ਅੰਦਰੋਂ ਸਭ ਲੱਭ ਪਿਆ (ਕਵਿਤਾ)

ਕਵਲਦੀਪ ਸਿੰਘ ਕੰਵਲ   

Email: kawaldeepsingh.chandok@gmail.com
Cell: +91 88728 83772
Address: H. No. 501/2, Dooma Wali Gali
Patiala India 147001
ਕਵਲਦੀਪ ਸਿੰਘ ਕੰਵਲ ਦੀਆਂ ਹੋਰ ਰਚਨਾਵਾਂ ਪੜ੍ਹਨ ਲਈ ਇਥੇ ਕਲਿਕ ਕਰੋ


ਦਿੱਲ ਤੇਰੇ ਰੱਬ ਵਸਿਆ ਨਾਹੀਂ 
ਤੂੰ ਮੰਦਰ ਬਾਹਰ ਲਿਆ ਬਣਾ 

ਘਰ ਆਪਣੇ ਮਾਰੀ ਨਾ ਝਾਤੀ 
ਵਿੱਚ ਮਸੀਤੀਂ ਢਿੰਢੋਲ ਰਿਆ 

ਰਾਮ ਨਾਮ ਦੇ ਫੇਰਦਾ ਮਣਕੇ 
ਤੇ ਕਰਮੀਂ ਰਾਵਣ ਆਣ ਬਿਹਾ 

ਕਾਨ੍ਹ ਲੀਲਾ 'ਤੇ ਝੂਮ ਕੇ ਨੱਚੇ 
ਹੈ ਦੁਰਸ਼ਾਸ਼ਨ ਹੱਥੀਂ ਵਸਿਆ 

ਹਸਨ ਹੁਸੈਨ ਦੇ ਪਾਵੇਂ ਕੀਰਨੇ 
ਪਰ ਬਣ ਆਪ ਯਜੀਦ ਰਿਹਾ 

ਸੰਗ-ਅਵਸਦ ਚੁੰਮ੍ਹੇ ਪੱਥਰ ਮਾਰੇਂ  
ਨਹੀਂਓਂ ਤੈਂਡਾ ਸ਼ੈਤਾਨ ਗਿਆ 

ਓਏ ਮੱਕੇ ਬੈਠੇ ਮੋਮਨ ਦੇ ਨੇੜੇ 
ਕੰਵਲ ਢੁੱਕੇ ਨਾ ਖ਼ੁਦ ਖ਼ੁਦਾ  

ਮੁੱਕਦੀ ਗੱਲ ਜਿ ਆਪਾ ਟੋਲੇਂ 
ਫ਼ਿਰ ਅੰਦਰੋਂ ਸਭ ਲੱਭ ਪਿਆ