ਕੀ ਫਾਇਦਾ (ਕਵਿਤਾ)

ਅਮਰਿੰਦਰ ਕੰਗ   

Email: gabber.amrinder@gmail.com
Cell: +91 97810 13315
Address: ਕੋਟ ਈਸੇ ਖਾਂ
ਮੋਗਾ India
ਅਮਰਿੰਦਰ ਕੰਗ ਦੀਆਂ ਹੋਰ ਰਚਨਾਵਾਂ ਪੜ੍ਹਨ ਲਈ ਇਥੇ ਕਲਿਕ ਕਰੋ


ਰੰਗ ਜਿਸਮਾਂ ਦੇ ਹੋਣ ਭਾਵੇਂ ਲੱਖ ਸੋਹਣੇ

ਰੰਗ ਦਿਲਾਂ ਦੇ ਕਾਲੇ ਹੋਣ ਦਾ ਕੀ ਫਾਇਦਾ



ਜੋ ਬਿਨਾ ਦੱਸਿਆ ਨਾ ਦਿਲ ਦੀ ਰਮਜ਼ ਜਾਣੇ

ਉਸ ਨਾਲ ਉਮਰ ਬਤਾਉਣ ਦਾ ਕੀ ਫਾਇਦਾ



ਯਾਰ ਇੱਕ ਹੋਵੇ ਪਰ ਹੋਵੇ ਲੱਖ ਵਰਗਾ

ਬਹੁਤੇ ਸੱਜਣ ਬਣਾਉਣ ਦਾ ਕੀ ਫਾਇਦਾ



ਰੂਪ ਉਹ ਜਿਹੜਾ ਬਿਨਾ ਸ਼ਿੰਗਾਰ ਜਚੇ

ਮੂੰਹ ਰੰਗ ਕੇ ਫਬਾਉਣ ਦਾ ਕੀ ਫਾਇਦਾ



ਔਲਾਦ ਉਹ ਜਿਹੜੀ ਅੱਖ ਦੀ ਘੂਰ ਸਮਝੇ

ਹਰ ਗੱਲੋ ਤੌਣੀ ਲੌਣ ਦਾ ਕੀ ਫਾਇਦਾ



ਇਸ਼ਕ ਕਰਨਾ ਤਾਂ ਕਰ ਤੂੰ ਰੂਹ ਵਾਲਾ

ਉੰਝ ਭੰਡੀ ਕਰਵਾਉਣ ਦਾ ਕੀ ਫਾਇਦਾ



ਜੇ ਪਾਉਣੇ ਬਾਣੇ ਤੇ ਕਰਨੇ ਕੰਮ ਕੋਝੇ

ਐਸੇ ਬਾਣੇ ਪਾਉਣ ਦਾ ਕੀ ਫਾਇਦਾ



ਰੱਬ ਪਾਉਣਾ ਤਾਂ ਕੰਗ ਇੱਕ ਦਾ ਹੋ ਬੈਹ ਜਾ

ਦਰ ਦਰ ਸਿਰ ਝਕਾਉਣ ਦਾ ਕੀ ਫਾਇਦਾ।