ਅੱਜ (ਕਵਿਤਾ)

ਦਿਲਜੋਧ ਸਿੰਘ   

Email: diljodh@yahoo.com
Address:
Wisconsin United States
ਦਿਲਜੋਧ ਸਿੰਘ ਦੀਆਂ ਹੋਰ ਰਚਨਾਵਾਂ ਪੜ੍ਹਨ ਲਈ ਇਥੇ ਕਲਿਕ ਕਰੋ


ਰਾਹਾਂ  ਉਤੇ ਧੂੜ ਪਈ ਉੱਡੇ 
ਵਿੱਚ ਦਰਵਾਜ਼ੇ ਮੈਂ ਖੜੀ ਹਾ
 ਨੀਝ ਲਾਕੇ ਦੇਖ ਰਹੀਂ ਹਾਂ 
ਖਾਥਾਂ ਦੇ ਨਾਲ ਖੇਡ ਰਹੀਂ ਹਾਂ ।                                                                                                                                                                                   


ਪਿੱਛੇ ਮੁੜਕੇ ਵਿਹੜਾ ਤੱਕਾਂ 
ਚੁੱਪ ਦੇ ਰੁਖ ਦੀ ਛਾਂ ਹੈ ਗੂੜੀ 
ਟੁੱਟੇ ਵਾਣ ਦੀ ਮੰਜੀ ਡਾਹ ਕੇ 
ਸਮੇਂ ਨੂੰ ਸੁੱਤਾ ਦੇਖ ਰਹੀਂ ਹਾਂ ।

ਗਵਾਂਡ ਮੇਰੇ ਦਾ ਬੂਹਾ ਖੜਕੇ 
ਸੁਣ ਕੇ ਮੇਰਾ ਅੰਦਰ ਧੜਕੇ 
ਜਿੰਦਗੀ ਦੇ ਚੌੰਕੇ ਵਿੱਚ ਬਹਿਕੇ 
ਬੁਝਿਆ ਚੁੱਲਾ ਸੇਕ ਰਹੀਂ ਹਾਂ ।

ਨਿੱਘੀ ਧੁੱਪ ਤਾਂ  ਛੱਤ 'ਤੇ ਖੇਡੇ 
ਅੰਦਰ ਘਰ ਦੇ ਠੰਡੀਆਂ ਕੰਧਾਂ  
ਠੰਡ ਦੇ ਮਾਰੇ ਖਾਬਾਂ ਦੇ ਲਈ
ਧੁੱਪਾਂ ਨੂੰ ਮੈਂ ਵੇਚ ਰਹੀਂ ਹਾਂ ।
 
ਜੁੜਦੀ ਵੀ ਏ ਟੁਟਦੀ ਵੀ ਏ  
ਖੇਡ ਕੱਦੀ ਇਹ ਮੁਕਦੀ ਨਹੀਂ ਏ 
ਆਪਣੇ ਲੇਖ ਆਪ ਹੀ ਲਿਖਕੇ 
ਖੁਦ ਨੂੰ  ਖ਼ੁੱਦ ਹੀ  ਭੇਜ ਰਹੀ ਹਾਂ ।
 
ਇੱਟਾਂ ਦੀ ਇੱਕ ਚਾਰਦੀਵਾਰੀ 
ਅੰਦਰ ਬਹਿਕੇ ਰਿਸ਼ਤੇ ਢੂੰਡਾਂ
ਸਗਨਾਂ ਦੀ ਫੁਲਕਾਰੀ ਆਪਣੀ 
ਕੱਚੇ ਰੰਗੀ ਠੇਕ ਰਹੀਂ ਹਾਂ ।





samsun escort canakkale escort erzurum escort Isparta escort cesme escort duzce escort kusadasi escort osmaniye escort