ਅੱਜ ਵੀ ਹੋਣ ਗੀਆਂ, ਕੱਲ ਵੀ ਹੋਣ ਗੀਆਂ ,
ਦੁੱਖ ਸੁੱਖ ਦੀਆਂ ਗੱਲਾਂ ਹਰ ਦਿਲ ਦੀਆਂ ਹੋਣ ਗੀਆਂ ।
ਮੇਰੇ ਹੰਝੂ ਖੋਰ ਰਹੇ , ਜਿਸ ਨਦੀ ਦੇ ਕੰਢਿਆਂ ਨੂੰ ,
ਕਲ ਇੱਥੇ ਬਹਿ ਕਈੰ ਹੋਰ ਵੀ ਰੋਣ ਗੀਆਂ ।
ਕਰ ਦਾਗੀ ਚੁੰਨੀਆਂ ਨੂੰ, ਤੂੰ ਬੇ -ਪਰਵਾਹ ਹੋਇਆ ,
ਕੁਝ ਅੱਖਾਂ ਰੋਣ ਗੀਆਂ , ਦਾਗਾਂ ਨੂੰ ਧੋਣ ਗੀਆਂ ।
ਮੇਰੇ ਖਾਰੇ ਸਾਗਰ ਨੇ , ਘੁਟ ਭਰ ਕੇ ਦੇਖ ਜ਼ਰਾ ,
ਸਾਹਾਂ ਤੇਰੀਆਂ ਵੀ , ਫਿਰ ਖਾਰ ਹੀ ਢੋਣ ਗੀਆਂ ।
ਦਰਵਾਜ਼ਾ ਬੰਦ ਰਖਣਾ ,ਗਲੀਆਂ 'ਚ ਕੁੱਤੇ ਨੇ ,
ਬੋਟੀ ਦੇਖਦੇ ਹੀ , ਝੱਟ ਰਾਲਾਂ ਚੋਣ ਗੀਆਂ ।
ਕਈਂ ਰੂਹਾਂ ਜ਼ਬਾ ਕਰਕੇ, ਰੋਜ਼ ਤੂੰ ਦਫ਼ਨ ਕਰੇਂ ,
ਕਿਆਮਤ ਤਕ ਉਹ ਤੇਰੇ ਪਿੱਛੇ ਆਉਣ ਗੀਆਂ ।
ਜਿਹੜੀਆਂ ਲਾਸ਼ਾਂ ਦੇ , ਕਫ਼ਨ ਤੂੰ ਵੇਚ ਰਿਹਾ ,
ਤੇਰੀਆਂ ਨੀਦਾਂ ਵਿੱਚ ਤੇਰੇ ਨਾਲ ਹੀ ਸੋਣ ਗੀਆਂ ।