ਜ਼ਿੰਦਗੀ (ਕਵਿਤਾ)

ਦਪਿੰਦਰ ਭੂਪਾਲ   

Email: deepbhupal@hotmail.com
Address:
Los Angeles California United States
ਦਪਿੰਦਰ ਭੂਪਾਲ ਦੀਆਂ ਹੋਰ ਰਚਨਾਵਾਂ ਪੜ੍ਹਨ ਲਈ ਇਥੇ ਕਲਿਕ ਕਰੋ


ਜ਼ਿੰਦਗੀ ਤੁਰਦੀ  ਰਹੀ  ਸਾਹਾਂ ਦੇ ਕਾਫਿਲੇ ਦੇ ਨਾਲ
ਮੰਜ਼ਿਲ ਸਰ ਕੀਤੀ ਮੈਂ , ਉਸ ਦੇ ਹੌਂਸਲੇ ਦੇ ਨਾਲ

ਬਚਪਨ 'ਚ ਮਿਲੀਆਂ, ਪਿਆਰ ਭਰੀਆਂ ਮਿੱਠੀਆਂ ਉਹ ਲੋਰੀਆਂ
ਬਾਪੂ ਦੀ ਉਗਲੀਂ ਫੜ ਤੁਰਨਾ, ਮਾਂ ਦੀਆਂ ਖਿਲਾਈਆਂ ਚੂਰੀਆਂ

ਖੇਲਣਾ ਉਹ ਸਾਰਾ ਦਿਨ, ਸੰਗੀਆਂ ਸਹੇਲੀਆਂ ਦੇ ਨਾਲ
ਜ਼ਿੰਦਗੀ ਤੁਰਦੀ ਰਹੀ ਸਾਹਾਂ ਦੇ ਕਾਫਿਲੇ ਦੇ ਨਾਲ……

ਅੱਲ੍ਹੜ ਉਮਰ ਦੇ ਨਵੇਂ ਸੁਪਨੇ ਤੇ ਨਿਆਰੇ ਹੀ ਉਹ ਖਿਆਲ
ਰੁਸਣਾ ਰੁਸਾਉਣਾ ਤੇ ਨੋਕਾਂ ਝੋਕਾਂ, ਚਲਦੇ ਰਹੇ ਨਾਲੋ ਨਾਲ

ਮੋਹ ਪਰ ਨਾ ਘੱਟ ਹੋਇਆ, ਅੰਮੀ ਜਾਇਆਂ ਦੇ ਨਾਲ
ਜ਼ਿੰਦਗੀ ਤੁਰਦੀ ਰਹੀ ਸਾਹਾਂ ਦੇ ਕਾਫਿਲੇ ਦੇ ਨਾਲ……

ਚੱੜਦੀ ਜਵਾਨੀ, ਲੈ ਕੇ ਆਈ, ਇੱਕ ਵੱਖਰਾ ਜਿਹਾ ਜਨੂੰਨ
ਦਿਨੇ ਵਿਖਾ ਗਈ ਉਹ ਤਾਰੇ, ਰਾਤਾਂ ਨੂੰ ਮਿਲਿਆ ਨਾ ਸਕੂਨ

ਮਨ ਨੂੰ ਰਹਿੰਦੀ ਹੀਰ ਯਾ ਫਿਰ ਕਿਸੇ ਰਾਝਣੇ ਦੀ ਭਾਲ
ਜ਼ਿੰਦਗੀ ਤੁਰਦੀ ਰਹੀ ਸਾਹਾਂ ਦੇ ਕਾਫਿਲੇ ਦੇ ਨਾਲ……

ਫਿਰ ਮਿਲਿਆ ਕੋਈ ਸੱਚਾ ਸਾਥੀ, ਜਿਸਦੀ ਸੀ ਉਮਰਾਂ ਤੋਂ ਤਲਾਸ਼
ਪਿਆਰ ਮੁਹੱਬਤਾਂ, ਗੁੱਸੇ ਗਿਲੇ ਵੀ, ਪਰ ਨਾ ਹੋਏ ਕਦੇ ਨਿਰਾਸ਼

ਕਸਮਾਂ ਵਾਦੇ ਗਏ ਨਿਭਾਉਂਦੇ, ਚੱਲਦੇ ਰਹੇ ਇੱਕੋ ਸੁਰ ਤਾਲ
ਜ਼ਿੰਦਗੀ ਤੁਰਦੀ ਰਹੀ ਸਾਹਾਂ ਦੇ ਕਾਫਿਲੇ ਦੇ ਨਾਲ……

ਕਰਾਂ ਅਰਜ ਮੈਂ ਮਾਲਿਕਾ, ਹੱਸਦੇ ਵਸਦੇ ਰਹਿਣ ਉਹ ਵਿਹੜੇ 
ਨਾ ਦਿਖਾਈ ਗਮ ਕਿਸੇ ਨੂੰ, ਦੇਵੀਂ ਸਭ ਨੂੰæ ਖੁਸ਼ੀਆਂ ਤੇ ਖੇੜੇ 

ਮਾਫ ਕਰਨਾ ਦੀਪ ਨੂੰ, ਹੋਈ ਜੇ ਮੰਦੀ ਕਿਸੇ ਵੀ ਹਾਲ
ਜ਼ਿੰਦਗੀ  ਤੁਰਦੀ  ਰਹੀ  ਸਾਹਾਂ  ਦੇ ਕਾਫਿਲੇ ਦੇ ਨਾਲ
ਮੰਜ਼ਿਲ ਸਰ ਕੀਤੀ ਮੈਂ , ਉਸ ਦੇ ਹੌਂਸਲੇ ਦੇ ਨਾਲ