ਖ਼ਬਰਸਾਰ

  •    ਪਰਸ਼ੋਤਮ ਲਾਲ ਸਰੋਏ ਦੀ ਪੁਸਤਕ 'ਮਾਲਾ ਦੇ ਮਣਕੇ' ਰਿਲੀਜ਼ / ਪੰਜਾਬੀ ਲਿਖਾਰੀ ਸਭਾ (ਰਜਿ:), ਜਲੰਧਰ
  •    ਪ੍ਰਗਤੀਸ਼ੀਲ ਲੇਖਕ ਸੰਘ ਦਾ ਜਥੇਬੰਦਕ ਸਮਾਗਮ / ਪ੍ਰਗਤੀਸ਼ੀਲ ਲੇਖਕ ਸੰਘ
  •    ਵਿਸ਼ਵ ਪੰਜਾਬੀ ਸਾਹਿੱਤ ਵਿਚਾਰ ਮੰਚ ਵੱਲੋਂ ਸੈਮੀਨਾਰ / ਵਿਸ਼ਵ ਪੰਜਾਬੀ ਸਾਹਿੱਤ ਵਿਚਾਰ ਮੰਚ
  •    ਭਾਈ ਸਾਧੂ ਸਿੰਘ ਧੰਮੂ ਦਾ ਸਨਮਾਨ / ਸਾਹਿਤ ਸਭਾ ਬਾਘਾ ਪੁਰਾਣਾ
  •    ਟਰਾਂਟੋ ਵਿੱਚ ਤਿੰਨ ਦਿਨਾਂ ਗ਼ਦਰ ਸ਼ਤਾਬਦੀ ਸਮਾਗਮ / ਪੰਜਾਬੀਮਾਂ ਬਿਓਰੋ
  •    ‘ਕੁੜੀਆਂ ਤੇ ਕਵਿਤਾਵਾਂ’ ਪੁਸਤਕ ਲੋਕ ਅਰਪਣ / ਪੰਜਾਬੀਮਾਂ ਬਿਓਰੋ
  •    ਤਨਦੀਪ ਤਮੰਨਾ ਦਾ ਕਾਵਿ-ਸੰਗ੍ਰਹਿ 'ਇਕ ਦੀਵਾ ਇਕ ਦਰਿਆ' ਰਿਲੀਜ਼ / ਪੰਜਾਬੀਮਾਂ ਬਿਓਰੋ
  •    ਬੀ ਸੀ ਕਲਚਰਲ ਫਾਊਂਡੇਸ਼ਨ ਵੱਲੋਂ ਪੁਸਤਕ ਰੀਲੀਜ਼ ਸਮਾਗਮ / ਬੀ ਸੀ ਕਲਚਰਲ ਫਾਊਂਡੇਸ਼ਨ
  •    ਜਾਰਜ ਮੈਕੀ ਲਾਇਬ੍ਰੇਰੀ ਡੈਲਟਾ ਵਿਚ ਇਕ ਰੰਗਲੀ ਕਾਵਿ-ਸ਼ਾਮ / ਪੰਜਾਬੀਮਾਂ ਬਿਓਰੋ
  •    ਪੰਜਾਬੀ ਸਾਹਿਤ ਸਭਾ, ਸੰਦੌੜ ਦੀ ਮਹੀਨਾਵਾਰ ਇਕੱਤਰਤਾ / ਪੰਜਾਬੀ ਸਾਹਿਤ ਸਭਾ, ਸੰਦੌੜ
  •    ਸਿਰਜਣਧਾਰਾ ਵੱਲੋਂ ਦੋ ਸਮਾਗਮਾਂ ਵਿਚ ਪੁਸਤਕਾਂ ਲੋਕ ਅਰਪਣ / ਸਿਰਜਣਧਾਰਾ
  •    ਪੰਜਾਬੀ ਸਾਹਿਤ ਅਕੈਡਮੀ ਨਿਊਯਾਰਕ ਦੀ ਸੱਤਵੀਂ ਵਰ੍ਹੇ-ਗੰਢ ਮਨਾਈ / ਪੰਜਾਬੀ ਸਾਹਿਤ ਅਕੈਡਮੀ,ਨਿਊਯਾਰਕ
  • ਗ਼ਜ਼ਲ (ਗ਼ਜ਼ਲ )

    ਰਾਜਦੀਪ ਸਿੰਘ ਤੂਰ   

    Email: rajdeeptoor55@yahoo.com
    Address: V.P.O - Sowaddi Kalan, Teh.- Jagraon
    Ludhiana Punjab India 142025
    ਰਾਜਦੀਪ ਸਿੰਘ ਤੂਰ ਦੀਆਂ ਹੋਰ ਰਚਨਾਵਾਂ ਪੜ੍ਹਨ ਲਈ ਇਥੇ ਕਲਿਕ ਕਰੋ


    ਵਕਤ ਨੇ ਐਸਾ ਰੁਆਇਆ ਗੀਤ ਗਾਉਣਾ ਭੁਲ ਗਿਆ |
    ਦਰਦ ਨੇ ਐਸਾ ਸਤਾਇਆ ਮੁਸਕਰਾਉਣਾ ਭੁਲ ਗਿਆ |

    ਭੁਲ ਗਿਆ ਹੈ ਆਦਮੀ ਦੋ ਬੋਲ ਮਿੱਠੇ ਬੋਲਣੇ ,
    ਜ਼ਿੰਦਗੀ ਨੂੰ ਜ਼ਿੰਦਗੀ ਵਾਂਗੂੰ ਹੰਢਾਉਣਾ ਭੁਲ ਗਿਆ |

    ਫਾਸਲਾ ਕਿਉੁਂ ਰੱਖਦਾ ਹੈਂ ਯਾਰ ਬਣ ਕੇ ਯਾਰ ਤੋਂ ,
    ਘੁੱਟ ਕੇ ਕਿਉਂ ਯਾਰ ਸੀਨੇ ਨਾਲ ਲਾਉਣਾ ਭੁਲ ਗਿਆ |

    ਯਾਦ ਤੇਰੀ ਨੇ ਸਤਾਇਆ ਦੋਸਤਾ ਕੁਝ ਇਸ ਤਰ੍ਹਾਂ ,
    ਖਾਣਾ ,ਪੀਣਾ, ਪਹਿਨਣਾ,ਹਸਣਾ ਹਸਾਉਣਾ ਭੁਲ ਗਿਆ |

    ਨਫ਼ਰਤਾਂ ਦਾ ਨਾਗ ਜ਼ਹਿਰੀ ਉਸ ਜਗਾਇਆ ਕਾਸਤੋਂ ,
    ਕਿਉਂ ਮੁਹੱਬਤ ਦਾ ਕੋਈ ਜਜ਼ਬਾ ਜਗਾਉਣਾ ਭੁਲ ਗਿਆ |

    ਰੋਜ਼ ਹੀ ਰੁਜ਼ਗਾਰ ਖਾਤਿਰ ਭਟਕਦਾ ਸੈਂ ਦਰ -ਬ-ਦਰ ,
    ਉਹ ਸਮਾਂ ਹੁਣ ਤੂੰ ਖਿਆਲਾਂ ਵਿਚ ਲਿਆਉਣਾ ਭੁਲ ਗਿਆ |

    ਦੋਸਤਾ ਤੂੰ ਦੋਸਤੀ ਨੂੰ ਪਰਖਿਆ ਹੈ ਸਾਣ ਤੇ ,
    ਦੋਸਤੀ ਨੂੰ ਦੋਸਤੀ ਵਾਗੂੰ ਨਿਭਾਉਣਾ ਭੁਲ ਗਿਆ |

    ਭਾਅ ਆਟੇ ਦਾਲ਼ ਦਾ ਪੁਛਣਾ ਪਿਆ ਸੀ ਜਦ ਉਨੂੰ ,
    ਬਸ ਉਦੋਂ ਤੋਂ ਹੀ ਵਿਚਾਰਾ ਮੁਸਕਰਾਉਣਾ ਭੁਲ ਗਿਆ |

    ਬਾਪ ਦਾਦੇ ਦੀ ਕਮਾਈ ਜੋ ਜਨਮ ਤੋਂ ਖਾ ਰਿਹੈ ,
    ਬਾਪ ਦਾਦੇ ਦਾ ਜਨਮ ਦਿਨ ਓਹ ਮਨਾਉਣਾ ਭੁਲ ਗਿਆ |

    ਆਦਮੀ ਨੇ ਰਿਸ਼ਤਿਆਂ ਨੰ ਤੋੜਿਆ ਹੈ ਇਸ ਕਦਰ ,
    ਜ਼ਿੰਦਗੀ ਵਿਚ ‘ ਤੂਰ ’ ਹੁਣ ਰੁਸਣਾ ਮਨਾਉਣਾ ਭੁਲ ਗਿਆ |