ਤੁਰਦਾ ਫਿਰਦਾ ਥੱਕ ਜਾਵਾਂ, ਬੈਠ ਗੱਲਾਂ ਹਾਂ ਮਾਰਦਾ
ਦਿਲ ਦੇ ਸ਼ੀਸ਼ੇ ਨੂੰ ਦੇਖ ਕੇ, ਕਾਗਜ਼ ਤੇ ਹਾਂ ਉਤਾਰਦਾ ।
ਕੁਦਰਤ ਦੀ ਬਣਤ ਦਾ ਕਿਣਕਾ, ਬਣਾਇਆ ਰੱਬ ਨੇ
ਤੇਰਾ ਤੇ ਮੇਰਾ ਖੇਲ ਹੈ, ਕੋਈ ਜਿੱਤੇ ਨਾ ਹਾਰਦਾ ।
ਨਬਜ਼ ਚੱਲੇ ਤਾਂ ਪਤਾ ਲੱਗਦਾ, ਆਉਂਦੇ ਜਾਂਦੇ ਸਾਹਾਂ ਦਾ
ਜਾ ਕੇ ਮਿਲੀਏ ਰੋਗੀ ਨੂੰ , ਦਿਲ ਖੁਸ਼ ਹੁੰਦਾ ਬਿਮਾਰ ਦਾ ।
ਸੂਰਜ ਨਿੱਤ ਚੜ੍ਹਦਾ ਰਹਿਣਾ , ਸਦਾ ਨਹੀਂ ਰਹਿੰਦੇ ਬੱਦਲ,
ਮੁੱਕ ਜਾਣਾ ਕਾਲੀ ਰਾਤ ਨੇ, ਸਮਾਂ ਸੁੱਭਾ ਦੇ ਕਰਾਰ ਦਾ ।
ਸ਼ਰੀਫ਼ ਪਿੱਛੇ ਕੌਣ ਲੱਗਦਾ, ਜੀ ਹਰ ਜਣਾ ਸਿਆਸੀ ਹੈ ,
ਕਿਹੜੀ ਗੱਲੋਂ ਅਸੀਂ ਲੜਦੇ , ਕਰੋ ਪਤਾ ਪਈ ਖਾਰ ਦਾ ।