ਖ਼ਬਰਸਾਰ

  •    ਪਰਸ਼ੋਤਮ ਲਾਲ ਸਰੋਏ ਦੀ ਪੁਸਤਕ 'ਮਾਲਾ ਦੇ ਮਣਕੇ' ਰਿਲੀਜ਼ / ਪੰਜਾਬੀ ਲਿਖਾਰੀ ਸਭਾ (ਰਜਿ:), ਜਲੰਧਰ
  •    ਪ੍ਰਗਤੀਸ਼ੀਲ ਲੇਖਕ ਸੰਘ ਦਾ ਜਥੇਬੰਦਕ ਸਮਾਗਮ / ਪ੍ਰਗਤੀਸ਼ੀਲ ਲੇਖਕ ਸੰਘ
  •    ਵਿਸ਼ਵ ਪੰਜਾਬੀ ਸਾਹਿੱਤ ਵਿਚਾਰ ਮੰਚ ਵੱਲੋਂ ਸੈਮੀਨਾਰ / ਵਿਸ਼ਵ ਪੰਜਾਬੀ ਸਾਹਿੱਤ ਵਿਚਾਰ ਮੰਚ
  •    ਭਾਈ ਸਾਧੂ ਸਿੰਘ ਧੰਮੂ ਦਾ ਸਨਮਾਨ / ਸਾਹਿਤ ਸਭਾ ਬਾਘਾ ਪੁਰਾਣਾ
  •    ਟਰਾਂਟੋ ਵਿੱਚ ਤਿੰਨ ਦਿਨਾਂ ਗ਼ਦਰ ਸ਼ਤਾਬਦੀ ਸਮਾਗਮ / ਪੰਜਾਬੀਮਾਂ ਬਿਓਰੋ
  •    ‘ਕੁੜੀਆਂ ਤੇ ਕਵਿਤਾਵਾਂ’ ਪੁਸਤਕ ਲੋਕ ਅਰਪਣ / ਪੰਜਾਬੀਮਾਂ ਬਿਓਰੋ
  •    ਤਨਦੀਪ ਤਮੰਨਾ ਦਾ ਕਾਵਿ-ਸੰਗ੍ਰਹਿ 'ਇਕ ਦੀਵਾ ਇਕ ਦਰਿਆ' ਰਿਲੀਜ਼ / ਪੰਜਾਬੀਮਾਂ ਬਿਓਰੋ
  •    ਬੀ ਸੀ ਕਲਚਰਲ ਫਾਊਂਡੇਸ਼ਨ ਵੱਲੋਂ ਪੁਸਤਕ ਰੀਲੀਜ਼ ਸਮਾਗਮ / ਬੀ ਸੀ ਕਲਚਰਲ ਫਾਊਂਡੇਸ਼ਨ
  •    ਜਾਰਜ ਮੈਕੀ ਲਾਇਬ੍ਰੇਰੀ ਡੈਲਟਾ ਵਿਚ ਇਕ ਰੰਗਲੀ ਕਾਵਿ-ਸ਼ਾਮ / ਪੰਜਾਬੀਮਾਂ ਬਿਓਰੋ
  •    ਪੰਜਾਬੀ ਸਾਹਿਤ ਸਭਾ, ਸੰਦੌੜ ਦੀ ਮਹੀਨਾਵਾਰ ਇਕੱਤਰਤਾ / ਪੰਜਾਬੀ ਸਾਹਿਤ ਸਭਾ, ਸੰਦੌੜ
  •    ਸਿਰਜਣਧਾਰਾ ਵੱਲੋਂ ਦੋ ਸਮਾਗਮਾਂ ਵਿਚ ਪੁਸਤਕਾਂ ਲੋਕ ਅਰਪਣ / ਸਿਰਜਣਧਾਰਾ
  •    ਪੰਜਾਬੀ ਸਾਹਿਤ ਅਕੈਡਮੀ ਨਿਊਯਾਰਕ ਦੀ ਸੱਤਵੀਂ ਵਰ੍ਹੇ-ਗੰਢ ਮਨਾਈ / ਪੰਜਾਬੀ ਸਾਹਿਤ ਅਕੈਡਮੀ,ਨਿਊਯਾਰਕ
  • ਤਿੰਨ ਗ਼ਜ਼ਲਾਂ (ਗ਼ਜ਼ਲ )

    ਤ੍ਰੈਲੋਚਨ ਲੋਚੀ   

    Email: trailochanlochi68@gmail.com
    Cell: +91 98142 53315
    Address: 20, ਸੈਕਿੰਡ ਫਲੋਰ 8.9.7. ਫਲੈਟਸ ਰਾਜ ਗੁਰੂ ਨਗਰ
    ਲੁਧਿਆਣਾ India
    ਤ੍ਰੈਲੋਚਨ ਲੋਚੀ ਦੀਆਂ ਹੋਰ ਰਚਨਾਵਾਂ ਪੜ੍ਹਨ ਲਈ ਇਥੇ ਕਲਿਕ ਕਰੋ


    1.

    ਬੜਾ ਗੁਸਤਾਖ ਹੈ ਇਹ ਸ਼ਹਿਰ ਤੇਰਾ |
    ਕਿ ਜਿਥੇ ਸਹਿਮ ਕੇ ਚੜ੍ਹਦਾ ਸਵੇਰਾ |

    ਨਗਰ ਨੂੰ ਨੀਂਦ ਏਨੀ ਕਿਓਂ ਪਿਆਰੀ, 
    ਚਿਰਾਗੋਂ ਸਖਣਾ ਹੈ ਹਰ ਬਨੇਰਾ |

    ਹਵਾ ਨੂੰ , ਵਕਤ ਨੂੰ , ਮੁਠੀ 'ਚ ਲਈਏ ,

    ਕਦੇ ਵੀ ਪਰਖ ਲੈ ਸਾਡਾ ਤੂੰ ਜ਼ੇਰਾ |

    ਮੁਸੀਬਤ ਨੂੰ ਕਹੀਂ ਆਵੇ ਕਦੇ ਤਾਂ ,
    ਪਛਾਣਾ ਕੌਣ ਹੈ ਹਮਦਰਦ ਹੈ ਮੇਰਾ | 

    ਗ਼ਜ਼ਲ ਵਿਚ ਪੀੜ ਓਹੀ, ਦਰਦ ਓਹੀ , 
    ਬੜਾ ਪਰ ਖੂਬ ਹੈ ਅੰਦਾਜ਼ ਤੇਰਾ |

    ਤੁਸੀਂ ਸ਼ਬਦਾਂ ਨੂੰ ਪਿਛੇ ਛੱਡ ਆਏ ,
    ਤੁਹਾਡੇ ਸ਼ਹਿਰ ਵਿਚ ਤਾਂ ਹੀ ਹਨੇਰਾ ।

    ਬਚਾਈਂ ਡੋਰ ਤੂੰ ਸਾਹਾਂ ਦੀ "ਲੋਚੀ"
    ਚੁਫੇਰੇ ਲਾ ਲਿਐ ਨਾਗਾਂ ਨੇ ਡੇਰਾ |
     

    2.

    ਰਖੀਂ ਸੰਭਾਲ ਗ਼ਜ਼ਲਾਂ |
    ਹੁੰਦੀਆਂ ਕਮਾਲ ਗ਼ਜ਼ਲਾਂ |

    ਜਦ ਹਾਲ ਨਾ ਕੋਈ ਪੁਛੇ ,
    ਪੁਛਣ ਇਹ ਹਾਲ ਗ਼ਜ਼ਲਾਂ |

    ਇਹ ਤਾਂ ਘਰਾਂ 'ਚ ਵੱਸਣ ,
    ਬਾਹਰੋਂ ਨਾ ਭਾਲ ਗ਼ਜ਼ਲਾਂ |

    ਹੋਰਾਂ ਦੇ ਦੇਖ ਹੰਝੂ ,
    ਹੁੰਦੀਆਂ ਬੇ-ਹਾਲ ਗ਼ਜ਼ਲਾਂ |

    ਸ਼ੇਅਰਾਂ 'ਚ ਮਹਿਕ , ਤਾਂ ਹੀ ,
    ਫੁੱਲਾਂ ਦੀ ਡਾਲ ਗ਼ਜ਼ਲਾਂ |

    ਵਿਹੜੇ 'ਚ ਬੇਟੀਆਂ ਨੇ ,
    ਪਾਵਣ ਧਮਾਲ ਗਜ਼ਲਾਂ |

    ਮੈਂ ਸਾਜ਼ ਹੋ ਗਿਆ ਹਾਂ ,

    ਤੁਰੀਆਂ ਕੀ ਨਾਲ ਗ਼ਜ਼ਲਾਂ |

    3.

    ਫੁੱਲਾਂ ਦੇ ਵਿਚਕਾਰ ਕਿਤੇ ਵੀ 
    ਚੁਭ ਸਕਦੇ ਨੇ ਖਾਰ ਕਿਤੇ ਵੀ

    ਬੰਦਿਆਂ ਵਾਂਗੂੰ ਤੋੜ ਨਿਭਾਈਂ 
    ਕੀਤਾ ਜੇ ਇਕਰਾਰ ਕਿਤੇ ਵੇ 

    ਖੁਸ਼ਬੂ-ਖੁਸ਼ਬੂ ਹੋਣਾ ਚਾਹਾਂ 
    ਮਿਲ ਜਾਵੀਂ ਇੱਕ ਵਾਰ ਕਿਤੇ ਵੀ 

    ਹਾਲੇ ਏਨੇ ਲੋਕ ਨਈਂ ਮਾੜੇ 
    ਮਿਲ ਸਕਦਾ ਹੈ ਪਿਆਰ ਕਿਤੇ ਵੀ 

    ਘਰਾਂ 'ਚ , ਦਿਲਾਂ 'ਚ ਮੇਰਿਆ ਰੱਬਾ 
    ਉਸਰੇ ਨਾ ਦੀਵਾਰ ਕਿਤੇ ਵੀ

    ਧਰਤੀ ਵਿਗਸੇ, ਅੰਬਰ ਲਿਸ਼ਕੇ 
    ਲਿਸ਼ਕੇ ਨਾ ਤਲਵਾਰ ਕਿਤੇ ਵੀ 

    ਛੱਡ ਤੂੰ "ਲੋਚੀ" ਹਵਾ 'ਚ ਉਡਣਾ 
    ਪੈ ਸਕਦੀ ਹੈ ਮਾਰ ਕਿਤੇ ਵੀ