ਪੰਜਾਬ (ਕਵਿਤਾ)

ਬਿੰਦਰ ਜਾਨ ਏ ਸਾਹਿਤ   

Email: binderjann999@gmail.com
Address:
Italy
ਬਿੰਦਰ ਜਾਨ ਏ ਸਾਹਿਤ ਦੀਆਂ ਹੋਰ ਰਚਨਾਵਾਂ ਪੜ੍ਹਨ ਲਈ ਇਥੇ ਕਲਿਕ ਕਰੋ


50ਸਾਲਾਂ ਤੱਕ ਪੰਜਾਬ ਚ ਲੱਗਦਾ 
ਲੱਭਣੇ  ਨਹੀਂ ਪੰਜਾਬੀ 

ਬਾਹਰ ਵੱਲ  ਨੂੰ  ਤੁਰ  ਪਏ ਬਹੁਤੇ  
ਦੇ ਬਈਆਂ ਹੱਥ ਚਾਬੀ 

ਮਿੱਟੀ ਹਵਾ ਵੀ  ਜ਼ਹਿਰੀ ਹੋ ਗਈ 
ਪਾਣੀ ਹੋਇਆ ਤੇਜ਼ਾਬੀ 

ਬੱਚੇ     ਬੁੱਢੇ  ਖਾਣ   ਦਵਾਈਆਂ 
ਬਿਮਾਰੀ ਬੇਹਿਸਾਬੀ 

ਗਜ਼ ਗਜ਼  ਚੌੜੀ ਛਾਤੀਆ ਵਾਲੇ 
ਸਮੈਕੀਏ ਅਤੇ ਸ਼ਰਾਬੀ 

ਟੁੱਕੜੇ ਟੁੱਕੜੇ  ਕਰ ਕੇ ਬਹਿ ਗਏ 
ਧਰਤੀ ਜੋ ਪੰਜ ਅਾਬੀ 

ਮੁਰਝਾ ਕੇ ਪੱਤ ਹੋ ਗਿਆ ਜਿਹੜਾ 
ਫੁੱਲ ਸੀ ਕਦੀ ਗੁਲਾਬੀ 

ਲੋਕਤੰਤਰ  ਵਿੱਚ ਲੋਕ ਰੁੱਲ ਗਏ 
ਸਿੱਕਾ ਚੱਲੇ ਨਵਾਬੀ 

ਮਾੜੀ  ਰਾਜਨੀਤੀ   ਨੇ  ਬਿੰਦਰਾ
ਕਿੱਤੀ ਬਹੁਤ ਖਰਾਬੀ