ਭਾਰਤ ਬੰਦ (ਕਵਿਤਾ)

ਰਘਵੀਰ ਸਿੰਘ ਟੇਰਕਿਆਨਾ   

Email: raghbirterkiana@yahoo.co.in
Cell: +91 98141 73402
Address:
ਹੁਸ਼ਿਆਰਪੁਰ India
ਰਘਵੀਰ ਸਿੰਘ ਟੇਰਕਿਆਨਾ ਦੀਆਂ ਹੋਰ ਰਚਨਾਵਾਂ ਪੜ੍ਹਨ ਲਈ ਇਥੇ ਕਲਿਕ ਕਰੋ


ਸਰਕਾਰ ਨਹੀ ਮੰਨੀ ਏਸੇ ਕਰਕੇ
ਅੱਜ ਫਿਰ ਭਾਰਤ ਬੰਦ ਰਹੇਗਾ

ਸੰਘਰਸ਼ ਤਾਂ ਚਲਦੇ ਰਹਿਣੇ ਜਦ ਤੱਕ
ਰਾਜਨੀਤੀ ਵਿੱਚ ਗੰਦ ਰਹੇਗਾ

ਏਹੋ ਹਾਲਾਤ ਰਹੇ ਤਾਂ ਏਥੇ
ਉਲਝਿਆ ਹਰ ਇੱਕ ਤੰਦ ਰਹੇਗਾ

ਪੁਲਸ ਦਾ ਕੀ ਹਰ ਮੁਲਾਜ਼ਮ
ਇੰਝ ਹੀ ਹਥਿਆਰਬੰਦ ਰਹੇਗਾ ?

ਪੂੰਜੀਪਤੀਆਂ ਦੀ ਹਿਫਾਜ਼ਤ
ਕਰਨ ਦੇ ਲਈ ਪਾਬੰਦ ਰਹੇਗਾ ?

ਜਿਨਾਂ ਵਿਗੜ ਗਿਆ ਹੈ ਢਾਂਚਾ
ਕਿਸ ਨੂੰ ਇਹ ਪਸੰਦ ਰਹੇਗਾ ?

ਸੰਘਰਸ਼ ਚੱਲੇਗਾ ਆਖਰੀ ਦੰਮ ਤੱਕ
ਹੌਸਲਾ ਵੀ ਬੁਲੰਦ ਰਹੇਗਾ

ਲੋਕ ਹਿਤੈਸ਼ੀ ਲੇਖਕ ਹਊ ਜੋ
ਮੁਲਕ ਲਈ ਫ਼ਿਕਰਮੰਦ ਰਹੇਗਾ