ਦੁੱਧ ਪੁੱਤ ਅਤੇ ਨਿਰਮਲ ਪਾਣੀ।
ਇਹਨਾਂ ਦੀ ਪੰਜਾਬ ਚੋਂ ਖਤਮ ਕਹਾਣੀ।।
ਸਭ ਕੁੱਝ ਗੰਧਲਾ ਤੇ ਹੋ ਰਿਹਾ ਤਬਾਹ
ਪੈ ਗਏ ਨੇ ਸਾਰੇ ਪੁੱਠੇ ਰਾਹ,
ਵਿਦੇਸ਼ਾ ਵੱਲ ਤੁਰ ਪਈ ਏ ਜਵਾਨੀ।
ਦੁੱਧ ਪੁੱਤ ਅਤੇ…….।।
ਚਾਰੇ ਪਾਸੇ ਹੋਈ ਜਾਵੇ ਮਿਲਾਵਟਖੋਰੀ
ਚੰਦ ਪੈਸਿਆ ਲਈ ਕਰਦੇ ਨੇ ਚੋਰੀ,
ਲੁੱਟਿਆ ਪੰਜਾਬ ਨੂੰ ਲੋਟੂਆ ਦੀ ਢਾਣੀ।
ਦੁੱਧ ਪੁੱਤ ਅਤੇ…….।।
ਗਲੀ ਗਲੀ ਮੱਚੀ ਏ ਹਾਹਾ ਕਾਰ
ਘੂਕ ਸੁੱਤੀ ਪਈ ਏ ਸਾਡੀ ਸਰਕਾਰ,
ਭੁੱਲ ਗਏ ਹਾਂ ਫੱਕਰਾਂ ਦੀ ਬਾਣੀ।
ਦੁੱਧ ਪੁੱਤ ਅਤੇ …….।।
ਸਦੀਆਂ ਤੋਂ ਸੀ ਚੜ੍ਹਤ ਬੋਲਦੀ
ਸਾਰੀ ਆਨ ਬਾਨ ਮਿੱਟੀ ਚ ਰੋਲ'ਤੀ,
ਕਿੱਥੇ ਗਈ ਵਿਵੇਕ ਵਿਰਾਸਤ ਪੁਰਾਣੀ,
ਦੁੱਧ ਪੁੱਤ ਅਤੇ…….।।