ਦੋ ਕਵਿਤਾਵਾਂ (ਕਵਿਤਾ)

1. ਕੂਕਰ
 
ਦਰਗਾਹ ਦੇ ਦਰਵਾਜ਼ੇ

ਉਪਰ ਹੋ ਰਿਹਾ ਹੈ

ਨਤਮਸਤਕ ਕੂਕਰ

ਜਿਸਦੀ ਕੂ-ਕੂ ਜਗਾਉਂਦੀ

ਸੁੱਤੀਆਂ ਪੁਥਲੀਆਂ ਦੇ ਵਜੂਦ ਨੂੰ-



ਇਹ ਮਸਕੀਨ-

ਇਹ ਆਜਜ਼-

ਮੰਨ ਦਾ ਹਰ ਕਹਿਣਾ

ਕਲਬੂਤ ਦੇ ਇਕ ਇਸ਼ਾਰੇ ਤੇ-

ਉਡੀਕਦਾ ਹਮੇਸ਼ਾ ਮਾਲਕ ਦੀ ਆਮਦ ਨੂੰ-

ਮਾਣਦਾ ਹਰ ਰਿਸ਼ਤੇ ਦੇ ਨਿੱਘ ਨੂੰ

ਘਰ ਦੀ ਰੋਣਕ ਦਾ ਪਹਿਰੇਦਾਰ ਇਹ ਕੂਕਰ-

ਕਾਇਨਾਤ ਏਸ ਦੀ ਹੈ-

ਚੇਤਨਾ ਏਸ ਦੀ ਹੈ-

ਊਰਜਾ ਏਸ ਦੀ ਹੈ-
------------------------------
2. ਜ਼ਹਿਰੀਲੀ ਧੂਫ
 
ਹਰ ਰੋਜ਼ ਦਿੰਦਾ ਹੈ

ਉਹ ਆਪਣੇ ਹੀ ਘਰ

ਅੰਦਰ ਸੱਪ ਦੀ ਜ਼ਹਿਰੀਲੀ ਧੂਫ-

ਘਰ ਦਾ ਕਣ-ਕਣ

ਤਿਆਰ ਬਰ ਤਿਆਰ ਹੈ

ਏਸ ਧੂਫ ਦੇ ਜਲਵਿਆਂ ਨੂੰ

ਮਾਨਣ ਦੇ ਲਈ-

ਸੁੰਨੀਆਂ ਕੰਧਾਂ ਵੀ ਸਿਰਜ

ਰਹੀਆਂ ਨੇ ਇਕ ਅਨੋਖਾ ਇਤਿਹਾਸ-

ਗਟਰ ਚ ਜੰਨਮੇ ਭੂੰਡ ਵੀ

ਹਿੱਕ ਤਾਣਕੇ ਖੜੇ ਨੇ

ਜ਼ਹਿਰੀਲੀ ਧੂਫ ਦੇ ਦਸਤਾਵੇਜ਼ਾਂ ਸਾਹਵੇਂ-



ਜੰਗਲ ਚ ਤੁਰਦੀ ਕੁੜੀ

ਨੇ ਵੀ ਪਹਿਣ ਲਈ

ਦਰੋਪਦੀ ਦੀ ਅਣ ਮਿਣੀ ਸਾੜੀ-



ਕ੍ਰਿਸ਼ਣ ਦਾ ਚੱਕਰ ਵੀ

ਚਾਰੋ ਤਰਫ ਮੰਡਰਾ ਰਿਹਾ ਹੈ

ਕੁਝ ਕਲਮ ਕਰਨ ਦੇ ਲਈ-

ਲੋਹ ਛਾਤੀਆਂ ਦੀਆਂ ਛਾਤੀਆਂ

ਨੇ ਵੀ ਲੈ ਲਿਆ ਅਵਤਾਰ

ਰੁਹਾਣੀ ਢਾਲਾਂ ਦਾ-



ਧੂਫ ਫੁਕ ਮਾਰ ਕੇ

aੁੱਡਾ ਦਿਤੀ ਜਾਵੇਗੀ-