ਖ਼ਬਰਸਾਰ

  •    ਅੰਤਰ ਰਾਸ਼ਟਰੀ ਨਾਰੀ ਦਿਵਸ ਤੇ ਕਵਿਤਾ ਮੁਕਾਬਲੇ / ਯੰਗ ਰਾਈਟਰਜ਼ ਐਸੋਸੀਏਸ਼ਨ
  •    ‘ਗੀਤਾਂ ਦੀ ਗੂੰਜ* ਦਾ ਲੋਕ ਅਰਪਣ / ਸਾਹਿਤ ਸਭਾ ਪੰਜਾਬੀ ਯੂਨੀਵਰਸਿਟੀ ਪਟਿਆਲਾ
  •    ਪਲੀ ਵੱਲੋਂ ਤੇਰ੍ਹਵਾਂ ਅੰਤਰ-ਰਾਸ਼ਟਰੀ ਮਾਂ-ਬੋਲੀ ਦਿਨ / ਪੰਜਾਬੀਮਾਂ ਬਿਓਰੋ
  •    ਉਘੇ ਨਾਵਲਕਾਰ ਜਰਨੈਲ ਸੇਖਾ ਦਾ ਯੂ. ਬੀ. ਸੀ ਵਲੋਂ ਸਨਮਾਨ / ਪੰਜਾਬੀਮਾਂ ਬਿਓਰੋ
  •    ਰਾਈਟਰਜ਼ ਫੋਰਮ ਦੀ ਮਾਸਿਕ ਇਕੱਤਰਤਾ / ਰਾਈਟਰਜ਼ ਫੋਰਮ, ਕੈਲਗਰੀ
  •    ਤਾਈ ਨਿਹਾਲੀ ਸਾਹਿਤ ਕਲਾ ਮੰਚ ਦੀ ਇਕੱਤਰਤਾ / ਤਾਈ ਨਿਹਾਲੀ ਸਾਹਿਤ ਕਲਾ ਮੰਚ,ਲੰਗੇਆਣਾ ਕਲਾਂ
  •    ‘ਪਾਪਾ ਅਬ ਐਸਾ ਨਹੀਂ ਹੋਗਾ* ਨੂੰ ਸਰਬੋਤਮ ਪੁਰਸਕਾਰ / ਪੰਜਾਬੀਮਾਂ ਬਿਓਰੋ
  •    ਕਾਫ਼ਲਾ' ਵੱਲੋਂ ਵਰਲਡ ਡਰਾਮਾ ਡੇਅ ਮਨਾਇਆ ਗਿਆ / ਪੰਜਾਬੀਮਾਂ ਬਿਓਰੋ
  •    ਵਿਆਹ 'ਚ ਕਿਤਾਬ ਰਿਲੀਜ਼ ਕਰਕੇ ਨਵੀਂ ਪਿਰਤ ਪਾਈ / ਪੰਜਾਬੀਮਾਂ ਬਿਓਰੋ
  •    'ਧੀਆਂ ਨਾਲ ਜੱਗ ਵਸੇਂਦਾ ' ਲੋਕ-ਅਰਪਣ / ਪੰਜਾਬੀਮਾਂ ਬਿਓਰੋ
  • ਗ਼ਜ਼ਲ (ਗ਼ਜ਼ਲ )

    ਅਮਰਜੀਤ ਢਿਲੋਂ   

    Email: bajakhanacity@gmail.com
    Cell: +91 94171 20427
    Address: Baja Khana
    Bhatinda India
    ਅਮਰਜੀਤ ਢਿਲੋਂ ਦੀਆਂ ਹੋਰ ਰਚਨਾਵਾਂ ਪੜ੍ਹਨ ਲਈ ਇਥੇ ਕਲਿਕ ਕਰੋ


    ਇਤਫ਼ਾਕਨ ਜੁੜ ਗਈਆਂ ਸਨ ਜੋ ਆਪਣੇ ਨਾਵਾਂ ਨਾਲ।
        ਅਜੇ ਤੀਕ ਵੀ ਮੋਹ ਜਿਹਾ ਹੈ ਉਹਨਾਂ ਥਾਵਾਂ ਨਾਲ।

        ਸਾਡੇ ਸੰਗ ਹਾਦਸੇ ਉਹੀਓ ਵਾਰੋ ਵਾਰ ਰਹੇ ਘਟਦੇ
        ਰਹੇ ਉਲਝਦੇ ਜੀਵਨ ਭਰ ਘਟੀਆਂ ਘਟਨਾਵਾਂ ਨਾਲ।

        ਸਾਨੂੰ ਨਹੀਂ ਉਡੀਕ ਕਿਸੇ ਦੀ ਫਿਰ ਵੀ ਇੱਕ ਵਾਰੀ
        ਕੋਇਲਾਂ ਬੋਲਣ ਤੂੰ ਵੀ ਬੋਲ ਚੰਦਰਿਆਂ ਕਾਵਾਂ ਨਾਲ।

        ਮੇਰੀ ਅਰਥੀ ਚੁੱਕਦੇ ਵਕਤ ਉਹ ਸਾਰੇ ਬੋਲ ਪਏ
        ਬੰਦਾ ਵੱਡਾ ਹੁੰਦੈ ਆਖਰ ਚਾਰ ਭਰਾਵਾਂ ਨਾਲ।

        ਅਸੀਂ ਹਾਂ ਉਹ ਉਕਾਬ ਹਵਾ ਦੇ ਉਲਟ ਜੋ ਉੱਡਦੇ ਨੇ
        ਉਹ ਨੇ ਪੰਛੀ ਹੋਰ ਜੋ ਉੱਡਦੇ ਸਦਾ ਹਵਾਵਾਂ ਨਾਲ।
       
    ਔਖੇ ਸਮੇਂ ਜੇ ਦੋਸਤ ਛੱਡ ਗਏ ਤਾਂ ਹੈਰਾਨ ਨਾ ਹੋ
        ਸ਼ਾਮ ਢਲੇ ਤੋਂ ਕਦ ਰਹਿੰਦੈ ਆਪਣਾ ਪਰਛਾਵਾਂ ਨਾਲ।

        ਹੁਣ ਤਾਂ ਉਸਦੀ ਯਾਦ ਵੀ ਸੁਪਨੇ ਵਾਗੂੰ ਆਉਂਦੀ ਹੈ
        ਲੁੱਟਿਆ ਸੀ ਦਿਲ ਜਿਸਨੇ ਚੰਚਲ ਸ਼ੋਖ ਅਦਾਵਾਂ ਨਾਲ।

        ਝੁਲਸੇ ਰੁੱਖਾਂ ਤਾਈਂ ਦੇਣਾ ਪੈਂਦੇ ਦਿਲ ਦਾ ਖੂਨ
        ਇਹ ਮੌਸਮ ਨਹੀਂ ਬਦਲਦੇ 'ਢਿੱਲੋਂ' ਸਿਰਫ ਦੁਆਵਾਂ ਨਾਲ।