ਪੁੱਤਰਾਂ ਤੇ ਧੀਆਂ ਵਿੱਚ ਫਰਕ ਨਾ ਕੋਈ
ਰੱਬ ਕੋਲੋ ਦਾਤ ਕਿਤੇ ਮੰਗ ਕੇ ਵੇਖਿਉ
ਪੁੱਤਰਾਂ ਦੇ ਜਿਨ੍ਹਾਂ ਤੁਹਾਨੂੰ ਮਿਲੂਗਾ ਪਿਆਰ
ਧੀਆਂ ਦੀ ਲੋਹੜੀ ਕਿਤੇ ਵੰਡ ਕੇ ਵੇਖਿਉ
••••••••••••••
ਧੀਆਂ ਪੁੱਤਾਂ ਤੋ ਬਈ ਲੱਗਣ ਪਿਆਰੀਆਂ
ਸੁੱਖ ਮਾਪਿਆ ਦੀ ਮੰਗਣ ਵਿਚਾਰੀਆਂ
ਸੰਗ ਇਨ੍ਹਾਂ ਦੀ ਦੇ ਵਿੱਚ ਕਦੇ ਸੰਗ ਕੇ ਤਾ ਵੇਖਿਉ
ਪੁੱਤਰਾਂ ਦੇ ਜਿਨ੍ਹਾਂ ਤੁਹਾਨੂੰ ਮਿਲੂਗਾ ਪਿਆਰ
ਧੀਆਂ ਦੀ ਲੋਹੜੀ ਕਿਤੇ ਵੰਡ ਕੇ ਵੇਖਿਉ
ਹਰ ਪਾਸੇ ਮੱਲਾਂ ਅੱਜ ਧੀਆਂ ਮਾਰੀਆਂ
ਦੱਸੋ ਕਿਹੜੀ ਗੱਲੋਂ ਘੱਟ ਨੇ ਵਿਚਾਰੀਆਂ
ਦਿਲ ਧੀਆਂ ਦੇ ਪਿਆਰ ਵਿੱਚ ਰੰਗ ਕੇ ਤਾਂ ਵੇਖਿਉ
ਪੁੱਤਰਾਂ ਦੇ ਜਿਨ੍ਹਾਂ ਤੁਹਾਨੂੰ ਮਿਲੂਗਾ ਪਿਆਰ
ਧੀਆਂ ਦੀ ਲੋਹੜੀ ਕਿਤੇ ਵੰਡ ਕੇ ਵੇਖਿਉ
ਧੀਆਂ ਤੇ ਕੂੰਜਾਂ ਦੀ ਬੜੀ ਲੰਮੀ ਉਡਾਰੀ
ਜਾਣਾ ਪੈਂਦਾ ਜਿਥੇ ਚੋਗ ਖਿਲਾਰੀ
ਰੱਬ ਕੋਲੋ ਖੈਰ ਕਿਤੇ ਮੰਗ ਕੇ ਤਾ ਵੇਖਿਉ
ਪੁੱਤਰਾਂਦੇ ਜਿਨ੍ਹਾਂ ਤੁਹਾਨੂੰ ਮਿਲੂਗਾ ਪਿਆਰ
ਧੀਆਂ ਦੀ ਲੋਹੜੀ ਕਿਤੇ ਵੰਡ ਕੇ ਵੇਖਿਉ
ਗੁਲਾਮੀ ਵਾਲਾ ਆਖੇ ਧੀਆਂ ਜੱਗ ਉਤੇ ਸ਼ਾਨ ਹੈ
ਧੀਆਂ ਦੇ ਨਾਲ ਸਾਰਾ ਵੱਸਦਾ ਜਹਾਨ ਹੈ
ਇਹਨਾਂ ਨਾਲ ਰਿਸਤਾ ਗੰਢ ਕੇ ਤਾ ਵੇਖਿਉ
ਪੁੱਤਰਾਂ ਦੇ ਜਿਨ੍ਹਾਂ ਤੁਹਾਨੂੰ ਮਿਲੂਗਾ ਪਿਆਰ
ਧੀਆਂ ਦੀ ਲੋਹੜੀ ਕਿਤੇ ਵੰਡ ਕੇ ਵੇਖਿਉ