ਸਭ ਰੰਗ

  •    ਆਪਣੇ ਸਹਾਰੇ ਜੀਓ / ਗੁਰਸ਼ਰਨ ਸਿੰਘ ਕੁਮਾਰ (ਲੇਖ )
  •    ਧਰਮ ਅਤੇ ਦਲਿੱਦਰ / ਗੁਰਨਾਮ ਸਿੰਘ ਸੀਤਲ (ਲੇਖ )
  •    ਬਾਰਿ ਪਰਾਇਐ ਬੈਸਣਾ / ਨਿਸ਼ਾਨ ਸਿੰਘ ਰਾਠੌਰ (ਲੇਖ )
  •    ਅੱਗ ਦੀ ਮਾਰ ਅਤੇ ਨਵੇਂ ਵਰ੍ਹੇ ਦੇ ਜਸ਼ਨ / ਮਿੰਟੂ ਬਰਾੜ (ਲੇਖ )
  •    ਬਜ਼ੁਰਗ ਬਣੋ ਬੁੱਢੇ ਨਹੀਂ / ਕੈਲਾਸ਼ ਚੰਦਰ ਸ਼ਰਮਾ (ਲੇਖ )
  •    ਕੰਠੇ ਮਾਲਾ ਜਿਹਵਾ ਰਾਮੁ / ਇਕਵਾਕ ਸਿੰਘ ਪੱਟੀ (ਲੇਖ )
  •    ਕੰਮ ਹੀ ਪੂਜਾ ਹੈ / ਜਸਕਰਨ ਲੰਡੇ (ਲੇਖ )
  •    ਪੰਜਾਬ ਦੀ ਤ੍ਰਾਸਦੀ - ਉਸਨੂੰ ਉਜਾੜਿਆਂ ਨੇ ਉਜਾੜਿਆ / ਉਜਾਗਰ ਸਿੰਘ (ਲੇਖ )
  •    ਹਸਪਤਾਲ ਬਣਗੇ ਲੁੱਟ ਅਤੇ ਅਣਗਹਿਲੀ ਦਾ ਘਰ / ਹਾਕਮ ਸਿੰਘ ਮੀਤ (ਲੇਖ )
  •    ਸੂਰਜਾਂ ਦੇ ਵਾਰਿਸ (ਕਾਵਿ-ਸੰਗ੍ਰਹਿ) / ਜਸਵੀਰ ਸ਼ਰਮਾ ਦੱਦਾਹੂਰ (ਪੁਸਤਕ ਪੜਚੋਲ )
  •    ਸਫਰਨਾਮਾ-ਕੰਨਿਆਂ ਕੁਮਾਰੀ ਤੱਕ / ਗੁਰਮੀਤ ਸਿੰਘ ਫਾਜ਼ਿਲਕਾ (ਪੁਸਤਕ ਪੜਚੋਲ )
  •    ਘਮੰਡ ਤਿਆਗੋ ਤੇ ਪਿਆਰ-ਮੁਹੱਬਤ ਨਾਲ ਜੀਓ / ਮਨਜੀਤ ਤਿਆਗੀ (ਲੇਖ )
  • ਬਦਲਾਓ (ਕਵਿਤਾ)

    ਸਵਰਨਜੀਤ ਕੌਰ ਗਰੇਵਾਲ( ਡਾ.)   

    Email: dr.sawarngrewal@gmail.com
    Cell: +91 98726 65229
    Address:
    Ludhiana India
    ਸਵਰਨਜੀਤ ਕੌਰ ਗਰੇਵਾਲ( ਡਾ.) ਦੀਆਂ ਹੋਰ ਰਚਨਾਵਾਂ ਪੜ੍ਹਨ ਲਈ ਇਥੇ ਕਲਿਕ ਕਰੋ


    ਨਹੀਂ ਲੋੜ ਮੈਨੂੰ ਕਿ

    ਤਾਂਘਦੀ ਰਹਾਂ 

    ਤੇਰੇ ਸਾਥ ਨੂੰ !

    ਤੈਨੂੰ ਰੁੱਸੇ ਨੂੰ ਮਨਾਉਣ ਲਈ

    ਕੱਢਦੀ ਰਹਾਂ ਲਿਲਕੜੀਆਂ !

    ਹੁਣ ਨਹੀਂ ਸਹਾਂਗੀ ਮੈਂ......

    ਕਿ ਤੂੰ ਦਾਰੂ ਦੀ ਲੋਰ 'ਚ ਟੁੰਨ

    ਜਦੋਂ ਚਾਹੇਂ ਸੇਕ ਦੇਵੇਂ ਮੇਰੇ ਹੱਡ

    ਤੇ ਜਾਂ ਫਿਰ........

    ਭੋਗ ਲਵੇਂ ਮੈਨੂੰ.......

    ਇਕ ਨਿਰਜਿੰਦ ਵਸਤ ਵਾਂਗ !

    ਨਹੀਂ ਲੋੜ ਮੈਨੂੰ .......

    ਕਿ ਤੇਰੀ ਅਣਖ ਦੀ ਖ਼ਾਤਰ

    ਝੱਲਦੀ ਰਹਾਂ ਚੁੱਪ-ਚਾਪ.....

    ਤੇਰੀ ਦਿੱਤੀ ਹਰ ਸਜ਼ਾ !

    ਨਹੀਂ, ਨਹੀਂ, ਨਹੀਂ ਤੇ ਕਦੀ ਨਹੀਂ

    ਕਿ ਹਰ ਸਾਲ ਜੰਮੀ ਜਾਵਾਂ

    ਬਲੂਰਾਂ ਵਾਂਗ ਬੱਚੇ......

    ਕਿਸੇ ਮਸ਼ੀਨ ਵਾਂਗ !

    ਬਦਲ ਚੁੱਕੀ ਹਾਂ ਮੈਂ !

    ਬਦਲ ਗਈ ਏ

    ਮੇਰੀ ਫ਼ਿਤਰਤ !

    ਤੂੰ ਨਹੀਂ ਹੋ ਸਕਦਾ

    ਮੇਰੀ ਜ਼ਿੰਦਗੀ ਦਾ

    ਸੂਤਰਧਾਰ !

    ਮੇਰੀ ਜ਼ਿੰਦਗੀ ਹੁਣ

    ਆਪਣੀ ਹੈ ਮੇਰੀ !

    ਤੇ ਹੁਣ.......

    ਇਸ ਦੀ ਕਰਣਧਾਰ ਵੀ ਮੈਂ ਹਾਂ !

    ਤੇ ਕਰਮਧਾਰਕ ਵੀ ਮੈਂ ! 

    ਤੇਰੀ ਸਿਰਫ਼ ਤੇ ਸਿਰਫ਼ 

    ਸਾਥਣ ਹੋ ਸਕਦੀ ਹਾਂ !

    ਜੇ ਮਨਜ਼ੂਰ ਹੈ ਤੈਨੂੰ 

    ਤਾਂ ਆ ਚੱਲੀਏ

    ਕਦਮ ਨਾਲ ਕਦਮ ਮਿਲਾ ਕੇ !!