ਬਾਬਾ ਜੀ (ਕਵਿਤਾ)

ਜਸਵੀਰ ਸ਼ਰਮਾ ਦੱਦਾਹੂਰ   

Email: jasveer.sharma123@gmail.com
Cell: +91 94176 22046
Address:
ਸ੍ਰੀ ਮੁਕਤਸਰ ਸਾਹਿਬ India
ਜਸਵੀਰ ਸ਼ਰਮਾ ਦੱਦਾਹੂਰ ਦੀਆਂ ਹੋਰ ਰਚਨਾਵਾਂ ਪੜ੍ਹਨ ਲਈ ਇਥੇ ਕਲਿਕ ਕਰੋ


ਕਰੋ ਹੱਥੀਂ ਕਿਰਤ ਸਿਖਾਇਆ ਬਾਬੇ ਨਾਨਕ ਜੀ।
ਸੱਭ ਨੂੰ ਸਿੱਧੇ ਰਸਤੇ ਪਾਇਆ ਬਾਬੇ ਨਾਨਕ ਜੀ।।
ਦਸਾਂ  ਨਹੁੰਆਂ ਦੀ  ਕਿਰਤ  ਕਰ ਖਾਓ,
ਇਹ ਸਭਨਾਂ ਨੂੰ ਸਮਝਾਇਆ ਬਾਬੇ ਨਾਨਕ ਜੀ।
ਨਹੀਂ ਪ੍ਰਤੱਖ ਨੂੰ ਲੋੜ ਪ੍ਰਮਾਣ ਦੀ ਕੋਈ,
ਕੰਮ ਕਰਕੇ ਆਪ ਵਿਖਾਇਆ ਬਾਬੇ ਨਾਨਕ ਜੀ।
ਵੰਡ ਕੇ  ਛਕਣਾ ਤੇ  ਰਲਮਿਲ ਰਹਿਣਾ,
ਸਭਨੂੰ ਰਸਤੇ ਇਸ ਚਲਾਇਆ ਬਾਬੇ ਨਾਨਕ ਜੀ।
ਉਦਾਸੀਆਂ  ਕਰ  ਚਹੁੰ   ਕੂਟੀਂ   ਘੁੰਮੇ,
ਸੱਭ  ਨੂੰ  ਗਲੇ  ਲਗਾਇਆ ਬਾਬੇ ਨਾਨਕ ਜੀ।
ਨਹੀਂ ਵਹਿਮਾਂ ਭਰਮਾਂ ਵਿੱਚ ਕੁੱਝ ਰੱਖਿਆ,
ਮੱਕੇ  ਜਾਅ  ਫ਼ੁਰਮਾਇਆ ਬਾਬੇ ਨਾਨਕ ਜੀ।
ਲੋਕੋ ਕਣ  ਕਣ ਦੇ ਵਿੱਚ ਹੈ  ਵਾਸ  ਓਸਦਾ,
ਸੱਭ  ਨੂੰ  ਕਹਿ  ਸੁਣਾਇਆ ਬਾਬੇ ਨਾਨਕ ਜੀ।
ਹੱਕ ਦੀ ਕਿਰਤ ਚੋਂ  ਕੱਢਕੇ ਕੁੱਝ ਕੁ ਹਿੱਸਾ,
ਭੁੱਖਿਆਂ ਤਾਈਂ  ਖਵਾਇਆ ਬਾਬੇ  ਨਾਨਕ ਜੀ।
ਸੰਗਤ ਪੰਗਤ ਵਿੱਚ ਆਓ ਸਾਰੇ ਛਕੀਏ ਬਹਿਕੇ,
ਨਿਵੇਕਲਾ ਰਾਹ ਅਪਣਾਇਆ ਬਾਬੇ ਨਾਨਕ ਜੀ।
ਕਦੇ  ਘਾਟ ਨਾ  ਘਰ  ਵਿੱਚ  ਆਉਣੀ,
ਸੱਚਾ    ਨਾਮ   ਜਪਾਇਆ ਬਾਬੇ   ਨਾਨਕ ਜੀ।
ਚਰਨੀਂ ਸੀਸ ਨਿਵਾਏ ਦੱਦਾਹੂਰੀਆ ਨਿਉਂ ਕੇ,
ਸਵਾਸ ੨ ਵਿੱਚ ਧਿਆਇਆ ਬਾਬਾ ਨਾਨਕ ਜੀ।