ਆਪ ਤਾਂ ਹੈ ਲਾਇਆ ਸੁੱਖਾ ਪੂਰਾ ਘੋਟ ਕੇ,
ਜਰਦਾ ਪਰ ਰੋਕਣਾ ਜੀ ਤੇਰਾ ਠੋਕ ਕੇ ।
ਸਿਰ ਮੂੰਹ ਲਬੇੜੇ ਪੱਗਾਂ ਰੰਗ ਪਾ ਲਿਆ,
ਟੋਪੀਆਂ ਪਰ ਬੋਚਣੇ ਨੂੰ ਨੇਜਾ ਡਾਹ ਲਿਆ ।
ਉੱਠ ਕੇ ਸਵੇਰੇ ਪਹਿਲਾਂ ਮਾਲ ਛਕੀਦਾ,
ਕਰ ਕੇ 'ਗਰਾਹੀ ਕੰਮ ਟੈਟ ਰੱਖੀਦਾ ।
ਬਾਣੇ ਨੂੰ ਨਿਹੰਗ ਹੈ ਨਾ ਤਕੜੇ 'ਤੇ ਜੋਰ ਜੀ,
ਗੁਰਬੇ ਨੂੰ ਪੂਰਾ ਦੇਂਦੇ ਆ ਨਿਚੋੜ ਜੀ ।
ਸਤਿਕਾਰ ਕਮੇਟੀਆਂ ਦੀ ਗੁੰਡਾਗਰਦੀ,
ਮਿੱਟੀ 'ਚ ਮਲੀਨ ਕੀਤੀ ਨੀਲੀ ਵਰਦੀ ।
ਅੱਤਵਾਦ ਰੋਕਣੇ ਨੂੰ ਡੰਡਾ ਵਰ੍ਹਿਆ,
ਕਹਿੰਦੇ ਹੈ ਜੀ ਪੰਥ ਖ਼ਤਰੇ ਮੇਂ ਪੜਿਆ ।
ਆਪਣਾ ਸਮਾਨ ਸਾਂਭ ਲੈ ਸਵਾਰੀਏ,
ਤੇਰੀ ਦਸਤਾਰ ਤੇਰੀ ਜ਼ਿੰਮੇਵਾਰੀ ਏ ।