ਨਾ ਕਰ ਕੋਈ ਅਹਿਸਾਨ ਕਿਸੇ ਤੇ,
ਕੋਈ ਨਹੀਂ ਬਖਸ਼ਦਾ ਫਾਇਦਾ ਦਿਸੇ ਤੇ,
ਭਾਵੇਂ ਤੇਰੇ ਪੁੱਤ ਨੇ ਉਹ ਭਾਵੇਂ ਤੇਰੀ ਧੀਅ,
ਕੌਣ ਯਾਦ ਰੱਖਦਾ ਹੈ ਕਿਹਨੇ ਕੀਤਾ ਕੀ।
ਮਾਂ ਦੇ ਅਹਿਸਾਨ ਨੂੰ ਨਵੀਂ ਆਈ ਲਾਂਬੂ ਲਾ ਦਿੰਦੀ,
ਪੁੱਤ ਦੀਆਂ ਅੱਖਾਂ ਵਿੱਚ ਆਪਣਾ ਲੈਨਜ ਪਾ ਦਿੰਦੀ,
ਜਿਵੇਂ ਉਹ ਵਿਖਾਵੇ ਉਹਨੂੰ ਠੀਕ ਉਹੀਓ ਹੁੰਦਾ ਜੀ,
ਕੌਣ ਯਾਦ ਰੱਖਦਾ ਹੈ ਕਿਹਨੇ ਕੀਤਾ ਕੀ।
ਦੇ ਦਿਓ ਉਧਾਰੇ ਪੈਸੇ ਕਿਸੇ ਆਪਣੇ ਪਰਾਏ ਨੂੰ,
ਮੰਗ ਲਿਉ ਖੁਦ ਉੱਤੇ ਔਖੇ ਟਾਈਮ ਆਏ ਨੂੰ,
ਵੇਖਿਉ ਹੈ ਫਿਰ ਅੱਬਾ ਪੈਂਦੀ ਜਾਂ ਹੈ ਟੀ,
ਕੌਣ ਯਾਦ ਰੱਖਦਾ ਹੈ ਕਿਹਨੇ ਕੀਤਾ ਕੀ।
ਯਾਦਗਾਰ ਸ਼ਹੀਦ ਦੀ ਹੈ ਇੱਕੋ ਦਿਨ ਸਾਫ ਹੋਵੇ,
ਬੁੱਤ ਉਹਨਾਂ ਦੇ ਲੋਕੀਂ ਮਲ ਮਲ ਫੇਰ ਧੋਵੇ,
ਬਾਕੀ ਸਾਰਾ ਸਾਲ ਉੱਥੇ ਹੁੰਦੀ ਭੀਂ ਭੀਂ,
ਕੌਣ ਯਾਦ ਰੱਖਦਾ ਹੈ ਕਿਹਨੇ ਕੀਤਾ ਕੀ।