ਰਾਜਨੀਤੀ (ਕਵਿਤਾ)

ਬਲਤੇਜ ਸੰਧੂ ਬੁਰਜ   

Email: baltejsingh01413@gmail.com
Cell: +91 94658 18158
Address: ਪਿੰਡ ਬੁਰਜ ਲੱਧਾ
ਬਠਿੰਡਾ India
ਬਲਤੇਜ ਸੰਧੂ ਬੁਰਜ ਦੀਆਂ ਹੋਰ ਰਚਨਾਵਾਂ ਪੜ੍ਹਨ ਲਈ ਇਥੇ ਕਲਿਕ ਕਰੋ


ਧਰਮਾਂ ਦੀ ਕਰੇ ਰਾਜਨੀਤੀ ਸਰਕਾਰੇ
ਦਿੱਲੀ ਦਿਆਂ ਬਾਰਡਰਾਂ ਤੇ
ਕਿੱਲਾਂ ਦੀ ਖੇਤੀ ਬੀਜ ਕੇ 
ਉਹੀ ਕਰਦੇ ਤਾਰੀਫ ਥੋਡੇ ਪੁੱਠਿਆ ਕੰਮਾ ਦੀ
ਜਿਹੜੇ ਸਰਕਾਰੇ ਤੇਰੇ ਅੰਨੇ ਮੁਰੀਦ ਨੇ 
ਸਾਨੂੰ ਜੱਚ ਦੇ ਨਾਂ ਜਿਹੜੇ
ਬੇਤੁਕੇ ਪੁੱਠੇ ਹਾਕਮਾਂ ਕੰਮ ਤੂੰ ਕਰੇ। 
ਜੈ ਜਵਾਨ ਜੈ ਕਿਸਾਨ ਮਜ਼ਦੂਰ
ਏਕਤਾ ਦਾ ਨਾਅਰਾ ਗੂੰਜਿਆਂ 
ਸਭ ਘੱਤੀਆਂ ਵਹੀਰਾਂ ਦਿੱਲੀ ਵੱਲ ਨੂੰ,
ਕੋਈ ਮਾਈ ਭਾਈ ਰਿਹਾ ਨਾ ਘਰੇ,,,,

ਹਾਕਮ ਦੇ ਜ਼ੁਲਮ ਵਿਰੁੱਧ ਸਿਰ ਚੜ੍ਹ ਕੇ
ਜਵਾਨੀ ਵਾਲਾ ਜੋਸ ਬੋਲਦਾ 
ਬਜੁਰਗਾਂ ਦਾ ਲਿਆ ਥਾਪੜਾਂ
ਬਾਬਿਆਂ ਦਾ ਨਾਲ ਹੋਸ ਬੋਲਦਾ 
ਕੱਲੇ ਕੱਲੇ ਜਖਮਾਂ ਦਾ ਹੋਊਗਾ ਹਿਸਾਬ
ਜਿਹੜੇ ਗੱਭਰੂ ਜਵਾਨ ਸਾਡੇ ਪੁੱਤ ਨੇ ਮਰੇ।
ਜੈ ਜਵਾਨ ਜੈ ਕਿਸਾਨ ਮਜ਼ਦੂਰ
ਏਕਤਾ ਦਾ ਨਾਅਰਾ ਗੂੰਜਿਆਂ
ਸਭ ਘੱਤੀਆ ਵਹੀਰਾਂ ਦਿੱਲੀ ਵੱਲ ਨੂੰ
ਕੋਈ ਮਾਈ ਭਾਈ ਰਿਹਾ ਨਾ ਘਰੇ,,,,