ਹੁਣ ਹੋਰ ਦੇਰ ਨਾਂ ਕਰ ਮਿਤਰਾ
ਮੇਰੇ ਨਕਸ਼ ਦੇਖ ਪਛਾਣ ਵੀ ਲੈ ।
ਬੀਤੇ ਨੂੰ ਕੁਝ ਯਾਦ ਤੂੰ ਕਰ
ਮੈਂ ਕੌਣ ਹਾਂ ਮੈਨੂੰ ਜਾਣ ਵੀ ਲੈ ।
ਇੱਕ ਝੂਠ ਮੈਂ ਚੁੱਕੀ ਫਿਰਦਾ ਹਾਂ,
ਤੇਰਾ ਵੀ ਕੁਝ ਹਿੱਸਾ ਹੈ ,
ਨਾਂ ਮੂੰਹ ਮੋੜ ਹਕੀਕਤ ਤੋਂ ,
ਝੂਠ ਆਪਣੇ ਨੂੰ ਸਿੰਞਾਣ ਵੀ ਲੈ ।
ਵਕਤ ਨੂੰ ਦੋਸ਼ੀ ਨਾਂ ਕਹੀਏ ,
ਜਿੰਦਗੀ ਇੰਝ ਹੀ ਜਿਉਂਦੀ ਏ ,
ਨਾਂ ਰਖ ਉਹਲਾ ਕਿੰਝ ਕਟਦੀ ਏ ,
ਸਚ ਕੌੜੇ ਦਾ ਕੁਝ ਗਿਆਨ ਵੀ ਲੈ ।
ਕਿਉਂ ਭੀੜਾਂ ਵਿੱਚ ਖਲੋਤਾ ਏਂ ,
ਇੱਕ ਦੂਜੇ ਦੇ ਵੱਲ ਪਿੱਠਾਂ ਨੇਂ ,
ਦਿੰਨ ਰਹਿੰਦੇ ਭੀੜ ਨੂੰ ਛਡ ਦੇ ਤੂੰ ,
ਕਿੰਝ ਰਾਹ ਲਭਣੇ ਤੂੰ ਠਾਣ ਵੀ ਲੈ ।
ਆਪੇ ਵਿਚ ਤੂੰ ਵਸਦਾ ਏਂ ,
ਜੋ ਤੂੰ ਸੋਚੇਂ ਸਚ ਕਹਿੰਦਾ ਏਂ ,
ਕੌੜੀ ਮਿੱਠੀ ਉਮਰਾਂ ਦਾ ,
ਮੇਰਾ ਤਾਂ ਕਦੀ ਬਿਆਨ ਵੀ ਲੈ |