ਸਭ ਰੰਗ

  •    ਕੰਡਿਆਲੇ ਰਾਹਾਂ ਦਾ ਸਫ਼ਰ / ਗੁਰਸ਼ਰਨ ਸਿੰਘ ਕੁਮਾਰ (ਲੇਖ )
  •    ਤਾਈ ਨਿਹਾਲੀ ਦੇ ਸ਼ੱਕਰਪਾਰੇ / ਸਾਧੂ ਰਾਮ ਲੰਗਿਆਣਾ (ਡਾ.) (ਵਿਅੰਗ )
  •    ਮਾਵਾਂ ਦੀਆਂ ਦੁਆਵਾਂ / ਗੁਰਦੀਸ਼ ਗਰੇਵਾਲ (ਲੇਖ )
  •    ਸੁਰੀਲਾ ਅਲਗੋਜ਼ਾ ਵਾਦਕ ਤਾਰਾ ਚੰਦ / ਗੁਰਭਜਨ ਗਿੱਲ (ਲੇਖ )
  •    ਪਰਮਵੀਰ ਜ਼ੀਰਾ ਦਾ ਪੁਸਤਕ ਪਰਵਾਜ਼ / ਉਜਾਗਰ ਸਿੰਘ (ਆਲੋਚਨਾਤਮਕ ਲੇਖ )
  •    ਕਹਾਣੀ ਸੰਗ੍ਰਹਿ -- ਦਿਨ ਢਲੇ / ਗੁਰਮੀਤ ਸਿੰਘ ਫਾਜ਼ਿਲਕਾ (ਪੁਸਤਕ ਪੜਚੋਲ )
  •    ਸਿੱਖਾਂ ਦੀ ਆਨ-ਸ਼ਾਨ ਦੀ ਪ੍ਰਤੀਕ ਹੈ ਦਸਤਾਰ / ਇਕਵਾਕ ਸਿੰਘ ਪੱਟੀ (ਲੇਖ )
  •    ਵਿਰਸੇ ਦੀਅਾਂ ਬਾਤਾਂ / ਜਸਵੀਰ ਸ਼ਰਮਾ ਦੱਦਾਹੂਰ (ਲੇਖ )
  •    ਇਹ ਹੈ ਸਮੇਂ ਦਾ ਹੇਰ ਫੇਰ / ਵਿਵੇਕ (ਲੇਖ )
  •    ਇਟਲੀ ਵਿੱਚ ਸਿੱਖ ਫੌਜੀ / ਪੰਜਾਬੀਮਾਂ ਬਿਓਰੋ (ਪੁਸਤਕ ਪੜਚੋਲ )
  •    ਘਿਓ ਬਣਾਵੇ ਤੋਰੀਆਂ / ਰਮੇਸ਼ ਸੇਠੀ ਬਾਦਲ (ਲੇਖ )
  •    ਕਰਮਾਂਵਾਲੀਆਂ / ਨਿਸ਼ਾਨ ਸਿੰਘ ਰਾਠੌਰ (ਲੇਖ )
  • ਵਾਹਗੇ ਦੀਏ ਕੰਧੇ (ਕਵਿਤਾ)

    ਰਵੇਲ ਸਿੰਘ ਇਟਲੀ   

    Email: singhrewail@yahoo.com
    Address:
    Italy
    ਰਵੇਲ ਸਿੰਘ ਇਟਲੀ ਦੀਆਂ ਹੋਰ ਰਚਨਾਵਾਂ ਪੜ੍ਹਨ ਲਈ ਇਥੇ ਕਲਿਕ ਕਰੋ


    ਵਾਹਗੇ ਦੀਏ ਕੰਧੇ, ਨੀ ਵਾਹਗੇ ਦੀਏ ਕੰਧੇ ,
              ਤੇਰੇ ਆਰ ਪਾਰ ਨੇ ਸਿਆਸਤ ਦੇ ਝੰਡੇ |
               ਇਸ ਪਾਰ ਰਾਵੀ ਤੇ ਉਸ ਪਾਰ ਰਾਵੀ ,
                ਕਿਵੇਂ ਤੂੰ ਨੀ ਅੜੀਏ ,ਪਾਣੀ ਨੇ ਵੰਡੇ |
                ਪੰਜਾਬੀ ਪੰਜਾਬੀ , ਭਰਾਂਵਾਂ ਦੇ ਵਾਂਗੋਂ ,
                ਅਜੇ ਸਾਂਝ ਰੱਖਦੇ ਨੇ ਰਾਵੀ ਦੇ  ਕੰਢੇ|
                 ਕੇਹੀ ਤੂੰ ਖਲੋਤੀਂ ਹੈਂ ,ਹੱਥਾਂ ਚ  ਲੈਕੇ ,
                 ਇਹ ਤਾਰਾਂ ਦੇ ਤਿੱਖੇ ਡਰਾਉਣੇ ਇਹ ਕੰਡੇ |
                 ਇਹ ਕੁਰਸੀ ਦੀ ਖਾਤਰ ਤੇ ਚੌਧਰ ਦੀ ਖਾਤਰ 
                  ਫੜਾਈਆਂ , ਬੰਦੂਕਾਂ ਫੜਾਏ ਨੇ ਡੰਡੇ |
                  ਸਮੇਂ ਤੋਂ ਪੰਜਾਬੀ ਰਹੇ ਹਾਂ ਇਕੱਠੇ ,
                  ਸਿਆਸਤ ,ਭਰਾ ਨੇ ਭਰਾਂਵਾਂ ਚ ਵੰਡੇ |
                  ਇਕੱਠੇ ਹੀ ਖੇਡੇ ,ਇਕੱਠੇ ਪਲੇ ਸਾਂ ,
                  ਗਲੀਆਂ ਚ ਖੇਡੇ ਨੇ ਗੁੱਲੀ ਤੇ ਡੰਡੇ |
                   ਇਕੱਠੇ ਹੀ ਵੇਖੇ ਨੇ ਛਿੰਝਾਂ ਅਖਾੜੇ ,
                   ਇਕੱਠੇ ਹੀ ਚਾਰੇ ਨੇ ਬੂਰੀ ਤੇ ਲੰਡੇ |
                   ਕੇਹੀ ਮਾਰ ਮਾਰੀ ,ਸਿਆਸਤ ਨੇ ਸਾਨੂੰ ,
                    ਇਹ ਹੱਦਾਂ ਤੇ ਤਾਰਾਂ ਚ ਸਾਨੂੰ ਨੇ ਵੰਡੇ |
                    ਜੋ ਬੀਜ ਸਾਂਝਾਂ ਦੇ, ਬੀਜੇ ਇੱਕਠੇ ,
                    ਕੇਹੀ ਰੁੱਤ ਆਈ , ਨੇ ਗਏ ਕਰੰਡੇ |
                    ਆਓ ਰਲ ਕੇ ਬਹੀਏ ਪੰਜਾਬੀ ਭਰਾਵੋ ,
                    ਝੁਲਸੇ ਹਾਂ ਲੱਗਦੇ ਨਫਰਤਾਂ ਚ ਫੰਡੇ |
                    ਨੀ ਵਾਹਗੇ ਦੀਏ ਕੰਧੇ ਪੁਆੜੇ ਕੀ ਪਾਏ ,
                     ਕਿਉਂ ਦੋਵੇਂ ਪਾਸੇ ਗਏ ਹਨ ਘੁਮੰਡੇ |
                     ਤੁਸੀਂ ਸਾਂਝ ਪਾਕੇ ਬਾਹਵਾਂ ਉਲਾਰੋ ,
                     ਝੁਲਣ ਦੇਵੋ ਸੌੜੀ ਸਿਆਸਤ ਦੇ ਝੰਡੇ |
                     ਵਾਹਗੇ ਦੀਏ ਕੰਧੇ , ਨੀ ਵਾਹਗੇ ਦੀਏ ਕੰਧੇ ,
                     ਤੇਰੇ ਆਰ ਪਾਰ , ਜੋ ਇਹ ਹੱਦਾਂ ਦੇ ਝੰਡੇ|