ਦੁੱਖ ਤਾਂ ਜਨਤਾ ਨੂੰ ਬਥੇਰੇ ਨੇ ,
ਪਾਏ ਮੁਸੀਬਤਾਂ ਨੇ ਵੀ ਘੇਰੇ ਨੇ।
ਕਰੇ ਉਡੀਕ ਕਿ ਕੋਈ ਆਵੇਗਾ ,
ਜਿਹੜਾ ਸੂਤੇ ਭਾਗ ਜਗਾਵੇਗਾ ।
ਖੋਲ੍ਹ ਕਿਸਮਤ ਦੀ ਪੋਟਲੀ ਨੂੰ ,
ਭਰ ਦੇਵਾਗਾ ਉਸਦੀ ਝੋਲੀ ਨੂੰ ।
ਕੱਟੀ ਜਾਵੇਗੀ ਫਿਰ ਚੁਰਾਸੀ ,
ਫਿਰ ਨਾ ਰਹਿਣੀ ਕੋਈ ਉਦਾਸੀ ।
ਆਸ ਲਗਾਏ, ਨੱਕ ਰਗੜ੍ਹ ਦੇ ਵੇਖੇ ਨੇ,
ਭੁਲੇਖੇ ਨੇ ਜੀ, ਬਹੁਤ ਹੀ ਭੁਲੇਖੇ ਨੇ
ਆਮ ਲੋਕਾਂ ਨੂੰ ਏਥੇ ਬਹੁਤ ਭੁਲੇਖੇ ਨੇ ।
ਲੋਕਤੰਤਰ ਮੇਰੇ ਦੇਸ਼ ਦੀ ਸ਼ਾਨ ਹੈ ,
ਇਤਿਹਾਸ ਬੜਾ ਯਾਰੋ ਮਹਾਨ ਹੈ ।
ਲੋਕਾਂ ਦੁਆਰਾ ਚੁਣੀ ਸਰਕਾਰ ਹੈ ,
ਐਪਰ ਗਰੀਬੀ ਦੀ ਭਰਮਾਰ ਹੈ ।
ਸਰਕਾਰਾਂ ਸੁਣਨ ਸਰਮਾਏਦਾਰਾਂ ਦੀ ,
ਜੂਨ ਸੁਧਾਰਨ ਇਹ ਰਿਸ਼ਤੇਦਾਰਾਂ ਦੀ ।
ਅੱਛੇ ਦਿਨੋ ਕਾ ਵੇਖ ਕੇ ਖਾਬ ,
ਪਾਉਣ ਵੋਟਾਂ ਲੋਕ ਬੇ-ਹਿਸਾਬ ।
ਅੱਖ ਖੁੱਲਦੀ ਜਦੋਂ ਪੈਦੇ ਧੱਕੇ ਨੇ ,
ਵੋਟਰਾਂ ਦੇ ਮਨਾਂ 'ਚ ਹੁੰਦੇ ਬਹੁਤ ਭੁਲੇਖੇ ਨੇ ,
ਭੁਲੇਖੇ ਨੇ ਜੀ, ਬਹੁਤ ਹੀ ਭੁਲੇਖੇ ਨੇ ,
ਆਮ ਲੋਕਾਂ ਨੂੰ ਏਥੇ ਬਹੁਤ ਭੁਲੇਖੇ ਨੇ ।