ਖੁੱਲ੍ਹਾ ਵਿਹੜਾ ਤੇ ਇਕ ਮਕਾਨ
ਘਰ ਦੀ ਵਿਹੜੇ ਨਾਲ ਪਛਾਣ
ਜਿੱਥੋਂ ਦਿਸਦੇ ਹੋਰ ਮਕਾਨ
ਵਿਹੜਾ ਮੇਰੇ ਘਰ ਦੀ ਸ਼ਾਨ
ਮੇਰੇ ਜੀਵਨ ਦੀ ਜਿੰਦ ਜਾਨ
ਵਿਹੜੇ ਵਿਚ ਦੋ ਦਰਖਤ ਜੁਆਨ
ਇਕ ਦੂਜੇ ਦੇ ਨੇੜ ਨਾ ਜਾਣ
ਦੂਰੋਂ ਝੁਕ ਝੁਕ ਕਰਨ ਸਲਾਮ
ਇਕ-ਦੂਜੇ ਵੱਲ ਵਧਦੇ ਜਾਣ
ਖੁੱਲ੍ਹਾ ਵਿਹੜਾ ਤੇ ਇਕ ਮਕਾਨ
ਆਲ੍ਹਣਾ ਜਿਸ ਲਈ ਹੱਕ-ਸਥਾਨ
ਇਕ ਦਰਖਤ ਵਿਚ ਸਜੀ ਰਕਾਨ
ਜੋ ਅਣਜਾਣ,ਖੱਬੀ-ਖਾਨ, ਆਲ੍ਹਣਾ ਢਾਣ
ਮੂਰਖ ਕਰਦੇ ਬਹੁਤ ਨੁਕਸਾਨ
ਖੁੱਲ੍ਹਾ ਵਿਹੜਾ ਤੇ ਇਕ ਮਕਾਨ
ਜੇਕਰ ਅਸਾਂ ਨਾ ਸਾਂਭੀ ਕੁਦਰਤ
ਧੰਨ ਕੁਦਰਤ ਤੂੰ ਬੜੀ ਮਹਾਨ
ਕੋਣ ਕਹੂ ਮਨੁਖ ਨੂੰ ਇਨਸਾਨ
ਲੱਖ ਕੋਸ਼ਿਸ਼ਾਂ ਕਰੇ ਜਹਾਨ
ਕਰਨਾ ਪਊ ਇਕ ਦਿਨ ਭੁਗਤਾਨ
ਕਿੰਝ ਕੋਈ ਢਕਲੂ ਤੇਰੀ ਸ਼ਾਨ
ਮੂਰਖ ਖੁਦ ਕਰ ਲੈਂਦੇ ਨੁਕਸਾਨ
ਰੱਬਾ ਰੋਕ ਰੱਖੀਂ ਅਭਿਮਾਨ
ਖੁੱਲ੍ਹਾ ਵਿਹੜਾ ਤੇ ਇਕ ਮਕਾਨ
ਖੁੱਲ੍ਹਾ ਵਿਹੜਾ ਤੇ ਇਕ ਮਕਾਨ
ਮਾਵਾਂ ਲੋਚਣ ਅਮਨ-ਅਮਾਨ