੇਰੀ ਬੁੱਕਲ 'ਚ ਸਿਮਟਿਆ ਪਿਆ ਸੀ ਜਿਵੇਂ
   
   ਤੇ ਇਸ ਪਲ
   ਜਦ ਤੂੰ ਮੇਰੇ ਕੋਲ ਨਹੀਂ ਹੈ
   ਕੁਝ ਵੀ ਮੇਰੇ ਕੋਲ ਨਹੀਂ ਰਿਹਾ
   ਕੁਝ ਵੀ ਚੰਗਾ ਨਹੀਂ ਲੱਗ ਰਿਹਾ
   ਕੁਝ ਵੀ ਆਪਣਾ ਨਹੀਂ ਲੱਗ ਰਿਹਾ
   ਇੰਝ ਲੱਗ ਰਿਹਾ ਕਿ ਮੇਰਾ ਵਜੂਦ ਹੀ
   ਮੇਰੇ 'ਚੋਂ' ਮਨਫੀ ਹੋ ਗਿਆ