ਇਕ ਸਚ (ਕਵਿਤਾ)

ਦਿਲਜੋਧ ਸਿੰਘ   

Email: diljodh@yahoo.com
Address:
Wisconsin United States
ਦਿਲਜੋਧ ਸਿੰਘ ਦੀਆਂ ਹੋਰ ਰਚਨਾਵਾਂ ਪੜ੍ਹਨ ਲਈ ਇਥੇ ਕਲਿਕ ਕਰੋ


ਲੋਕ ਬਿਗਾਨੇਂ ਅਵਾਜ਼ ਵੀ ਮਾਰੀ
ਕਿਸੇ ਨਾਂ ਮੁੜ ਕੇ ਤੱਕਿਆ ।
ਕਦਮ ਕਦਮ ਤੇ ਖੜੀ  ਉਡੀਕਾਂ
ਆਖਿਰ ਜੀਉੜਾ ਥੱਕਿਆ ।
ਚੰਨ  ਚਾਨਣੀ  ਨਿੱਮੀ ਨਿੱਮੀ
ਬਦਲਾਂ ਨੇ ਚੰਨ  ਢੱਕਿਆ ।
ਇਕ ਇਕ ਤਾਰਾ ਨਜ਼ਰ ਚੁਰਾਵੇ
ਤਕ ਤਕ ਮੈਨੂੰ  ਅੱਕਿਆ।
ਯਾਦਾਂ ਆਸਾਂ ਫਿੱਕੀਆਂ  ਪਈਆਂ
ਕਿੰਨਾ  ਵੀ ਸਾਂਭ  ਕੇ ਰੱਖਿਆ ।
ਉਮਰਾਂ  ਦਾ ਮੈਂ ਮੰਥਨ  ਕਰਕੇ
ਜ਼ਹਿਰ ਜਿਹਾ  ਕੁਝ  ਚੱਖਿਆ ।
ਖੂਬ  ਕਲਮ ਨੇ ਬਿਰਹਾ ਜੰਮਿਆਂ
ਅੱਖਰਾਂ  ਸਾਂਭ ਕੇ ਰੱਖਿਆ ।
ਇਧਰ ਉਧਰ  ਜੋ ਸੁਪਨੇਂ ਭਟਕੇ
ਕੋਈ ਵੀ ਫੜ  ਨਾਂ ਸੱਕਿਆ
ਚੜਦਾ  ਸੂਰਜ  ਫਿੱਕਾ  ਫਿੱਕਾ
ਡੁਬਦਾ  ਖੂਬ ਉਹ  ਭੱਖਿਆ।
ਕੁਝ ਪੱਲਾਂ  ਦੀ ਸੂਰਜ ਲਾਲੀ
ਨੇਹਰੇ ਨੇਂ ਝਟ ਢੱਕਿਆ ॥