ਲੱਗ ਗਈ ਨਜ਼ਰ ਮੇਰੇ ਸੋਹਣੇ ਪੰਜਾਬ ਨੂੰ ।
ਚਾਹ ਪੱਤੀ ਤਵੇ ਤੇ ਰੱਖ ਕੋਈ ਸਾੜ ਦਿਓ ।।
ਪਿੰਡ ਚੜਦੇ ਸੂਰਜ ਨਾਲ ਸਿਵੇ ਬਲਦੇ ਨੇ ।
ਨਸ਼ੇ ਨੂੰ ਪਿਆਰ ਕਰਨਾ ਨਕਾਰ ਦਿਓ ।।
ਪਾਗਲ ਹੋਈ ਫਿਰਦੀ ਪੰਜਾਬ ਦੀ ਜਵਾਨੀ ।
ਗੰਦਲੇ ਪਾਣੀ ਨੂੰ ਰਲਕੇ ਨਿਖਾਰ ਦਿਓ ।।
ਮਾਵਾਂ ਦਹਿਲੀਜ਼ਾਂ ਅੰਦਰ ਨੇ ਅੱਜ ਰੋਂਦੀਆਂ ।
ਭੈਣ ਦੇ ਹੱਥ ਰੱਖੜੀ ਦਾ ਮੁੱਲ ਉਤਾਰ ਦਿਓ ।।
ਮਾਵਾਂ ਭੈਣਾਂ ਘਰ ਵਿਲਕਦਿਆਂ ਦੇਖ ਲਇਓ ।
ਬਾਪ ਨੂੰ ਪ੍ਰਦੇਸ਼ਾ 'ਚ ਫੋਨ ਨਾ ਖੜਕਾ ਦਿਓ ।।
ਨਸ਼ੇ ਦੇ ਵਪਾਰੀ ਜਵਾਨੀ ਉਜਾੜੀ ਜਾਂਦੇ ਨੇ ।
ਹਾਕਮਾਂ ਦੇ ਚਿਹਰੇ ਤੋਂ ਪਰਦਾ ਹਟਾ ਦਿਓ ।।
ਪੰਜਾਬ ਭਾਵੇਂ ਬਾਰਡਰ ਪਾਰ ਪਾਕਿਸਤਾਨ ।
ਤੁਸੀਂ ਪਾਲੇ ਬੂਟਿਆਂ ਦੀ ਰਾਖੀ ਕਰ ਲਇਓ ।।
ਸਾਨੂੰ ਸੰਨ ਚਰਾਸੀ ਅਜੇ ਤੱਕ ਭੁਲਿਆ ਨਹੀਂ ।
ਗੋਲੀ ਤੋਂ ਖੱਟੀ ਪੱਗ ਵਾਲੇ ਨੂੰ ਬਚਾ ਲਇਓ ।।
ਖੱਟੀ ਪੱਗ ਬੰਨ ਮਾਂ ਦੇ ਮੂਹਰੇ ਪੁੱਤ ਆਇਆ ।
ਮਾਂ ਨੇ ਹਿੱਕ ਲਾਇਆ, ਅੱਖੀਂਓ ਡਿਗਦੇ ਨੇ
ਪਿਆਰ ਦੇ ਹੰਝੂ, ਤੁਸੀਂ ਸਾਉਂਣ ਨਾ ਬਣਾ ਦਿਓ।।
ਕੋਲ ਖੜਕੇ ਭਾਈ ਤੋਂ ਭਾਈ ਮਰਵਾਉਂਦੇ ਨੇ ।
ਇਹਨਾਂ ਦੇ ਕਾਰ ਨਾਮੇ ਘਰ ਘਰ ਪੁਚਾ ਦਿਉ।।
ਹਾਕਮ ਪਾਪੀ ਜ਼ਖਮਾਂ ਤੇ ਲੂਣ ਭੁੱਕ ਕੇ ਮੱਲਮ
ਪੱਟੀ ਕਰਦੇ ਨੇ।
ਕਾਲੇ ਨਾਗਾਂ ਦੀਆਂ ਸੀਰੀਆਂ ਹਾਕਮ ਮੀਤ
ਪੈਰਾਂ ਥੱਲੇ ਮਧੋਲ ਦਿਓ ।।