ਮਾਂ ਬੋਲੀ (ਕਵਿਤਾ)

ਪ੍ਰਵੀਨ ਸ਼ਰਮਾ   

Email: er.parveen2008@gmail.com
Cell: +91 94161 68044
Address: ਰਾਉਕੇ ਕਲਾਂ, ਏਲਨਾਬਾਦ
ਸਿਰਸਾ India
ਪ੍ਰਵੀਨ ਸ਼ਰਮਾ ਦੀਆਂ ਹੋਰ ਰਚਨਾਵਾਂ ਪੜ੍ਹਨ ਲਈ ਇਥੇ ਕਲਿਕ ਕਰੋ


ਬੜੀ ਸ਼ਾਨ ਨਾ ਵੀਰੋ ਮਾਦਰੀ ਜੁਵਾਨ ਬੋਲੋ ,
ਮਾਂ ਬੋਲੀ ਆਪਣੀ ਨੂੰ ਕਦੇ ਨਾ ਵਿਸਾਰੀਏ । 

ਮਾਂ ਆਪਣੀ ਤੋਂ ਜਿਵੇਂ ਕੋਈ ਨਾ ਬੇਮੁੱਖ ਹੋਵੇ ,
ਵਾਂਗ ਜਨਨੀ ਦੇ ਮਾਤ ਭਾਸ਼ਾ ਸਤਿਕਾਰੀਏ ।

ਮਾਂ ਬੋਲੀ ਦੀ ਨਾ ਕਦੇ ਸ਼ਾਨ ਚ ਫਰਕ ਆਵੇ ,
ਹੁੰਦਾ ਬੇਅਦਬ  ਕਦੇ ਕਿਤੇ  ਨਾ ਸਹਾਰੀਏ । 

ਸ਼ੌਕ ਨਾਲ ਤੁਸੀਂ  ਕਿਹੋ ਜਿਹੀ  ਭਾਸ਼ਾ ਸਿੱਖੋ , 
ਪਰ .....
ਮਾਂ ਬੋਲੀ ਛੱਡ ਬਹੁਤੀ ਦੂਜੀ ਨਾ ਉਚਾਰੀਏ ।

ਜਿੰਨੀ ਪੁੱਤ ਕਰੇ ਸੇਵਾ ਮਾਂ ਦੀ ਰੱਬ ਜਾਣ ਕੇ,  
ਉਨੀਂ ਕਰੋ ਮਾਤ ਬੋਲੀ ਦੀ ਏ ਚਿੱਤ ਧਾਰੀਏ । 

ਮਾਂ ਬੋਲੀ ਆਪਣੀ ਤਾਂ ਸਭ ਨੂੰ ਚੰਗੇਰੀ ਹੁੰਦੀ , 
ਮੇਰੀ ਵੀ ਪੰਜਾਬੀ ਮੈਨੂੰ ਬਹੁਤ ਹੀ ਪਿਆਰੀਏ । 

ਮੇਰੀ ਵੀ ਪੰਜਾਬੀ ਮੈਨੂੰ ਬਹੁਤ ਹੀ ਪਿਆਰੀਏ ।।