ਗ਼ਜ਼ਲ (ਗ਼ਜ਼ਲ )

ਅਮਰਜੀਤ ਸਿੰਘ ਸਿਧੂ   

Email: amarjitsidhu55@hotmail.de
Phone: 004917664197996
Address: Ellmenreich str 26,20099
Hamburg Germany
ਅਮਰਜੀਤ ਸਿੰਘ ਸਿਧੂ ਦੀਆਂ ਹੋਰ ਰਚਨਾਵਾਂ ਪੜ੍ਹਨ ਲਈ ਇਥੇ ਕਲਿਕ ਕਰੋ


ਦੇਖੋ ਕੇਹੀ ਰੁੱਤ ਕਲਿੱਹਣੀ ਆਈ ਹੈ ।
ਬਾਗਾਂ ਅੰਦਰ ਘੋਰ ਉਦਾਸੀ ਛਾਈ ਹੈ ।

ਝੜ ਝੜ ਪੈਦੇ ਪੱਤੇ ਅੱਜ ਗੁਲਾਬਾਂ ਦੇ ,
ਰੁੱਤ ਅਨੋਖੀ ਕਿੱਦਾਂ ਦੀ ਇਹ ਆਈ ਹੈ ।

ਫੁੱਲ ਕਲੀਆਂ ਦਾ ਲਗਦੈ ਪੀਤਾ ਖ਼ੂਨ ਤੁਸੀਂ,
ਤੁਹਾਡੇ ਮੂੰਹ ਤੇ ਜਿਹੜੀ ਲਾਲੀ ਛਾਈ ਹੈ ।

ਉਲੂ , ਬਗਲੇ ,ਗਿਰਜਾਂ, ਬਾਜਾਂ ਤੇ ਕਾਵਾਂ ,
ਇਕੱਠੇ ਹੋ ਕੇ ਕਿੰਨੀ ਲੁੱਡੀ ਪਾਈ ਹੈ ।

ਕੀ ਕਰਨੀ ਹੈ ਰਾਖੀ ਉਸ ਨੇ ਫਸਲਾਂ ਦੀ ,
ਵਾੜ ਖੇਤ ਨੂੰ ਜਿੱਥੇ ਜਾਦੀ ਖਾਈ ਹੈ ।

ਐ ਸਿੱਧੂ ਇਹ ਵੇਖ ਸਲੀਕਾ ਮਾਲੀ ਦਾ ,
ਬਾਗਾਂ ਵਿੱਚੋਂ ਭੌਰ ਉਡਰੀ ਲਾਈ ਹੈ ।