ਖ਼ਬਰਸਾਰ

  •    ਪ੍ਰਕਾਸ਼ ਝਾਅ ਦੀ ਫਿਲਮ 'ਚੱਕਰਵਿਊ' ਦੇ ਆਰ-ਪਾਰ / ਪੰਜਾਬੀਮਾਂ ਬਿਓਰੋ
  •    ਸੰਵਾਦ ਤੇ ਸਿਰਜਣਾ ਤੇ ਗੋਸ਼ਟੀ ਅਤੇ ਮਿੰਨੀ ਕਹਾਣੀ ਦਰਬਾਰ ਆਯੋਜਿਤ / ਸਾਹਿਤ ਤੇ ਕਲਾ ਮੰਚ, ਬਰੇਟਾ
  •    ਯਾਦਗਾਰੀ ਹੋ ਨਿਬੜਿਆਂ ਪਿੰਡ ਖੱਟਰਾਂ ਦਾ ਧੀਆਂ ਦੀ ਲੋਹੜੀ ਦਾ ਮੇਲਾ / ਪੰਜਾਬੀਮਾਂ ਬਿਓਰੋ
  •    ਸਿਰਜਣਧਾਰਾ ਵੱਲੋਂ ਬਾਈ ਮੱਲ ਸਿੰਘ ਯਾਦਗਾਰੀ ਸਮਾਗਮ / ਸਿਰਜਣਧਾਰਾ
  •    ਕੰਵਲਜੀਤ ਸਿੰਘ ਭੋਲਾ ਲੰਡੇ ਸਰਬਸੰਮਤੀ ਨਾਲ ਸਾਹਿਤ ਸਭਾ ਬਾਘਾਪੁਰਾਣਾ ਦੇ ਪ੍ਰਧਾਨ ਬਣੇ / ਸਾਹਿਤ ਸਭਾ ਬਾਘਾ ਪੁਰਾਣਾ
  •    ਪੰਜਾਬੀ ਸਾਹਿਤ ਸਭਾ, ਸੰਦੌੜ ਦਾ ਪਲੇਠਾ ਸਮਾਗਮ / ਪੰਜਾਬੀ ਸਾਹਿਤ ਸਭਾ, ਸੰਦੌੜ
  •    ਰਘਬੀਰ ਸਿੰਘ ਮਹਿਮੀ ਦੇ ਮਿੰਨੀ ਕਹਾਣੀ ਸੰਗ੍ਰਹਿ 'ਤਿੜਕ' ਤੇ ਗੋਸ਼ਟੀ / ਪੰਜਾਬੀ ਸਾਹਿਤ ਸਭਾ ਰਜਿ. ਪਟਿਆਲਾ
  •    ਪਿੰਡ ਨੇਕਨਾਮਾ (ਦਸੂਹਾ) ਵਿਖੇ ਨਾਟਕ ਸਮਾਗਮ ਦਾ ਆਯੋਜਨ / ਸਾਹਿਤ ਸਭਾ ਦਸੂਹਾ
  •    ਪ੍ਰਸਿੱਧ ਸਾਹਿਤਕਾਰ ਡਾ.ਸੁਰਜੀਤ ਸਿੰਘ ਢਿੱਲੋਂ ਦਾ ਸਨਮਾਨ / ਪੰਜਾਬੀਮਾਂ ਬਿਓਰੋ
  •    ਸਾਹਿਤ ਸਭਾਵਾਂ ਲੇਖਕ ਨੂੰ ਉਸਾਰਨ 'ਚ ਵੱਡਾ ਯੋਗਦਾਨ ਪਾਉਂਦੀਆਂ-ਪੰਧੇਰ / ਵਿਸ਼ਵ ਪੰਜਾਬੀ ਸਾਹਿੱਤ ਵਿਚਾਰ ਮੰਚ
  • ਮੇਰਾ ਘਰ (ਕਵਿਤਾ)

    ਦਿਲਜੋਧ ਸਿੰਘ   

    Email: diljodh@yahoo.com
    Address:
    Wisconsin United States
    ਦਿਲਜੋਧ ਸਿੰਘ ਦੀਆਂ ਹੋਰ ਰਚਨਾਵਾਂ ਪੜ੍ਹਨ ਲਈ ਇਥੇ ਕਲਿਕ ਕਰੋ


    ਜਿਸ ਵਿਹੜੇ  ਸੂਰਜ- ਮੁਖੀਆ
    ਸੂਰਜ  ਉੱਗਣ 'ਤੇ ਮੁਸਕਰਾਵੇ ।
    ਜਿਸ ਵਿਹੜੇ ਫੁੱਲਾਂ ਦੇ ਬੂੱਟੇ
    ਬਸ ਫੁੱਲਾਂ ਦੀ ਮਹਿਕ ਹੀ ਆਵੇ ।
    ਜਿਸ ਵਿਹੜੇ ਵਿੱਚ ਰੁੱਤਾਂ ਖੇਡਣ
    ਗਰਮੀ ਸਰਦੀ ਰਾਸ ਰਚਾਵੇ ।
    ਜਿਸ ਵਿਹੜੇ ਦਰਵਾਜ਼ਾ ਖੜਕੇ
    ਅਪਣਾ ਕੋਈ  ਖੱਬਰ  ਲਿਆਵੇ ।
    ਸਮਝ ਲਵੀਂ    ਇਹ ਕੋਈ ਘਰ  ਹੈ ।
     ਮੇਰੇ ਘਰ   ਵਰਗਾ    ਕੋਈ ਘਰ ਹੈ ।
     
    ਜਿਸ ਘਰ ਵਿੱਚ ਥੋੜੀਆਂ ਲੋੜਾਂ
    ਹਰ ਕੋਈ ਨਿਕੜੇ ਖ਼ਾਬ ਹੰਢਾਵੇ ।
    ਜਿਸ ਘਰ ਵਿੱਚ ਛੋੱਟੀਆਂ ਖਾਹਸ਼ਾਂ
    ਚੰਨ ਨੂੰ ਫੜਣਾਂ ਕੋਈ ਨਾਂ ਚਾਵੇ ।
    ਜਿਸ ਘਰ ਦੇ ਕਿਸੇ ਕੋਨੇ ਦੇ ਵਿੱਚ
    ਆਲਣਾ ਕੋਈ ਉਮੀਦ  ਬਣਾਵੇ ।
    ਵਿੱਤੋਂ ਬਾਹਰਾ ਕੋਈ ਕਦਮ ਨਾਂ ਪੁੱਟੇ
    ਜਿੰਦਗੀ ਦੇ  ਨਾਲ ਚਲਦਾ ਜਾਵੇ ।
    ਸਮਝ ਲਵੀਂ    ਇਹ ਕੋਈ ਘਰ ਹੈ ।
     ਮੇਰੇ ਘਰ ਵਰਗਾ ਕੋਈ ਘਰ ਹੈ ।
     
    ਇਹ ਘਰ ਆਪਣੀਆਂ  ਕੰਧਾਂ ਅੰਦਰ
    ਹੋਲੀ ਹੋਲੀ ਜੀਉਂਦਾ  ਜਾਵੇ ।
    ਹਰ ਖਿੜਕੀ ਹਰ ਬੂਹਾ ਇਸਦਾ
    ਸੱਮਿਆਂ ਦੇ ਨਾਲ ਫਰਜ਼  ਨਿਭਾਵੇ ।
    ਨਿੱਘ ਵੀ ਦੇਵੇ ਠੰਡ  ਵੀ ਦੇਵੇ
    ਸੁੱਖ ਬੁੱਕਲ ਦਾ ਵੰਡਦਾ ਜਾਵੇ ।
    ਇੱਟਾਂ ਦੀ ਗਲਵਕੜੀ ਦੇ ਵਿੱਚ
    ਜਿੰਦਗੀ ਕਈੰ ਕਈੰ ਰੰਗ ਦਿਖਾਵੇ ।
    ਸਮਝ    ਲਵੀਂ  ਇਹ ਕੋਈ ਘਰ ਹੈ ।
                                                                        ਮੇਰੇ ਘਰ ਵਰਗਾ ਕੋਈ ਘਰ ਹੈ ।                                                                  
     
    ਜਿੰਦਗੀ ਦੇ ਇਹ ਰਿਸ਼ਤੇ ਸਮਝੇ
    ਸੰਮਿਆਂ ਦੇ ਨਾਲ ਸਾਂਝ  ਨਿਭਾਵੇ ।
    ਢਲਦੇ ਹੋਏ ਪਰਛਾਵੇਂ  ਦੇ ਨਾਲ
    ਚਿਹਰਾ ਵੀ ਕੁਝ ਢਲਦਾ ਜਾਵੇ ।
    ਉਮਰ ਦੀਆਂ ਲੀਕਾਂ ਦੇ ਪਿੱਛੇ
    ਦੁੱਖ ਸੁੱਖ ਦੇ ਕਈੰ ਪੱਲ ਛੁਪਾਵੇ ।
    ਵੱਕਤ ਦੀਆਂ ਪੀੜਾਂ ਤੰਨ 'ਤੇ ਸਹਿਕੇ
    ਸੁੱਖ ਦਾ ਸਭ ਨੂੰ ਲਾਡ ਲਡਾਵੇ ।
    ਸਮਝ   ਲਵੀਂ  ਇਹ ਕੋਈ ਘਰ ਹੈ ।
    ਮੇਰੇ ਘਰ ਵਰਗਾ ਕੋਈ ਘਰ ਹੈ ।
     
    ਇਸ ਘਰ ਦੀਆਂ ਮੈਂ ਖੈਰਾਂ ਮੰਗਾ
    ਸੰਮਿਆਂ ਸਾਹਮਣੇ ਹਾਰ ਨਾਂ ਜਾਵੇ ।
    ਇਸ ਘਰ ਦਾ ਨਿੱਘ ਮਾਨਣ ਦੇ ਲਈ
    ਆਪਣਾ  ਕੋਈ ਬੂਹੇ ਆਵੇ ।
    ਚੰਦਰੀ  ਚੁੱਪ  ਨਾਂ ਵਿਹੜੇ ਵੱਸੇ
    ਕੋਈ ਜੰਦਰਾ ਨਾਂ ਪਹਿਰਾ ਲਾਵੇ ।
    ਦੇਸ਼ ਦਿਸ਼ਾਂਤਰ ਘੁਮਦਾ  ਜੀਅ  ਕੋਈ
    ਮਾਂ ਵਰਗੇ  ਵਲ ਕਦਮ ਵਧਾਵੇ ।
    ਸਮਝ ਲਵੀਂ ਇਹ ਕੋਈ ਘਰ ਹੈ ।
    ਮੇਰੇ ਘਰ ਵਰਗਾ ਕੋਈ ਘਰ ਹੈ ।

    ----------------------------------