ਨਵਾਂ ਵਰ੍ਹਾ (ਕਵਿਤਾ)

ਐਸ. ਸੁਰਿੰਦਰ   

Address:
Italy
ਐਸ. ਸੁਰਿੰਦਰ ਦੀਆਂ ਹੋਰ ਰਚਨਾਵਾਂ ਪੜ੍ਹਨ ਲਈ ਇਥੇ ਕਲਿਕ ਕਰੋ


ਆਜਾ ਨਵਿਆਂ ਵਰਿਆਂ ਆਜਾ
ਕੋਈ ਮਿੱਠੀ  ਖ਼ਬਰ ਸੁਣਾ ਜਾ ।

ਝੋਲੀ ਸਾਡੀ ਦਰਦ ਅਵੱਲੜੇ
ਖੈਰ ਮੁਹੱਬਤਾਂ ਵਾਲੀ ਪਾ ਜਾ ।

ਹੱਥ ਜੋੜੀਏ ਤਰਲੇ ਪਾਈਏ
ਰਾਗ ਬਸੰਤੀ ਸੱਜਣਾ ਗਾ ਜਾ ।

ਪੋਟਾ-ਪੋਟਾ  ਜਖ਼ਮੀ ਅੜਿਆ
ਪਿਆਰ ਵਾਲੀ ਮੱਲਮ ਲਾ ਜਾ ।

ਰਿਜ਼ਕਾਂ ਦੇ ਨਾਲ ਭਰਨ ਭੜੋਲੇ
ਖੁਸ਼ੀਆਂ ਵਾਲੀ ਗੱਲ ਸੁਣਾ ਜਾ ।

ਸ਼ਾਲਾ ਮੁੱਕ ਜਾਏ ਕੂੜ ਹਨ੍ਹੇਰਾ 
ਸੋਚਾਂ ਦੇ ਵਿੱਚ ਦੀਪ ਜਗਾ ਜਾ ।

ਦਿਲ ਅਰਦਾਸ ਕਰਦਾ ਮੇਰਾ
ਉਜੜੀ ਸਾਡੀ ਝੋਕ ਵਸਾ ਜਾ ।

ਸੁਰਿੰਦਰ ਸਾਰੇ ਹੱਸਣ ਵੱਸਣ
ਐਸੀ ਕੋਈ  ਬਣਤ ਬਣਾ ਜਾ ।