ਦੇਸ਼ ਨਾਲ ਵਿਹਲੇ ਵੇਲੇ ਦਾ ਸੰਵਾਦ (ਕਵਿਤਾ)

amitriptyline nerve pain in neck

nerve pain in arm amitriptyline go amitriptyline nerve pain medication

ਮੈਨੂੰ ਮੁਆਫ ਨਾਂ ਕਰੀ ਮੇਰੇ ਦੇਸ਼
 ਮੈਂ ਤੈਨੂੰ 
 ਗੂੜੀ ਨੀਂਦ 'ਚ ਸੁੱਤੇ ਨੂੰ 
                   ਮਿਲਣ ਆਇਆ
 ਆਪਣੀ ਬੁੱਕਲ ਦੇ 
 ਗੁਆਕੇ ਪਰਤ ਚੱਲਿਆ ਹਾਂ
                       -ਬੋਲ 


 ਤੂੰ ਦੇਖ ਰਿਹੈਂ ਮੇਰੇ ਦੇਸ਼ 
 ਇਤਿਹਾਸਕ ਤੋਪਾਂ ਦਾ ਖੁੱਲਿਆ ਜਬ੍ਹਾੜਾ 
 ਮੇਰੇ ਵੱਲ ਹੈ 
 (ਇਥੇ ਤਾਂ ਹੱਥ ਮਿਲਾਉਣ ਤੋਂ ਬਾਅਦ ਹੀ 
  ਆਦਮੀ ਵੀ ਇਤਿਹਾਸਿਕ ਹੋ ਜਾਂਦਾ ਹੈ )
  ਤੇ ਮੇਰਾ ਚਿਹਰਾ 
  ਤੈਨੂੰ ਦਿੱਤੀ ਜਾ ਰਹੀ ਸਲਾਮੀ ਦੇ 
               ਇੱਕਵੰਜਾ ਮੂੰਹਾਂ ਵੱਲ 
 

 ਮੈਂ ਤੇਰਾ ਉਹ ਨਾਗਰਿਕ ਹਾਂ ਮੇਰੇ ਦੇਸ਼ 
 ਜੋ ਅਕਸਰ ਹੀ 
 ਮੋਹ ਦੀ ਭਾਸ਼ਾ 'ਚ ਭੋਂਕਦਾ ਹਾਂ 
 ਅਤੇ –
        ਮੂਕ ਜਿਹੀ ਆਰਤੀ ਉਤਾਰਦਾ ਹਾਂ 
 ਅਸ਼ਲੀਲ਼ ਲਤੀਫਿਆਂ ਦੀ 
                                                        

ਕਿ ਅੱਜ  ਤੇਰੇ ਵਿਹੜੇ ਦੇ ਬਾਸ਼ਿੰਦੇ 
 ਫਰੋਲ ਰਹੇ ਨੇ ਤੇਰੀ ਸਰਹੱਦ ਦਾ ਭੂਗੋਲ 
 ਤੇ ਤੇਰੇ ਉਪਰ 
 ਸ਼ਿਕਾਰ ਦਾ ਸਿਲੇਬਸ 
                ਲਾਗੂ ਕਰਨਾ ਚਾਹੁੰਦੇ ਨੇ 
 ਤੇਰੀ ਰਾਜਨੀਤੀ ਦੇ ਕਥਾਵਾਚਕ 


 ਤੂੰ ਅਜੇਹਾ ਤਾਂ ਕਦੇ ਵੀ ਨਹੀਂ ਸੈਂ ਮੇਰੇ ਦੇਸ਼ 
 ਕਿ ਤੇਰੀਆਂ ਸਰਦਲਾਂ ਤਾਂ ਬਣੀਆਂ ਸਨ 
 ਸਿਜਦਿਆਂ ਲਈ ਹੀ 
 ਕਿ ਤੇਰੀ ਹਿੱਕ ਉੱਤੇ ਕਦੇ ਨਹੀਂ ਸੀ aੁੱਗਿਆ 
 ਚੁਰਸਤਿਆਂ ਦਾ ਜੰਗਲ 
 ਕਿ ਤੇਰੀਆਂ ਤਾਂ ਚਹੁੰ ਕੂੰਟਾਂ ਵਿੱਚ 
 ਮੱਕਾ ਹੀ ਮੱਕਾ ਸੀ 
 ਕਿ ਅੱਜ ਕਿਵੇਂ 
 ਲਿਬਾਸਾਂ ਦੇ ਆੜਤੀਆਂ ਨੇ 
                ਸਿਰ ਚੁੱਕ ਲਏ ਨੇ 
 ਘਰਾਂ ਦੇ ਵਿਹੜਿਆਂ ਅੰਦਰ 
 ਇਉਂ ਕਦੇ ਨਹੀਂ ਹੋਇਆ ਕਰਦਾ 
 ਕਿ ਅਸੀਂ ਆਂਪਣੀਆਂ ਹੀ ਕੰਧਾਂ ਨੂੰ
 ਕਿ ਸਾਡੀਆਂ ਹੀ ਛੱਤਾਂ 
 ਸਾਡੀ ਹੀ ਕਰ ਨਾਂ ਸਕਣ 
                    -ਸੁਰੱਖਿਆ

 ਪਿੰਡ ਵੜਦਿਆਂ 
 ਘਰ ਨੂੰ ਜਾਂਦੀ 
 ਗਲੀ ਦਾ ਨਾਮ ਭੁੱਲ ਜਾਈਏ 
 ਕਿ ਵਿਹੜੇ 'ਚ ਲੱਗੀ ਧਰੇਕ ਨੂੰ ਦੱਸੀਏ 
              ਹੁਣ-
              ਬਹੁਤ ਵੱਧ ਰਹੇ ਨੇ 
 ਦੇਸ਼ ਦੀ ਨਫਰਤ ਦੇ ਬੀਅ 


 ਮੈਂ ਤੈਨੂੰ ਪੁੱਛਦਾ ਹਾਂ ਮੇਰੇ ਦੇਸ਼ 
 ਇੱਥੇ ਚਿੰਤਨ ਦੇ ਪੁਸਤਕਾਲਿਆਂ 'ਚ 
 ਕੌਣ ਰੱਖ ਰਿਹਾ ਹੈ 
              -ਹਿੰਸਾ ਦੇ ਕਿੱਸੇ 
 ਇੱਥੇ ਪ੍ਰਭਾਤ ਫੇਰੀਆਂ ਦੇ ਰਾਗ ਤੋੜਕੇ 
 ਕੌਣ ਗਾ ਰਿਹਾ ਹੈ 
               -ਕਾਲੀਆਂ ਰਾਤਾਂ ਦੇ ਸੋਹਲੇ 
 ਤੇ ਕੌਣ- 
 ਰੋਜ਼ਾਨਾਂ ਅਖਬਾਰਾਂ ਨੂੰ ਘੱਲ ਰਿਹਾ ਹੈ 
                  ਰੰਗਦਾਰ 
 ਮੈਂ ਤੈਨੂੰ ਪੁੱਛਦਾ ਹਾਂ ਮੇਰੇ ਦੇਸ਼ 
 ਤੂੰ ਸਾਜਿਸ਼ਾਂ ਦੇ ਹੱਥਾਂ 'ਚ 
               ਕਿਉਂ ਖੇਡਣ ਲੱਗ ਪਿਐਂ
 ਆਪਣੇ ਅੰਦਰੋਂ ਟੁੱਟ ਰਿਹਾ ਹੈਂ 
 ਤੂੰ ਆਪਣੇ ਨਾਲ ਹੀ 
 ਅੱਖ ਮਿਲਾਉਣੋਂ ਹੱਟ ਗਿਐਂ 
 ਅਤੇ 
 ਮੌਸਮੀ ਨਾਅਰਿਆਂ ਦੇ ਸ਼ੋਰ 'ਚ 
                  ਗੁਆਚਦਾ ਜਾ ਰਿਹੈਂ 


 ਤੂੰ ਤਾਂ ਕਦੇ ਸੋਚਿਆ ਵੀ ਨਹੀਂ ਹੋਣਾ ਮੇਰੇ ਦੇਸ਼ 
 ਕਿ ਕਦੀ ਤੇਰੇ ਹਰ ਮੋੜ ਤੇ ਖੜੇ ਹੋਣਗੇ 
                      ਸ਼ਿਕਾਰੀ 
 ਤੇ ਤੇਰੇ ਪੁੱਤਰਾਂ ਦੀਆਂ ਫੁੰਡਦੇ ਜਾਣਗੇ 
                       ਠੰਡੀਆਂ ਛਾਵਾਂ 
 ਤੇਰੇ ਪੁੱਤਰ ਤਾਂ 
 ਸਰੋਵਰਾਂ 'ਚ ਪੈਣ ਵਾਲੇ 
 ਪਾਣੀ ਦੀ ਉਡੀਕ ਕਰਨਗੇ 
 ਤੇ ਪਤਾ ਨਹੀਂ ਕਿਧਰੋਂ 
 ਬੇ ਮਿਥੀਆਂ ਆ ਜਾਣਗੀਆਂ 
                ਖ਼ੂਨ ਦੀਆਂ ਛੱਲਾਂ 
 ਤੂੰ 
 ਰਹਿਰਾਸ ਦੀ ਅਰਦਾਸ 'ਚ ਲੀਨ ਹੋਵੇਂਗਾ 
 ਟੱਲੀਆਂ ਦੇ ਲੁੱਟੇ ਹੋਏ ਸੰਗੀਤ ਦੀ ਖਬਰ 
 ਦਰਬਾਰ ਸਾਹਿਬ 'ਚ ਆ 
 ਉਸ ਖ਼ਬਰ ਦੇ ਮੱਥੇ 'ਚੋਂ 
 ਬੀਜ ਪੁੰਗਰ ਰਿਹਾ ਹੋਵੇਗਾ 
                ਜ਼ਾਤਾਂ ਦੇ ਤਿਲਕ ਦਾ 
                ਜ਼ਹਿਰੀ ਨਜ਼ਰ ਦਾ 
 ਤੇ ਜਾਂ 
 ਝੜ ਚੁੱਕੇ ਪੱਤਿਆਂ ਦੇ ਰੁਦਨ ਦਾ 

                                                         
 ਤੂੰ ਤਾਂ ਕਦੇ ਸੋਚਿਆਂ ਨਹੀਂ ਹੋਣਾ ਮੇਰੇ ਦੇਸ਼ 
 ਕਿ ਤੇਰਿਆਂ ਸਾਹਾਂ ਨੂੰ ਕਦੀ 
 ਕੁਰਸੀਆਂ ਦੀ ਜ਼ਮੀਰ ਨੋਚਣ ਲੱਗ ਪਵੇਗੀ 
 ਤੇ ਤੇਰੀਆਂ ਅੱਖਾਂ ਅੱਗੇ 
 ਸਿਆਸਤ ਦਾ ਮਰਾਸੀ ਊਂਘ ਰਿਹਾ ਹੋਵੇਗਾ 


 ਤੇਰੇ ਵਾਰਿਸ ਸ਼ਾਹ ਤੇ ਪੀਲੂ 
 ਵਿਰਲਾਪ ਕਰਨਗੇ 
 ਤੇਰੀ ਭਟਕਦੀ ਰੂਹ 'ਤੇ 
 ਤੇ ਤੇਰਾ ਮਿਰਜ਼ਾ ਤੇ ਕੌਲਾਂ 
 ਸਹਿਮ ਸਹਿਮ ਪੁੱਛਣਗੇ 
 ਸਵੈਮਾਣ ਅਤੇ ਵਫ਼ਾ ਦੇ ਅਰਥ 
 

 ਇਹ ਤੈਨੂੰ ਕੀ ਹੋ ਗਿਐ ਮੇਰੇ ਦੇਸ਼ 
 ਕਿ ਤੂੰ ਹਰ ਸਮੇਂ 
 ਢਲਦੇ ਮੌਸਮ ਵਰਗੀ 
 ਤੂੰ ਆਪਣੇ ਹੀ ਖ਼ੂਨ ਦਾ 
 ਆਪਣੀ ਹੀ ਪਿਆਸ ਲਈ 
 ਤੂੰ ਅੰਦਰੋਂ 
 ਕਿੰਨਾ ਹੀ ਇਕੱਲਾ ਹੋ ਗਿਐ 
 ਅਤੇ ਆਪਣੇ ਹੀ ਨਕਸ਼ਾਂ 'ਚ ਪਿਘਲਦਾ 
 ਕਰਨ ਲੱਗ ਪਿਐਂ 
         ਵੈਰੀ ਦੀ ਉਡੀਕ 
 

 ਇਹ ਤੈਨੂੰ ਕੀ ਹੋ ਗਿਐ ਮੇਰੇ ਦੇਸ਼ 
 ਕਿ ਤੇਰੀਆਂ ਕੁੜੀਆਂ ਦਾ ਇਸ਼ਕ ਵੀ 
 ਤੇ ਤੇਰੇ ਗੱਭਰੂਆਂ ਦੀ ਤਲਾਸ਼ 
 ਪਿੰਡਿਆਂ ਦਾ 
 ਗੁਨਾਹ ਕਬੂਲਣ ਲੱਗ ਪਈ ਐ 


 ਤੇਰੇ 'ਅੱਜ ਦੇ ਮੋਢਿਆ ਉੱਤੇ ਲਟਕ ਰਹੇ ਨੇ 
 ਮੋਏ ਪਰਿੰਦਿਆਂ ਦੇ ਪਰਛਾਵੇਂ 
 ਤੇ ਤੇਰੇ ਜ਼ਖਮਾਂ ਦੇ ਮਾਤਮ ਦਾ 
 ਤੇਰੀ ਮਿੱਟੀ ਮਨਾ ਰਹੀ ਹੈ 
                   -ਜਸ਼ਨ 


 ਮੈਨੂੰ ਮੁਆਫ ਕਰੀਂ ਮੇਰੇ ਦੇਸ਼ 
 ਹੁਣ ਮੈਨੂੰ ਨੱਚ ਲੈਣ ਦੇ 
 ਸਕੇ ਦੁੱਧ ਦੀ ਲਾਸ਼ ਤੇ ਚੜ੍ਹਕੇ 
 ਅਤੇ ਵੇਲੇ ਸਿਰ ਘਰ ਪਰਤ ਲੈਣ ਦੇ 
 ਜੇ ਜਾਂਦੇ ਨੂੰ 
 ਮੇਰੇ ਧਰਮ ਦੀ 
 ਤ੍ਰੇਹ ਹੀ ਮਿਟ ਗਈ 
 ਫਿਰ ਤੇਰੇ ਨਾਲ ਹੋਏ ਸੰਵਾਦ ਦੀ ਕਥਾ 
                           ਕੀਹਦੇ ਨਾਲ ਕਰਾਂਗਾ ?
 ਮੈਨੂੰ ਮੁਆਫ ਨਾ ਕਰੀਂ ਮੇਰੇ ਦੇਸ਼ 
 ਮੈਂ ਜੋ ਤੇਰੀ ਸਿਆਸਤ ਦੀ ਡੋਰ ਨੂੰ 
 ਨਾਚੀ ਦੇ ਘੁੰਗਰੂਆਂ ਜਿਹੀ 
                         ਰਿਸਕਵੀਂ ਗੰਢ ਸਮਝ ਕੇ 
                         ਖੋਹਲ ਬੈਠਾ ਹਾਂ .. ..