ਇੱਕ ਸਵੇਰ (ਕਵਿਤਾ)

ਨਿਰਮਲ ਸਿੰਘ ਢੁੱਡੀਕੇ   

Address:
Ontario Canada
ਨਿਰਮਲ ਸਿੰਘ ਢੁੱਡੀਕੇ ਦੀਆਂ ਹੋਰ ਰਚਨਾਵਾਂ ਪੜ੍ਹਨ ਲਈ ਇਥੇ ਕਲਿਕ ਕਰੋ


ਪਹਾੜੀ ਰਾਹ ਤੇ ਤੁਰਦਾ ਜਾਵਾਂ
ਦਿਲ ਦੀ ਧੜਕਣ ਸਾਜ਼ ਬਜਾਏ।

 ਹਵਾ ਦੀ ਵਾਹ ਵਾ ਕੰਨੀਂ ਪੈਂਦੀ
ਕੁਦਰਤ ਆਪੇ ਗਾਈ ਜਾਏ।

 ਨਾ ਗਰਮੀ ਨਾ ਸਰਦੀ ਜਾਪੇ
ਘੁੱਗੀ ਆਪਣਾ ਰਾਗ ਸੁਣਾਏ।

 ਕਾਟੋ ਲੂੰਬੜ ਅੱਗੇ ਭੱਜ ਦੀ
ਮਸਾਂ ਲੁਕ ਕੇ ਜਾਨ ਬਚਾਏ।

 ਸੱਜੇ ਪਾਸੇ ਸੱਪ ਸਿਰਕਦਾ
ਪਾਣੀ ਵਾਂਗੂੰ ਵਗਦਾ ਜਾਏ।

 ਬਿਰਖਾਂ ਦਾ ਝੁਰਮਟ ਲਹਿਰਾਏ
ਜਾਂਦੇ ਰਾਹੀਆਂ ਨੂੰ ਬੁਲਾਏ ।

 ਵੱਡੀ ਟਹਿਣੀ ਲਿਫਦੀ ਜਾਏ
ਛੋਟੀ ਟਹਿਣੀ ਹੱਥ ਹਿਲਾਏ।

 ਸੈਨਤਾਂ ਰਾਹੀਂ ਮੈਨੂ ਲੱਗਦਾ
ਮੇਰੀ ਕੋਈ ਗੱਲ ਸਮਝਾਏ ।

ਜੋ ਕੁਝ ਦਿਸਦਾ, ਕੀ ਨੇ ਮਾਹਣੇ ?
ਰੱਬ ਦੀਆਂ ਗੱਲਾਂ ਓਹੀ ਜਾਣੇ ।