ਮਾਂ (ਕਵਿਤਾ)

ਰਾਜ ਹੰਸ   

Email: rajhansbgp0873@gmail.com
Cell: +91 99148 61968
Address: ward. No. 14, Moga Road
Bagha Purana India 142038
ਰਾਜ ਹੰਸ ਦੀਆਂ ਹੋਰ ਰਚਨਾਵਾਂ ਪੜ੍ਹਨ ਲਈ ਇਥੇ ਕਲਿਕ ਕਰੋ


ਨਿੱਕੀ ਉਮਰੇ ਛੱਡ ਕੇ ਤੁਰਗੀ 
ਕਿੱਥੋਂ ਮਾਂ ਲਿਆਵਾਂ
ਨੈਣ ਨੇ ਮੇਰੇ ਕਰਨ ਉਡੀਕਾਂ 
ਰਹਾਂ ਵੇਖਦਾ ਰਾਹਾਂ 
ਨਿੱਕੀ ਉਮਰੇ ਛੱਡ ਕੇ ਤੁਰਗੀ 
ਕਿੱਥੋਂ ਮਾਂ ਲਿਆਵਾਂ 

ਮਨ ਦੇ ਵੇਹੜੇ ਵਿੱਚ ਘੁੱਪ ਹਨੇਰਾ 
ਕਿੱਥੋਂ ਦੀਪ ਜਗਾਵਾਂ 
ਕਹਿਣ ਸਿਆਣੇ ਮਾਂਵਾਂ ਹੁੰਦੀਆ 
ਬੋਹੜਾਂ ਦਾ ਪਰਛਾਵਾਂ 
ਦਿਲ ਮੇਰੇ ਨੂੰ ਤਾਂਗ ਮਿਲਣ ਦੀ 
ਕਿੰਜ ਦਿਲ ਨੂੰ ਸਮਝਾਵਾਂ 
ਨਿੱਕੀ ਉਮਰੇ ਛੱਡ ਕੇ ਤੁਰਗੀ 
ਕਿੱਥੋਂ ਮਾਂ ਲਿਆਵਾਂ

ਮਾਂ ਮੇਰੀਏ ਵੱਸਦੀ ਰਹਿ ਤੂੰ 
ਤੇਰਾ ਵਿੱਚ ਸੁਰਗਾਂ ਦੇ ਡੇਰਾ 
ਸੁਪਨੇ ਦੇ ਵਿੱਚ ਮਿਲ ਜਾਇਆ ਕਰ 
ਮੈਨੂੰ ਏਨਾ ਦੀਦ ਬਥੇਰਾ 
ਦੀਦ ਤੇਰੇ ਦੀ ਪਿਆਸ ਹੈ ਏਨੀ 
ਵਿੱਚ ਮਾਰੂਥਲ ਰੁੜਦਾ ਜਾਵਾਂ 
ਤੇਰੀ ਆਈ ਮੈ ਮਰ ਜਾਂਦਾ 
ਕਿੱਥੋਂ ਰੀਤ ਬਣਾਵਾਂ 
ਨਿੱਕੀ ਉਮਰੇ ਛੱਡ ਕੇ ਤੁਰਗੀ 
ਕਿੱਥੋਂ ਮਾਂ ਲਿਆਵਾਂ

 ਨੈਣ ਨੇ ਮੇਰੇ ਕਰਨ ਉਡੀਕਾਂ 
ਰਹਾਂ ਵੇਖਦਾ ਰਾਹਾਂ 
ਨਿੱਕੀ ਉਮਰੇ ਛੱਡ ਕੇ ਤੁਰਗੀ 
ਕਿੱਥੋਂ ਮਾਂ ਲਿਆਵਾਂ