ਸਭ ਰੰਗ

  •    ਮਿਠਤੁ ਨੀਵੀ ਨਾਨਕਾ.... / ਗੁਰਸ਼ਰਨ ਸਿੰਘ ਕੁਮਾਰ (ਲੇਖ )
  •    ਨਾ - ਜੀ ਆਇਆਂ ਨੂੰ / ਬਲਵਿੰਦਰ ਸਿੰਘ ਚਾਹਲ (ਲੇਖ )
  •    ਨ ਸੁਣਈ ਕਹਿਆ ਚੁਗਲ ਕਾ / ਇਕਵਾਕ ਸਿੰਘ ਪੱਟੀ (ਲੇਖ )
  •    ਸੋਮਣੀ ਕਵੀਸ਼ਰ ਗੁਰਸੇਵਕ ਸਿੰਘ ਢਿੱਲੋਂ / ਤਸਵਿੰਦਰ ਸਿੰਘ ਬੜੈਚ (ਲੇਖ )
  •    ਧਰਤੀ ਅਤੇ ਸਥਾਈ ਵਿਕਾਸ / ਫੈਸਲ ਖਾਨ (ਲੇਖ )
  •    ਪੁਲਿਸ ਪੰਜਾਬ ਦੀ, ਸਮਾਂ ਨਹੀਂ ਵਿਚਾਰਦੀ / ਮਿੰਟੂ ਬਰਾੜ (ਲੇਖ )
  •    ਆਨ ਲਾਈਨ ਪੜਾਈ ਜਾਂ ਬੱਚਿਆਂ 'ਤੇ ਅੱਤਿਆਚਾਰ / ਨਿਸ਼ਾਨ ਸਿੰਘ ਰਾਠੌਰ (ਲੇਖ )
  •    ਵਿਆਹ ਨਾਲ ਜੁੜੀ ਸਾਹਿ ਚਿੱਠੀ / ਬੂਟਾ ਗੁਲਾਮੀ ਵਾਲਾ (ਲੇਖ )
  •    ਸਵ: ਬਲਦੇਵ ਸਿੰਘ ਆਜ਼ਾਦ ਨੂੰ ਚੇਤੇ ਕਰਦਿਆਂ / ਜਸਵੀਰ ਸ਼ਰਮਾ ਦੱਦਾਹੂਰ (ਲੇਖ )
  •    ਜਦ ਮੈਂ ਜਲੰਧਰੋਂ ਚਲ ਕੇ ਅਮਰੀਕਾ ਪਹੁੰਚਿਆ / ਸਤਨਾਮ ਸਿੰਘ ਚਾਹਲ (ਲੇਖ )
  •    ਲੋਪ ਹੋ ਰਿਹਾ ਵਿਰਸਾ : ਬੁਝਾਰਤਾਂ / ਸ਼ੰਕਰ ਮਹਿਰਾ (ਲੇਖ )
  •    ਰਹਰਾਸਿ ਸਾਹਿਬ –ਅਰਥ ਅਤੇ ਸਿੱਖਿਆਵਾਂ / ਗੁਰਮੀਤ ਸਿੰਘ ਫਾਜ਼ਿਲਕਾ (ਪੁਸਤਕ ਪੜਚੋਲ )
  •    ਮਹਿਕਾਂ ਦਾ ਵਣਜਾਰਾ : ਜਗਦੇਵ ਸਿੰਘ ਜੱਸੋਵਾਲ / ਉਜਾਗਰ ਸਿੰਘ (ਲੇਖ )
  • ਨਵਾਂ ਸਾਲ ਲੈ ਆਵੈ ਪਿਆਰ (ਕਵਿਤਾ)

    ਪ੍ਰਵੀਨ ਸ਼ਰਮਾ   

    Email: er.parveen2008@gmail.com
    Cell: +91 94161 68044
    Address: ਰਾਉਕੇ ਕਲਾਂ, ਏਲਨਾਬਾਦ
    ਸਿਰਸਾ India
    ਪ੍ਰਵੀਨ ਸ਼ਰਮਾ ਦੀਆਂ ਹੋਰ ਰਚਨਾਵਾਂ ਪੜ੍ਹਨ ਲਈ ਇਥੇ ਕਲਿਕ ਕਰੋ


    ਲੰਘਿਆ ਵੀਹ ਸੌ ਉਨੀਂ  ਵੀਹ ਸੌ ਵੀਹ ਚੜ ਆਇਆ ਏ
    ਛੰਦ ਨਵਾਂ  ਇੱਕ ਰਚਕੇ  ਮੈਂ ਨਵੇਂ  ਸਾਲ ਤੇ  ਪਾਇਆ ਏ ,  
    ਲੱਖ ਲੱਖ  ਵਾਰ ਵਧਾਈ  ਹਰ ਇੱਕ  ਮਿੱਤਰ ਪਿਆਰੇ ਨੂੰ 
    ਇਹ  ਨਵਾਂ ਸਾਲ  ਲੈ ਆਵੈ , ਪਿਆਰ ਤੇ  ਭਾਈਚਾਰੇ ਨੂੰ ।

    ਖੁਸ਼ੀਆਂ  ਭਰਿਆ ਦਾਤਾ  ਇਹ ਸਭਨਾਂ  ਲਈ ਸਾਲ ਰਹੇ
    ਤੇਰੀ  ਰਹਿਮਤ  ਸਦਕਾ   ਸਭਦਾ  ਚੰਗਾ ਈਂ  ਹਾਲ  ਰਹੇ , 
    ਖੁਸ਼ਹਾਲ  ਰੱਖੀਂ  ਹਰ ਪਿੰਡ  ਸ਼ਹਿਰ  ਤੇ  ਦੇਸ਼  ਹਮਾਰੇ ਨੂੰ 
    ਇਹ  ਨਵਾਂ ਸਾਲ  ਲੈ ਆਵੈ , ਪਿਆਰ ਤੇ  ਭਾਈਚਾਰੇ ਨੂੰ ।

    ਨਾ  ਮੋਢਿਆਂ   ਉੱਤੇ   ਭਾਰ  ਚੁਕਾਈ  ਗੱਭਰੂ   ਪੁੱਤਾਂ  ਦੇ 
    ਸੁਹਾਗ ਕਿਸੇ  ਦਾ ਖੋਹ ਨਾ  ਲਈ ਵਿੱਚ  ਜੋਬਨ ਰੁੱਤਾਂ ਦੇ , 
    ਬਖਸ਼ੀ ਉਮਰਾਂ  ਲੰਮੀਆਂ  ਹਰ  ਇੱਕ  ਅੱਖ  ਦੇ ਤਾਰੇ ਨੂੰ 
    ਇਹ  ਨਵਾਂ ਸਾਲ  ਲੈ ਆਵੈ , ਪਿਆਰ ਤੇ  ਭਾਈਚਾਰੇ ਨੂੰ ।

    ਨਾਹੀਂ ਜਾਨ ਕਿਸੇ ਦੀ  ਜਾਵੇ ਕੀਮਤੀ  ਬਿਨਾਂ ਇਲਾਜ ਦੇ 
    ਏਸ  ਨਵੇਂ   ਸਾਲ  ਤੇ   ਲਾਈਏ  ਬੂਟੇ   ਨਵੇਂ  ਸਮਾਜ  ਦੇ , 
    ਮਿਲੇ ਸੁਖ  ਸਹੁਲਤ ਚੰਗੀ  ਹਰ  ਇੱਕ ਦੁੱਖੀ  ਬੇਚਾਰੇ ਨੂੰ 
    ਇਹ  ਨਵਾਂ ਸਾਲ  ਲੈ ਆਵੈ , ਪਿਆਰ ਤੇ  ਭਾਈਚਾਰੇ ਨੂੰ ।

    ਵਰਸੈ ਮੀਂਹ ਦੀ ਰਹਿਮਤ  ਹਰ ਇੱਕ ਖੇਤ ਬਗੀਚੇ ਬਾੜੀ 
    ਚੰਗੀਆਂ  ਹੋਵਣ ਫ਼ਸਲਾਂ  ਸਭ ਦੀ ਚੰਗੀ ਸਾਉਣੀ ਹਾੜੀ , 
    ਨਾਲੇ  ਕਰ ਦੋ  ਪਾਣੀ  ਮਿੱਠਾ  ਸਭ  ਬੋਰਾਂ  ਦੇ  ਖਾਰੇ  ਨੂੰ 
    ਇਹ  ਨਵਾਂ ਸਾਲ  ਲੈ ਆਵੈ , ਪਿਆਰ ਤੇ  ਭਾਈਚਾਰੇ ਨੂੰ ।

    ਇਸ ਨਵੇਂ ਸਾਲ ਵਿੱਚ  ਕਰੇ ਨਾ ਖੁਦਕੁਸ਼ੀ ਕਿਸਾਨ ਕੋਈ
    ਮਿਲ  ਜਾਏ  ਮੁਕਤੀ  ਕਰਜੇ   ਤੋਂ  ਦੇਵੇ  ਨਾ  ਜਾਨ ਕੋਈ , 
    ਉਹਦੇ ਚੜ੍ਹਨ  ਦੇਈਂ ਨਾ ਰੱਬਾ ਸਿਰ  ਤੇ ਕਰਜੇ  ਭਾਰੇ ਨੂੰ 
    ਇਹ  ਨਵਾਂ ਸਾਲ  ਲੈ ਆਵੈ , ਪਿਆਰ ਤੇ  ਭਾਈਚਾਰੇ ਨੂੰ ।

    ਚੰਗੀ  ਹੋਵੇ  ਸਿੱਖਿਆ  ਸਿਹਤ ਚੰਗੇ  ਸੋਚ  ਵਿਚਾਰ ਜੀ
    ਨਾ  ਭੁੱਲੇ   ਕੋਈ  ਵਿਰਸਾ  ਆਪਣਾ  ਸੱਭਿਆਚਾਰ  ਜੀ , 
    ਜੜ੍ਹਾਂ  ਵੱਢਣ   ਤੋਂ  ਰੋਕੀ  ਚੱਲ  ਪਏ  ਪੱਛਮੀ  ਆਰੇ  ਨੂੰ
    ਇਹ  ਨਵਾਂ ਸਾਲ  ਲੈ ਆਵੈ , ਪਿਆਰ ਤੇ  ਭਾਈਚਾਰੇ ਨੂੰ ।

    ਏਥੇ  ਭਾਈਚਾਰਾ  ਕੌਮੀ   ਏਕਤਾ  ਬਣੀ  ਰਹੇ  ਸਭ  ਦੀ
    ਹਰ  ਇੱਕ ਦੇ  ਵਿੱਚ  ਜਗਦੀ  ਇੱਕੋ  ਜੋਤੀ  ਹੈ  ਰੱਬ ਦੀ , 
    ਸਭ  ਇੱਕ  ਅੱਖ  ਨਾਲ  ਤੱਕਣ  ਮੰਦਰ  ਗੁਰੂਦੁਆਰੇ ਨੂੰ
    ਇਹ  ਨਵਾਂ ਸਾਲ  ਲੈ ਆਵੈ , ਪਿਆਰ ਤੇ  ਭਾਈਚਾਰੇ ਨੂੰ ।

    ਨਵੇਂ ਸਾਲ ਵਿੱਚ ਆਪਾਂ  ਅੰਧ ਅਗਿਆਨ ਮਿਟਾਉਣਾ ਹੈ 
    ਹਿੰਦੂ ਮੋਮਨ ਸਿੱਖ ਇਸਾਈ ਇੱਕ ਦਾ ਪਾਠ ਪੜਾਉਣਾ ਹੈ , 
    ਭਾਈ ਫੇਰ  ਮਿਲਾਂਗੇ  ਜਾਕੇ  ਜਗ ਦੇ  ਸਿਰਜਣਹਾਰੇ ਨੂੰ 
    ਇਹ  ਨਵਾਂ ਸਾਲ  ਲੈ ਆਵੈ , ਪਿਆਰ ਤੇ  ਭਾਈਚਾਰੇ ਨੂੰ ।

    ਦਾਤਾ  ਏਸ  ਸਾਲ ਵੀ  ਬਖਸ਼ੀ  ਖੁਲ੍ਹੇ ਸ਼ਬਦ  ਭੰਡਾਰ ਜੀ
    ਸ਼ਰਮਾ  ਛੰਦ  ਸੁਣਾਕੇ   ਕਰਦੂ  ਹਿਰਦੈ  ਠੰਡੇ  ਠਾਰ ਜੀ , 
    ਪਰ  ਨੱਥ  ਰੱਖੀ   ਤੂੰ  ਪਾਕੇ   ਏਸੇ   ਬਲਦ  ਹੰਕਾਰੇ  ਨੂੰ
    ਇਹ  ਨਵਾਂ ਸਾਲ  ਲੈ ਆਵੈ , ਪਿਆਰ ਤੇ  ਭਾਈਚਾਰੇ ਨੂੰ