ਆਈ ਵਿਸਾਖੀ ਖੁਸ਼ੀਆਂ ਲੈ ਕੇ ਮੇਲਾ ਵੇਖਣ ਜਾਵਾਂਗੇ।
ਮੇਲੇ ਵਾਲੀ ਰੌਣਕ ਤੋਂ ਬਲਿਹਾਰੀ ਸਦਕੇ ਜਾਵਾਂਗੇ।
ਕਾਲੀ ਕਾਰ ਬਲੈਰੋ ਦੇ ਵਿੱਚ ਆਪਣਾ ਸਫ਼ਰ ਮੁਕਾਉਣਾ ਹੈ।
ਤਖਤ ਸ੍ਰੀ ਤਲਵੰਡੀ ਸਾਬੋ ਇਸ ਵਾਰੀ ਅਸੀਂ ਜਾਣਾ ਹੈ।
ਗੁਰੂਆਂ ਦੀ ਧਰਤੀ ਦੇ ਉੱਤੇ ਜਾ ਕੇ ਸੀਸ ਝੁਕਾਵਾਂਗੇ।
ਆਈ ਵਿਸਾਖੀ ਖੁਸ਼ੀਆਂ ਲੈ ਕੇ ਮੇਲਾ ਵੇਖਣ ਜਾਵਾਂਗੇ।
ਮੇਲੇ ਵਾਲੀ ਰੌਣਕ ਤੋ ਬਲਿਹਾਰੀ ਸਦਕੇ ਜਾਵਾਂਗੇ।
ਸਜੀਆਂ- ਫਬੀਆਂ ਢੇਰ ਦੁਕਾਨਾਂ ਮੇਲੇ ਦੇ ਵਿੱਚ ਵੇਖਾਂਗੇ।
ਗੁਰੂਦੁਆਰੇ ਅੰਦਰ ਜਾ ਕੇ ਸਾਰੇ ਮੱਥਾ ਟੇਕਾਂਗੇ।
ਅੰਮਿ੍ਤ ਵਰਗਾ ਗੁਰੂਦਵਾਰਿਉਂ ਸੁੱਚਾ ਲੰਗਰ ਖਾਵਾਂਗੇ!
ਆਈ ਵਿਸਾਖੀ ਖੁਸ਼ੀਆਂ ਲੈ ਕੇ ਮੇਲਾ ਵੇਖਣ ਜਾਵਾਂਗੇ।
ਮੇਲੇ ਵਾਲੀ ਰੌਣਕ ਤੋਂ ਬਲਿਹਾਰੀ ਸਦਕੇ ਜਾਵਾਂਗੇ।
ਘੁੰਮ-ਘੁੰਮ ਕੇ ਅਸੀਂ ਵਿਸਾਖੀ ਵਾਲੇ ਦਿਨ ਨਾ ਥੱਕਾਂਗੇ।
ਇਸ ਦਿਨ ਦਾ ਇਤਿਹਾਸ ਸੁਣਾਂਗੇ ਘਰ ਆ ਕੇ ਵੀ ਦੱਸਾਂਗੇ।
ਕੌਤਕ ਸੁਣ ਦਸਮੇਸ਼ ਗੁਰੂ ਦੇ ਵਾਰੀ ਸਦਕੇ ਜਾਵਾਂਗੇ !
ਆਈ ਵਿਸਾਖੀ ਖੁਸ਼ੀਆਂ ਲੈ ਕੇ ਮੇਲਾ ਵੇਖਣ ਜਾਵਾਂਗੇ।
ਮੇਲੇ ਵਾਲੀ ਰੌਣਕ ਤੋਂ ਬਲਿਹਾਰੀ ਸਦਕੇ ਜਾਵਾਂਗੇ।
ਸੜਕਾਂ ਉੱਤੇ ਵਿੱਚ ਕਤਾਰਾਂ ਬਹੁਤ ਦੁਕਾਨਾਂ ਹੋਣਗੀਆਂ।
ਇਨ੍ਹਾਂ ਦੇ ਵਿੱਚ ਚੀਜ਼ਾਂ-ਵਸਤਾਂ ਮਨ ਸਾਡੇ ਨੂੰ ਮੋਹਣਗੀ।
ਸੁੰਦਰ ਸਜੇ ਸਟਾਲਾਂ ਉੱਤੋਂ ਚੀਜ਼ਾਂ ਮੁੱਲ ਲਿਆਵਾਂਗੇ।
ਆਈ ਵਿਸਾਖੀ ਖੁਸ਼ੀਆਂ ਲੈ ਕੇ ਮੇਲਾ ਵੇਖਣ ਜਾਵਾਂਗੇ।
ਮੇਲੇ ਵਾਲੀ ਰੌਣਕ ਤੋ ਬਲਿਹਾਰੀ ਸਦਕੇ ਜਾਵਾਂਗੇ।
ਇੱਧਰ ਉੱਧਰ ਫਿਰ ਤੁਰ ਕੇ ਕੁਝ ਗਿਆਨ ਵੀ ਹਾਸਿਲ ਕਰਨਾ ਹੈ।
ਚੰਗਾ ਬੁੱਕ ਸਟਾਲ ਵੇਖ ਅਸੀਂ ਜਾ ਕੇ ਉੱਥੇ ਕਰਨਾ ਹੈ।
ਨਵੀਆਂ ਕੁਝ ਕਿਤਾਬਾਂ ਲੈਕੇ ਮੇਲੇ ਵਿੱਚੋਂ ਜਾਵਾਂਗੇ!
ਆਈ ਵਿਸਾਖੀ ਖੁਸ਼ੀਆਂ ਲੈ ਕੇ ਮੇਲਾ ਵੇਖਣ ਜਾਵਾਂਗੇ।
ਮੇਲੇ ਵਾਲੀ ਰੌਣਕ ਤੋ ਬਲਿਹਾਰੀ ਸਦਕੇ ਜਾਵਾਂਗੇ।
ਠੰਢ ਗਈ ਹੁਣ ਗਰਮੀ ਦਾ ਵੀ ਕਹਿਰ ਸ਼ੁਰੂ ਹੋ ਜਾਵੇਗਾ।
ਕਣਕਾਂ ਵੱਢਣ ਵੇਲੇ ਵੀ ਹੁਣ ਖੂਬ ਪਸੀਨਾ ਆਵੇਗਾ।
ਠੰਢਾ ਪਾਣੀ ਪੀਵਾਂਗੇ ਤੇ ਆਈਸਕਰੀਮਾਂ ਖਾਵਾਂਗੇ!
ਆਈ ਵਿਸਾਖੀ ਖੁਸ਼ੀਆਂ ਲੈ ਕੇ ਮੇਲਾ ਵੇਖਣ ਜਾਵਾਂਗੇ।
ਮੇਲੇ ਵਾਲੀ ਰੌਣਕ ਤੋ ਬਲਿਹਾਰੀ ਸਦਕੇ ਜਾਵਾਂਗੇ।
ਸੁੱਖ-ਸ਼ਾਂਤੀ ਰਹੇ ਦੇਸ ਵਿੱਚ ਇਹ ਅਰਦਾਸ ਕਰਾਵਾਂਗੇ।
ਅਗਲੇ ਸਾਲ ਵਿਸਾਖੀ ਮੌਕੇ ਫਿਰ ਚਾਵਾਂ ਨਾਲ ਆਵਾਂਗੇ।
ਸ਼ਾਮਾਂ ਤੀਕਰ ਫਤਹਿ ਬੁਲਾ ਮੁੜ ਵਾਪਸ ਘਰ ਨੂੰ ਆਵਾਂਗੇ!
ਆਈ ਵਿਸਾਖੀ ਖੁਸ਼ੀਆਂ ਲੈ ਕੇ ਮੇਲਾ ਵੇਖਣ ਜਾਵਾਂਗੇ।
ਮੇਲੇ ਵਾਲੀ ਰੌਣਕ ਤੋ ਬਲਿਹਾਰੀ ਸਦਕੇ ਜਾਵਾਂਗੇ।