ਸ਼ੇਰਨੀਆਂ (ਪੁਸਤਕ ਪੜਚੋਲ )

ਐਸ. ਸੁਰਿੰਦਰ    Address: Italy ਐਸ. ਸੁਰਿੰਦਰ ਦੀਆਂ ਹੋਰ ਰਚਨਾਵਾਂ ਪੜ੍ਹਨ ਲਈ ਇਥੇ ਕਲਿਕ ਕਰੋ

ਲੇਖਕ- ਰਾਮ ਲਾਲ ਭਗਤ
ਕੀਮਤ- 120 ਰੁਪਏ
ਸਫ਼ੇ- 96
ਪ੍ਰਕਾਸ਼ਕ -ਸਹਿਬਦੀਪ ਪ੍ਰਕਾਸ਼ਨ ਭੀਖੀ(ਮਾਨਸਾ)

ਸਮਾਜ ਕੁੜੀਆਂ ਦੀ ਚਿੜੀਆਂ ਨਾਲ ਤੁਲਨਾ ਕਰਦਾ ਆਇਆ ਹੈ । ਸਾਰੇ ਪੰਛੀਆਂ ਵਿੱਚੋਂ ਸਭ ਤੋਂ ਕਮਜ਼ੋਰ ਪੰਛੀ ਚਿੜੀ ਮੰਨੀ ਗਈ ਹੈ । ਇਹ ਜਦੋਂ ਵੀ ਆਪਣੇ ਆਲਣੇ ਚੋਂ ਉਡਾਨ ਭਰਦੀ ਹੈ , ਇਸ ਨੂੰ ਅੱਗਿਓ ਆਪਣੇ ਤੋਂ ਤਕੜਾ ਪੰਛੀ ਮਿਲੇਗਾ । ਕੁੜੀਆਂ ਵਾਰੇ ਅੱਜ ਵੀ ਸਾਡੇ ਸਮਾਜ ਦੀ ਸੋਚ ਚਿੜੀਆਂ ਵਾਲੀ ਹੈ । ਦੁਨੀਆਂ ਜਦ ਕਿ 20ਵੀਂ ਸਦੀ ਵਿੱਚ ਦਾਖਲ ਹੋ ਚੁੱਕੀ ਹੈ । ਸਮਾਜ ਦਾ ਹਰ ਵਰਗ ਆਪਣੀ ਹੋਂਦ ਲਈ ਲੜ੍ਹ ਰਿਹਾ ਹੈ । ਔਰਤ ਨੂੰ ਸਮਾਜ ਵਿੱਚ ਸਨਮਾਨ ਦੇਣ ਲਈ ਵਿਰਲੀ ਸੋਚ ਨਜ਼ਰ ਆਉਂਦੀ ਹੈ । ਔਰਤ ਦੇ ਵਾਰੇ ਸਾਡੇ ਸਮਾਜ ਦੀ ਸੋਚ ਹਾਲੇ ਤਕ ਸੋੜੀ ਹੈ । ਔਰਤਾਂ ਨਾਲ ਬਲਾਤਕਾਰ , ਅਗਵਾ , ਦਾਜ ਦੀ ਬਲੀ , ਘਰੇਲੂ ਕੁੱਟ - ਮਾਰ ਅਖ਼ਵਾਰ ਵਿੱਚ ਛਪਣ ਵਾਲੀਆਂ ਨਿੱਤ ਦੀਆਂ ਖ਼ਬਰਾਂ ਹਨ । ਜੇਕਰ ਸਮਾਜ ਦੀ ਔਰਤ ਪ੍ਰਤੀ ਸੋਚ ਸਾਰਥਿਕ ਹੁੰਦੀ , ਤਾਂ ਰਾਮ ਲਾਲ ਭਗਤ ਹੋਰਾਂ ਨੂੰ ਔਰਤ ਵਾਸਤੇ ਮੈਦਾਨ ਵਿੱਚ ਨਿਤਰਨ ਦੀ ਲੌੜ ਨਾ ਪੈਂਦੀ । 
                        ਕਵੀ ਰਾਮ ਲਾਲ ਭਗਤ ਪੇਸ਼ੇ ਵਜੋਂ ਹੈਡਮਾਸਟਰ ਹਨ । ਸ਼ੇਰਨੀਆਂ ਕਵੀ ਦੀ ਤੀਸਰੀ ਕਿਰਤ ਹੈ । ਇਸ ਤੋਂ ਪਹਿਲਾ ਉਹ ਸ਼ਾਲੋ , ਮਿੱਟੀ ਦੀ ਖੁਸ਼ਬੂ ਪੰਜਾਬੀ ਸਾਹਿਤ ਨੂੰ ਭੇਂਟ ਕਰ ਚੁੱਕਾ ਹੈ । ਸ਼ੇਰਨੀਆਂ ਵਿੱਚ ਕੁੱਲ 96 ਕਾਵਿ ਰਚਨਾਵਾਂ ਹਨ । ਕਵੀ ਦੀ ਸੋਚ ਦਾ ਕੈਨਵਸ ਬਹੁਤ ਵਿਸ਼ਾਲ ਹੈ । ਇਸ ਲਈ ਓਹ ਆਪਣੀ ਗੱਲ਼ ਨੂੰ ਕਾਵਿ -ਧਾਰਾ ਦੀ ਹਰ ਵਿਧਾ ਵਿੱਚ ਕਰਦਾ ਹੈ । ਕਵੀ ਛੰਦ ਕਵਿਤਾ , ਵਾਰਤਿਕ ਗ਼ਜ਼ਲ , ਖੁੱਲ੍ਹੀ ਕਵਿਤਾ , ਹਾਇਕੂ ਪੰਜਾਬੀ ਗੀਤ , ਮਿੰਨੀ ਕਵਿਤਾ ਰਾਹੀਂ ਔਰਤਾਂ ਲਈ ਵਿਰਧ ਕਰਦਾ ਹੈ । ਕਵੀ ਆਪਣੀ ਪੁਸਤਕ ਦਾ ਅਰੰਭ " ਔਰਤ , ਰਾਹੀਂ ਬਾਖ਼ੂਬ ਕਰਦਾ ਹੈ । ਤੇ ਗੁਰੂ ਨਾਨਕ ਦੇਵ ਜੀ ਦੇ ਸ਼ਬਦ ਦੀ ਆਪਣੀ ਕਵਿਤਾ ਵਿੱਚ ਬਹੁਤ ਵਧੀਆਂ ਵਰਤੋਂ ਕਰਦਾ ਹੈ ਨਮੂਨੇ ਵਜੋਂ ,
           ਸਮੁੱਚੇ ਰੂਪ ਵਿੱਚ ਐਨੀਆਂ ਜ਼ਿਆਦਾ ਕਾਵਿ ਰਚਨਾਵਾਂ ਕੇਵਲ ਔਰਤ ਤੇ ਕੇਂਦਰਿਤ ਹੋਣ ਕਵੀ ਦੇ ਵਿਸ਼ਾਲ ਦ੍ਰਿਸ਼ਟੀਕੋਨ ਦਾ ਪ੍ਰਗਟਾਵਾ ਕਰਦੀ ਹੈ । ਕਵੀ ਕੁੜੀਆਂ ਨੂੰ ਚਿੜੀਆਂ ਨਹੀਂ ਸ਼ੇਰਨੀਆਂ ਆਖਦਾ ਹੈ , ਤੇ ਕੁੜੀਆਂ ਨੂੰ ਜਾਗਣ ਲਈ ਹਲੂਣਾ ਦਿੰਦਾ ਹੈ ਅਤੇ ਇਨਕਲਾਬੀ ਗੱਲ਼ ਕਰਦਾ ਹੈ ।