ਦੋ ਬਾਲ ਪੁਸਤਕਾਂ ਲੋਕ ਅਰਪਣ
(ਖ਼ਬਰਸਾਰ)
ਲੁਧਿਆਣਾ - ਅਣੂ ਮੰਚ ਵੱਲੋਂ ਪੰਜਾਬੀ ਭਵਨ ਵਿਖੇ ਦੋ ਬਾਲ ਪੁਸਤਕਾਂ ਲੋਕ ਅਰਪਣ ਕੀਤੀਆਂ ਗਈਆਂ | ਸਮਾਗਮ ਦੀ ਪ੍ਰਧਾਨਗੀ ਸ੍ਰੀ ਸੁਰਿੰਦਰ ਕੈਲੇ, ਡਾ. ਗੁਲਜ਼ਾਰ ਸਿੰਘ ਪੰਧੇਰ, ਸ਼੍ਰੋਮਣੀ ਬਾਲ ਸਾਹਿਤਕਾਰ ਸ੍ਰੀ ਕਮਲਜੀਤ ਨੀਲੋਂ, ਅਮਰੀਕ ਸਿੰਘ ਤਲਵੰਡੀ ਤੇ ਕਰਮਜੀਤ ਗਰੇਵਾਲ, ਪਿ੍ੰ. ਹਰੀ ਕ੍ਰਿਸ਼ਨ ਮਾਇਰ ਅਤੇ ਜਸਵੀਰ ਰਾਣਾ ਅਤੇ ਭੂਸ਼ਨ ਲਾਲ ਖੰਨਾ ਨੇ ਕੀਤੀ | ਇਸ ਦੌਰਾਨ ਪ੍ਰਧਾਨਗੀ ਮੰਡਲ ਦੁਆਰਾ ਮਾਸਟਰ ਨਰਿੰਦਰ ਸਿੰਘ, ਸਰਕਾਰੀ ਪ੍ਰਾਇਮਰੀ ਸਕੂਲ ਜੰਡਿਆਲੀ ਦਾ ਬਾਲ ਕਾਵਿ ਸੰਗ੍ਰਹਿ 'ਪਹਿਲਾ ਦਿਨ' ਅਤੇ ਮਾਸਟਰ ਸੁਖਰਾਮ, ਸਰਕਾਰੀ ਪ੍ਰਾਇਮਰੀ ਸਕੂਲ, ਭਾਮੀਆਂ ਖੁਰਦ ਦੀ ਬਾਲ ਕਹਾਣੀ ਦੀ ਪੁਸਤਕ 'ਸੱਚਾ ਮਿੱਤਰ' ਲੋਕ ਅਰਪਣ ਕੀਤੀਆਂ ਗਈਆਂ | ਸਮੁੱਚੇ ਪ੍ਰਧਾਨਗੀ ਮੰਡਲ ਨੇ ਇਨ੍ਹਾਂ ਪੁਸਤਕਾਂ 'ਤੇ ਭਾਵਪੂਰਤ ਟਿੱਪਣੀਆਂ ਕੀਤੀਆਂ | ਉਪਰੋਕਤ ਪੁਸਤਕਾਂ 'ਤੇ ਡਾ. ਬਿੰਦਰ ਭੂਮਸੀ, ਡਾ. ਸੰਦੀਪ ਵਿਦੇਸ਼ਾ, ਰਾਕੇਸ਼ ਤੇਜਪਾਲ ਜਾਨੀ, ਮਲਕੀਤ ਬਿਲੰਗ, ਮਾਸਟਰ ਮੇਘ ਰਾਜ ਜਵੰਦਾ ਨੇ ਪੁਸਤਕਾਂ 'ਤੇ ਚਰਚਾ ਕੀਤੀ | ਇਸ ਮੌਕੇ ਸਤਵੀਰ ਸਿੰਘ ਰੌਣੀ, ਧਰਮਿੰਦਰ ਸਿੰਘ ਹੋਲ, ਅਮਨਦੀਪ ਸਿੰਘ ਅਮਨ, ਸਤਨਾਮ ਸਿੰਘ ਸੋਮਲ, ਜਨਮੇਜਾ ਸਿੰਘ ਜੌਹਲ, ਸੰਜੀਵ ਕਲਿਆਣ, ਗੁਰਦੀਪ ਸਿੰਘ ਸੈਣੀ, ਰਵਿੰਦਰ ਰਵੀ, ਪੁਸ਼ਪਿੰਦਰ ਸਿੰਘ, ਪ੍ਰਗਟ ਸਿੰਘ, ਚਿੱਤਰਕਾਰ ਸੁਖਵੰਤ ਕੋਹਾੜਾ, ਸੁਨੀਲ ਖੁਰਾਣਾ, ਬੁੱਧ ਸਿੰਘ ਨੀਲੋਂ, ਕਮਲੇਸ਼ ਰਾਣੀ, ਬਬਲਜੀਤ ਕੌਰ, ਅਮਿਤ ਕਾਲੀਆ, ਸੁਖਜੀਤ ਸਿੰਘ ਸਮੇਤ ਕਾਫ਼ੀ ਗਿਣਤੀ ਵਿਚ ਸਾਹਿਤ ਪ੍ਰੇਮੀ ਹਾਜ਼ਰ ਸਨ |
