ਮੈਂ ਸੁਣਿਆ ਪੱਥਰ ਵੀ ਬੋਲਦੇ ਨੇ
ਗੱਲ ਸਮਝਣ ਦੀ ਐ
ਲੈ ਪੱਥਰ ਕਿਹੜਾ ਘੱਟ ਨੇ
ਇਹ ਵੀ ਦਿਲ ਦੀ ਘੁੰਡੀ
ਖੋਲਦੇ ਨੇ
ਮੈਂ ਸੁਣਿਆ ਪੱਥਰ ਵੀ ਬੋਲਦੇ ਨੇ
ਪੱਥਰ ਕੋਲੇ ਪੱਥਰ ਘੜਿਆ
ਇੱਕ ਤੋਂ ਇੱਕ ਵਧ ਕੇ ਤੜਿਆ
ਇੱਕ ਦੂਜੇ ਦੀ ਸ਼ਾਨ ਦੇ ਉੱਤੇ
ਬਿਨਾਂ ਗੱਲਬਾਤ ਤੋਂ ਸੜਿਆ ।
ਪੱਥਰਾਂ ਵਰਗੇ ਸਾਰੇ ਹੋ ਗਏ
ਮੋਏ ਮੋਏ ਲਗਦੇ ਨੇ
ਕਿੱਧਰੇ ਹਾਸੇ ਕਿੱਧਰੇ ਠੱਠੇ
ਗੁਆਚੇ -ਗੁਆਚੇ ਤੇ ਖੋਏ -ਖੋਏ
ਨੇ।
ਰਿਸ਼ੀਆਂ ਤੇ ਮੁਨੀਆਂ ਨੇ ਵੀ
ਪੱਥਰਾਂ ਨਾਲ ਘੱਟ ਨੀ ਕੀਤੀ
ਜਿਉਂਦੇ ਮਾਨਸ ਪੱਥਰ ਕੀਤੇ
ਇਹ ਮੈਂ ਕਦੇ ਨਾ ਆਖਾਂ
ਮਿਥਿਹਾਸ ਪਏ ਬੋਲਦੇ ਨੇ
ਪੱਥਰਾਂ ਨੂੰ ਹੁਣ ਕੌਣ ਸਮਝਾਵੇ
ਅਜਬ ਮੋੜ ਜਿਹਾ ਆਇਆ
ਪੱਥਰੋ ਪੱਥਰੀ ਹੋ ਜਾਵਾਂ ਮੈਂ
ਇਹੀ ਜੁਗਤ ਜਿਹੀ ਆਵੇ
ਕੀਮਤ ਪੱਥਰ ਦੱਸਣ ਓਦੋਂ
ਜਦ ਤੱਕੜੀ ਵਿੱਚ ਤੋਲਦੇ ਨੇ
ਲੈ ਪੱਥਰਾਂ ਨੂੰ ਜੇ ਸਮਝੇ ਕੋਈ
ਪੱਥਰ ਕਿਹੜਾ ਘੱਟ ਨੇ
ਲੋੜ ਸਮਝਣ ਦੀ ਐ
ਪੱਥਰ ਵੀ ਬੋਲਦੇ ਨੇ ।