ਯਾਰ ਬਿੰਨਾਂ ਇਹ ਉਜੜੀ ਦੁਨੀਆ ਦੱਸੋ ਵਸਾਵਾਂ ਕਿਸ ਤਰਾ ।
ਦਿੱਲ ਸਾਝਾਂ ਜਿਸ ਨਾਲ ਹੋਇਆ ਉਹਨੂੰ ਭੁਲਾਵਾਂ ਕਿਸ ਤਰਾਂ ।
ਇਹ ਭੁੱਖ, ਤਰੇਹ ਤਾਂ ਸੱਭ ਜਰ ਲੈਦਾ ਮੈ ਇੱਥੇ ਚੁਪ ਕਰਕੇ ,
ਜੋ ਉਮਰ ਭਰ ਦਾ ਦਰਦ ਹੈ ਇਹ ਦੱਸੋ ਹੰਢਾਵਾ ਕਿਸ ਤਰਾਂ ।
ਹੋਰ ਕੋਈ ਹੋਵੇ ਤਾਂ ਲੁਕ ਸਕਦਾ ਸਾਰਾ ਕੁਝ ਹੀ ਉਸ ਤੋਂ ,
ਦਿਲ ਦੇ ਭੇਦ ਇਹ ਯਾਰਾ ਤੈਥੋ ਦੱਸ ਲੁਕਾਵਾਂ ਕਿਸ ਤਰਾਂ ।
ਸੱਜਣਾਂ ਬਾਝੋਂ ਉਡ ਗਏ ਮੇਰੇ ਖੁਸ਼ੀਆਂ, ਚਾਅ ਤੇ ਹਾਸੇ ,
ਗੀਤ ਮੈ ਮਹਿਫਲ ਵਿਚ ਖੁਸ਼ੀਆਂ ਦੇ ਦੱਸੋ ਗਾਵਾਂ ਕਿਸ ਤਰਾਂ ।
ਦਿੱਲ 'ਚ ਤੇਰਾ ਨਾਂਮ ਵੇ ਸਿੱਧੂਆ ਚਮਕੇ ਚੰਨ ਦੇ ਵਾਗੂੰ ,
ਵਾਂਗ ਚਕੋਰ ਮੈਂ ਤੜਫੀ ਜਾਵਾਂ ਤੈਨੂੰ ਪਾਵਾਂ ਕਿਸ ਤਰਾਂ ।