ਗ਼ਜ਼ਲ (ਗ਼ਜ਼ਲ )

ਹਰਦੀਪ ਬਿਰਦੀ   

Email: deepbirdi@yahoo.com
Cell: +91 90416 00900
Address:
Ludhiana India 141003
ਹਰਦੀਪ ਬਿਰਦੀ ਦੀਆਂ ਹੋਰ ਰਚਨਾਵਾਂ ਪੜ੍ਹਨ ਲਈ ਇਥੇ ਕਲਿਕ ਕਰੋ


ਪਲ ਵਿੱਚ ਪਾਸੇ ਬਦਲ ਗਏ ਨੇ
ਰੋਣੇ ਹਾਸੇ ਬਦਲ ਗਏ ਨੇ।

ਦੀਦ ਉਦ੍ਹੀ ਨੂੰ ਜੋ ਤਰਸੇ ਸਨ
ਨੈਣ ਪਿਆਸੇ ਬਦਲ ਗਏ ਨੇ।

ਇੰਫੋ ਟੈਕ ਦੇ ਯੁੱਗ ਦੇ ਅੰਦਰ
ਖੇਲ੍ਹ ਤਮਾਸੇ ਬਦਲ ਗਏ ਨੇ।

ਤੱਕ ਕੇ ਰੌਣਕ ਮੇਲੇ ਵਾਲੀ
ਮਨੋਂ ਖਟਾਸੇ ਬਦਲ ਗਏ ਨੇ।

ਇੱਕ ਦੂਜੇ ਨੂੰ ਦਿਲ ਦੀ ਕਹਿਕੇ
ਦਿਲੋਂ ਭੜਾਸੇ ਬਦਲ ਗਏ ਨੇ।

ਮਤਲਬ ਜਦ ਤੋਂ ਨਿਕਲ ਗਏ ਨੇ
ਬੋਲ ਪਤਾਸੇ ਬਦਲ ਗਏ ਨੇ।