ਰੂਪ ਜਵਾਨੀ (ਕਵਿਤਾ)

ਓਮਕਾਰ ਸੂਦ ਬਹੋਨਾ   

Email: omkarsood4@gmail.com
Cell: +91 96540 36080
Address: 2467,ਐੱਸ.ਜੀ.ਐੱਮ.-ਨਗਰ
ਫ਼ਰੀਦਾਬਾਦ Haryana India 121001
ਓਮਕਾਰ ਸੂਦ ਬਹੋਨਾ ਦੀਆਂ ਹੋਰ ਰਚਨਾਵਾਂ ਪੜ੍ਹਨ ਲਈ ਇਥੇ ਕਲਿਕ ਕਰੋ


ਅੱਧ-ਪਚੱਦੇ ਕਪੜੇ ਪਾ ਕੇ ਨਾਰੀ ਕਰੇ ਦਿਖਾਵਾ ।
ਨਵੇਂ ਜ਼ਮਾਨੇ ਦੀ ਹੋਣ ਦਾ ਉਹ ਕਰਦੀ ਦਾਅਵਾ ।

ਬਿਨ ਬਾਜੂ ਦੇ ਪਾਉਂਦੀ ਹੈ ਹੁਣ ਕੁੜਤਾ ਕੁੜਤੀ,
ਨਗਨ ਨਾਰੀ ਨੂੰ ਹੋਣ ਦਾ ਹੈ ਨਹੀਂ ਪਛਤਾਵਾ ।

ਸਿਰ ਤੋਂ ਚੁੰਨੀ ਲੱਥ ਕੇ ਮੋਢੇ 'ਤੇ ਆ ਗਈ,
ਮੋਢੇ ਉੱਤੇ ਆ ਕੇ ਬਣ ਗਈ ਲਟਕਾਵਾ ।

ਸੁੰਦਰ ਨਾਰੀ ਰੂਪ ਨੂੰ ਮੇਕਅੱਪ ਨਾਲ ਢਕਿਆ,
ਚਿਹਰਾ ਹੁਣ ਤਾਂ ਬਣ ਗਿਆ ਹੈ ਰੂਪ ਛਲਾਵਾ ।

ਅੱਖਾਂ ਤੋਂ ਭਰਵੱਟੇ ਵੀ ਹੁਣ ਮੁੰਨ ਧਰੇ ਨੇ,
ਮੁੰਨੇ ਹੋਏ ਭਰਵੱਟਿਆਂ ਦੀ ਹੁੰਦੀ ਵਾਹਵਾ ।

ਧੀਰਜ ਰੱਖੋ ਨਾਰੀਉ ਨਾ ਰੂਪ ਵਗਾੜੋ,
ਅਸਲੀ ਹੋਵਣ ਸੂਰਤਾਂ ਤਾਂ ਬੱਲੇ ਸ਼ਾਵਾ ।

ਰੂਪ ਜਵਾਨੀ ਚਾਰ ਦਿਨ ਆਖਰ ਢਲ ਜਾਣੀ,
ਢਕ ਨਹੀਂ ਸਕਦਾ ਚਿਹਰੇ ਨੂੰ ਨਕਲੀ ਮਾਵਾ ।

ਵਿੱਚ ਸੰਦੂਕਾਂ ਸੁਟੀਆਂ ਸਲਵਾਰ ਕਮੀਜ਼ਾਂ,
ਕੱਢੋ, ਪਹਿਨੋ ਨੱਢੀਓ ਅਸਲੀ ਪਹਿਰਾਵਾ ।

ਚੁੰਨੀ ਕੱਢੋ ਉਹੜ ਲਓ ਨੀ ਕੁੜੀਓ ਚਿੜੀਓ,
ਹੁਣ ਨਾ ਝਾਟੇ ਮੁੰਨਿਓ ਛੱਡੋ ਲੋਕ ਦਿਖਾਵਾ ।