ਸਭ ਰੰਗ

  •    ਮਿਠਤੁ ਨੀਵੀ ਨਾਨਕਾ.... / ਗੁਰਸ਼ਰਨ ਸਿੰਘ ਕੁਮਾਰ (ਲੇਖ )
  •    ਨਾ - ਜੀ ਆਇਆਂ ਨੂੰ / ਬਲਵਿੰਦਰ ਸਿੰਘ ਚਾਹਲ (ਲੇਖ )
  •    ਨ ਸੁਣਈ ਕਹਿਆ ਚੁਗਲ ਕਾ / ਇਕਵਾਕ ਸਿੰਘ ਪੱਟੀ (ਲੇਖ )
  •    ਸੋਮਣੀ ਕਵੀਸ਼ਰ ਗੁਰਸੇਵਕ ਸਿੰਘ ਢਿੱਲੋਂ / ਤਸਵਿੰਦਰ ਸਿੰਘ ਬੜੈਚ (ਲੇਖ )
  •    ਧਰਤੀ ਅਤੇ ਸਥਾਈ ਵਿਕਾਸ / ਫੈਸਲ ਖਾਨ (ਲੇਖ )
  •    ਪੁਲਿਸ ਪੰਜਾਬ ਦੀ, ਸਮਾਂ ਨਹੀਂ ਵਿਚਾਰਦੀ / ਮਿੰਟੂ ਬਰਾੜ (ਲੇਖ )
  •    ਆਨ ਲਾਈਨ ਪੜਾਈ ਜਾਂ ਬੱਚਿਆਂ 'ਤੇ ਅੱਤਿਆਚਾਰ / ਨਿਸ਼ਾਨ ਸਿੰਘ ਰਾਠੌਰ (ਲੇਖ )
  •    ਵਿਆਹ ਨਾਲ ਜੁੜੀ ਸਾਹਿ ਚਿੱਠੀ / ਬੂਟਾ ਗੁਲਾਮੀ ਵਾਲਾ (ਲੇਖ )
  •    ਸਵ: ਬਲਦੇਵ ਸਿੰਘ ਆਜ਼ਾਦ ਨੂੰ ਚੇਤੇ ਕਰਦਿਆਂ / ਜਸਵੀਰ ਸ਼ਰਮਾ ਦੱਦਾਹੂਰ (ਲੇਖ )
  •    ਜਦ ਮੈਂ ਜਲੰਧਰੋਂ ਚਲ ਕੇ ਅਮਰੀਕਾ ਪਹੁੰਚਿਆ / ਸਤਨਾਮ ਸਿੰਘ ਚਾਹਲ (ਲੇਖ )
  •    ਲੋਪ ਹੋ ਰਿਹਾ ਵਿਰਸਾ : ਬੁਝਾਰਤਾਂ / ਸ਼ੰਕਰ ਮਹਿਰਾ (ਲੇਖ )
  •    ਰਹਰਾਸਿ ਸਾਹਿਬ –ਅਰਥ ਅਤੇ ਸਿੱਖਿਆਵਾਂ / ਗੁਰਮੀਤ ਸਿੰਘ ਫਾਜ਼ਿਲਕਾ (ਪੁਸਤਕ ਪੜਚੋਲ )
  •    ਮਹਿਕਾਂ ਦਾ ਵਣਜਾਰਾ : ਜਗਦੇਵ ਸਿੰਘ ਜੱਸੋਵਾਲ / ਉਜਾਗਰ ਸਿੰਘ (ਲੇਖ )
  • ਪੰਜਾਬ ਸਿਆਂ, ਸੁਣਦੈਂ? (ਕਵਿਤਾ)

    ਕਵਲਦੀਪ ਸਿੰਘ ਕੰਵਲ   

    Email: kawaldeepsingh.chandok@gmail.com
    Address:
    Tronto Ontario Canada
    ਕਵਲਦੀਪ ਸਿੰਘ ਕੰਵਲ ਦੀਆਂ ਹੋਰ ਰਚਨਾਵਾਂ ਪੜ੍ਹਨ ਲਈ ਇਥੇ ਕਲਿਕ ਕਰੋ


    ਪੰਜਾਬ ਸਿਆਂ,
    ਇੱਕ ਬਟਨ ਦੱਬਣ ਤੋਂ ਪਹਿਲੋਂ,
    ਵਿੱਚ ਦਾਰੂ ਚੰਦ ਦਮੜਿਆਂ ਪਿੱਛੇ,
    ਮੁਸਤਕਬਿਲ ਰੋੜ੍ਹਨ ਤੋਂ ਪਹਿਲੋਂ;

    ਯਾਦ ਰੱਖੀਂ ਓ ਬੱਲਿਆ,
    ਕਿਸ ਖਾਧੀ ਤਿਰੀ ਜਵਾਨੀ,
    ਕੌਣ ਗ਼ਰਕਾ ਗਿਆ ਨਸਲਾਂ ਨੂੰ,
    ਕਿਸ ਰੋਲ਼ੀ ਤਿਰੀ ਕੁਰਬਾਨੀ;

    ਜਿਹੜੀ ਧਰਤ ਗੁਰਾਂ ਦੇ ਨਾਅ 'ਤੇ,
    ਜਿਉਂਦੀ ਹਿੰਦੂ ਮੁਸਲ ਸਿੱਖ ਭੁਲਾ ਕੇ,
    ਉਹ ਕਿਹੜਾ ਸੀ ਆਇਆ ਅਬਦਾਲੀ,
    ਦਰ ਖ਼ੈਰਾਂ 'ਤੇ ਤੋਪਾਂ ਡਾਅ 'ਕੇ;

    ਉਹਨਾਂ ਅਮ੍ਰਿਤ ਬੋਲਾਂ ਨੂੰ,
    ਕਿਸ ਗਲੀ ਸੜਕਾਂ ਬੇਅਦਬ ਕਰਾਇਆ,
    ਕਿਸ ਨਿਹੱਥੇ ਇਨਸਾਫ਼ ਲੋਚਦਿਆਂ 'ਤੇ,
    ਤਸ਼ੱਦਦ ਦਾ ਮੀਂਹ ਵਰ੍ਹਾਇਆ;

    ਓਏ ਘਰੋਂ ਘਰੀਂ ਚੱਕ ਕਿਸਨੇ,
    ਪੁੱਤਾਂ ਦੇ ਪੁੱਤ ਮਰਵਾਏ,
    ਮਾਵਾਂ ਰਹਿ ਗਈਆਂ ਵੈਣ ਪਾਉਂਦੀਆਂ,
    ਮੁੜ੍ਹ ਕੁੱਜਿਆਂ ਵਿੱਚ ਨਾ ਥਿਆਏ;

    ਡੰਡਾ ਵਰ੍ਹਦਾ ਮੰਗੇ ਰੁਜ਼ਗਾਰੀ,
    ਸਾਰੀ ਨਸ਼ਿਆਂ 'ਤੇ ਲਾਈ ਜਵਾਨੀ,
    ਦੇਖ ਫ਼ਸਲ ਮੰਡੀਆਂ ਵਿੱਚ ਰੁਲਦੀ,
    ਸਪਰੇਆਂ ਪੀਅ ਮਰੇ ਕਿਸਾਨੀ;

    ਕਿਸ ਖੋਹਿਆ ਪਾਣੀਆਂ ਨੂੰ,
    ਕਿਸ ਬੋਲੀ ਤੇਰੀ ਤਾਲੇ ਲਗਵਾਏ,
    ਕਿਹਨੇ ਆਪਣੇ ਘਰ ਦੇ ਵਿੱਚ ਹੀ,
    ਬੇਗ਼ਾਨੇ ਕੀਤੇ ਧਰਤ ਦੇ ਜਾਏ;

    ਸੱਥਰ ਵਿੱਛਦੇ ਜਾਵਣ ਸਭ ਪਾਸੀਂ,
    ਜ਼ਹਿਰ ਘੋਲਿਆ ਹਵਾ ਤੇ ਪਾਣੀ,
    ਕਿਹਨਾਂ ਪਾਈ ਰਾਹ ਪਰਵਾਸਾਂ ਦੇ,
    ਕੰਵਲ ਮਿੱਟਦੀ ਮੁੱਕਦੀ ਤਿਰੀ ਕਹਾਣੀ;