ਜੇ ਜ਼ਿੰਦਗੀ ਤੈਨੂੰ ਮਿੱਠੀ ਲਗਦੀ
ਸਾਨੂੰ ਕੋਲ ਬਿਠਾਵੀਂ ,
ਜੇ ਜ਼ਿੰਦਗੀ ਤੈਨੂੰ ਕੌੜੀ ਲੱਗੇ
ਬਹੁਤਾ ਦੂਰ ਨਾਂ ਜਾਵੀਂ ।
ਪੈਰਾਂ ਦੇ ਚਿੰਨ ਯਾਦ ਤੂੰ ਰੱਖੀੰ
ਜਿਸ ਰਸਤੇ ਤੂੰ ਜਾਵੇਂ ,
ਆਵਾਜ਼ ਮਾਰਾਂ ਤਾਂ ਸੁਣ ਲਈਂ ਮੈਨੂੰ
ਝੱਟ ਤੂੰ ਵਾਪਿਸ ਆਵੀਂ ।
ਰੁੱਤਾਂ ਦਾ ਕੱਮ ਆਉਣਾਂ ਜਾਣਾਂ
ਰੁੱਤਾਂ ਨਾਲ ਨਾਂ ਰੁੱਸੀਏ ,
ਕੋਈ ਇਕ ਰੁੱਤ ਜੇ ਵੈਰ ਕਮਾਵੇ
ਚਿੰਤਾ ਚਿੱਤ ਨਾਂ ਲਾਵੀਂ ।
ਦਿੱਲ ਦਾ ਹੰਸ ਤਾਂ ਮੋਤੀ ਚਾਹੇ
ਕਾਹਨੂੰ ਕੰਕਰ ਚੁਣੀਏ ,
ਵਗਦੇ ਪਾਣੀਂ ਜੀਵਣ ਵਰਗੇ
ਚਿਕੱੜੀਂ ਹੱਥ ਨਾਂ ਪਾਵੀਂ ।
ਪੱਲ ਪੱਲ ਜੋੜਕੇ ਉਮਰਾਂ ਰੱਚੀਏ
ਸਾਹਾਂ ਦੀ ਨਾਂ ਗਿਣਤੀ ਕਰੀਏ ,
ਸ਼ਹਿਦ ਤੋਂ ਮਿਠੱਰੇ ਪੱਲ ਮੈਂ ਦਿੱਤੇ
ਐਵੇਂ ਨਾਂ ਸੁੱਟ ਗਵਾਵੀਂ ।
ਅਖੱਰਾਂ ਦੇ ਵਿੱਚ ਦਿੱਲ ਦੇ ਰਿਸ਼ਤੇ
ਕਦੀ ਨਾਂ ਪੂਰੇ ਆਉਂਦੇ ,
ਝੂਠ ਸੱਚ ਜ਼ਿੰਦਗੀ ਤੋਂ ਛੋੱਟੇ
ਕੋਈ ਛੱਕ ਨਾਂ ਮੰਨ ਲਿਆਵੀਂ
ਅਗਲੇ ਪਿਛਲੇ ਸਮੇਂ ਦੀ ਦੁਬਿੱਧਾ
ਕਿਉਂ ਤੂੰ ਬੋੱਝਾ ਚੁਕਿੱਆ ,
ਇਹ ਜੀਵਣ ਬਸ 'ਤੂੰ ' 'ਤੇ 'ਤੇਰਾ''
ਅੱਜ ਨੂੰ ਅੱਜ ਹੰਢਾਵੀਂ ।