ਖ਼ਬਰਸਾਰ

  •    ਸਰਦਾਰਨੀ ਕੈਲਾਸ਼ ਕੌਰ ਮੈਮੋਰੀਅਲ ਲੈਕਚਰ ਦਾ ਆਯੋਜਨ / ਪੰਜਾਬੀਮਾਂ ਬਿਓਰੋ
  •    ਐਮ ਐਸ ਢਿੱਲੋਂ ਅਤੇ ਇਕਬਾਲ ਗੱਜਣ ਸਨਮਾਨਿਤ / ਪੰਜਾਬੀਮਾਂ ਬਿਓਰੋ
  •    ਸਾਹਿਤਕ ਮੀਟਿੰਗ ਦੌਰਾਨ ਰਚਨਾਵਾਂ ਦਾ ਪਾਠ ਕੀਤਾ ਗਿਆ / ਨਵ ਪੰਜਾਬੀ ਸਾਹਿਤ ਸਭਾ, ਕੋਟ ਈਸੇ ਖਾਂ
  •    ਗ਼ਜ਼ਲ ਮੰਚ ਪੰਜਾਬ ਵੱਲੋਂ ਸਲਾਨਾ ਪੁਰਸਕਾਰਾਂ ਦਾ ਐਲਾਨ / ਗ਼ਜ਼ਲ ਮੰਚ ਫਿਲੌਰ (ਲੁਧਿਆਣਾ)
  •    ਬਬਲੀ ਧਾਲੀਵਾਲ ਦੀ 'ਮੰਜਿਲ' ਰਿਲੀਜ਼ / ਪੰਜਾਬੀਮਾਂ ਬਿਓਰੋ
  •    ਮਹਿਰਮ ਸਾਹਿਤ ਸਭਾ ਦੀ ਮੀਟਿੰਗ / ਮਹਿਰਮ ਸਾਹਿਤ ਸਭਾ ਨਵਾਂ ਸ਼ਾਲਾ, ਗੁਰਦਾਸਪੁਰ
  •    ਸਿੱਖ ਵਿਦਵਾਨ ਸੋਹਣ ਸਿੰਘ ਸਨਮਾਨਿਤ / ਮਾਨਵਤਾ ਪੱਖੀ ਮੰਚ
  •    ਖੁਸ਼ਵੰਤ ਸਿੰਘ ਨਹੀਂ ਰਹੇ (ਸ਼ਰਧਾਂਜਲੀ) / ਪੰਜਾਬੀਮਾਂ ਬਿਓਰੋ
  •    ਅਲਵਿਦਾ ... ਸ਼ਾਹ ਚਮਨ (ਸ਼ਰਧਾਂਜਲੀ) / ਪੰਜਾਬੀਮਾਂ ਬਿਓਰੋ
  •    ਡਾ. ਅਮਰ ਕੋਮਲ ਦਾ ਸਨਮਾਨ / ਪੰਜਾਬੀ ਸਾਹਿਤ ਸਭਾ ਰਜਿ. ਪਟਿਆਲਾ
  •    ਕਾਫਲੇ ਵੱਲੋਂ ਕਿਤਾਬਾਂ ਰਲੀਜ਼ ਅਤੇ ਕਵੀ ਦਰਬਾਰ / ਪੰਜਾਬੀ ਕਲਮਾਂ ਦਾ ਕਾਫ਼ਲਾ, ਟਰਾਂਟੋ
  • ਭਰ ਦੇ ਗੂੜੇ ਰੰਗ (ਕਵਿਤਾ)

    ਸਿੰਮੀ ਪ੍ਰੀਤ   

    Email: simipreet13@yahoo.com
    Address:
    India
    ਸਿੰਮੀ ਪ੍ਰੀਤ ਦੀਆਂ ਹੋਰ ਰਚਨਾਵਾਂ ਪੜ੍ਹਨ ਲਈ ਇਥੇ ਕਲਿਕ ਕਰੋ


    ਤੇਰੀ ਨਜ਼ਰੇ ਕੀ ਫ਼ਰਕ ਰਾਜੇ ਫਕੀਰ ਵਿੱਚ ਡਾਢਿਆ।
    ਭਰ ਦੇ ਗੂੜੇ ਰੰਗ ਹਰ ਤਸਵੀਰ ਵਿੱਚ ਡਾਢਿਆ।

    ਨਾ ਤਵੇ ਉੱਤੇ ਰੋਟੀ ਸੀ ਨਾ ਚੁੱਲ੍ਹੇ ਵਿੱਚ ਅੱਗ।
    ਚਾਰ ਪੁੱਤਰਾਂ 'ਚ ਕੋਈ ਇੱਕ ਵੀ ਨਾ ਸਲੱਗ।
    ਕਾਸ਼! ਧੀ ਹੁੰਦੀ ਤਾਂ ਰੋ ਲੈਂਦੇ ਗਲੇ ਲੱਗ।
    ਦੁੱਖ ਲੁਕਿਆ ਹੈ ਅੱਖੀਆਂ ਦੇ ਨੀਰ ਵਿੱਚ ਡਾਢਿਆ।
    ਭਰ ਦੇ ਗੂੜੇ ਰੰਗ ਹਰ ਤਸਵੀਰ ਵਿੱਚ ਡਾਢਿਆ।

    ਕੁਝ ਚੰਦਰੇ ਮਾਰ ਦੇਣ ਆਂਡਿਆਂ ਵਿੱਚ ਬੋਟ।
    ਕਿਵੇਂ 'ਕੱਲੀ ਪੈਰ ਪੁੱਟੇ ਭਰੀ ਮਨਾਂ ਵਿੱਚ ਹੈ ਖੋਟ।
    ਜਿਸ ਘਰ ਨਾ ਚਿੱੜੀਆਂ ਦੀ ਚਹਿ-ਚਹਿ ਉਥੇ ਰਹਿੰਦੀ ਤੋਟ।
    ਇੱਕੋ ਆਵੇ ਪੈਣਾ ਸਭ ਨੇ ਅਖੀਰ ਵਿੱਚ ਡਾਢਿਆ।
    ਭਰ ਦੇ ਗੂੜੇ ਰੰਗ ਹਰ ਤਸਵੀਰ ਵਿੱਚ ਡਾਢਿਆ।

    ਇੱਕ  ਭੋਇ ਦੇ ਕੀਤੇ ਭਾਈਆਂ ਕਈ ਟੁਕੜੇ।
    ਉੱਚੀਆਂ ਕੰਧਾਂ ਵਿੱਚੋਂ ਵੀ ਲੰਘਣ ਫੇਰ ਮੁੱਖੜੇ।
    ਕਦੇ ਮੋਢੇ ਸਿਰ ਰੱਖ ਰੋ ਲੈਂਦੇ ਸੀ ਦੁੱਖੜੇ।
    ਕੇਹੀ ਫੁੱਟ ਪਾਊ ਤਾਕਤ ਹੈ ਜੰਗੀਰ ਵਿੱਚ ਡਾਢਿਆ।
    ਭਰ ਦੇ ਗੂੜੇ ਰੰਗ ਹਰ ਤਸਵੀਰ ਵਿੱਚ ਡਾਢਿਆ।

    ਮਿੱਟੀ ਸੰਗ ਮਿੱਟੀ ਹੋਵੇ ਸਿਰ ਮਣਾਂ-ਮੂੰਹੀਂ ਬੋਝ।
    ਸੱਤਿਆ-ਖੱਪਿਆ ਇੱਕ ਫਾਹੇ ਲੱਗ ਜਾਵੇ ਰੋਜ਼।
    ਪਾਣੀ ਪੀ-ਪੀ ਭੁੱਖੇ ਢਿੱਡ ਨਾਲ ਕਰਨਾ ਪਏ ਚੋਜ਼।
    ਅੰਨ-ਪਾਣੀ ਲਿਖਦੇ ਸਭ ਦੀ ਲਕੀਰ ਵਿੱਚ ਡਾਢਿਆ।
    ਭਰ ਦੇ ਗੂੜੇ ਰੰਗ ਹਰ ਤਸਵੀਰ ਵਿੱਚ ਡਾਢਿਆ।


    ਹੱਥ ਬੰਨ੍ਹ ਲਾਏ ਲਾਰੇ ਭੁਲਾਏ ਕੁਰਸੀ ਰਾਣੀ।
    ਕੁਰਸੀ ਬੈਠੇ ਛੋਟੇ-ਵੱਡੇ ਬਸ ਪੈਸੇ ਦੇ ਹਾਣੀ।
    ਮੁੜ-ਮੁੜ ਬਾਬਾ ਆਪਣਿਆਂ ਨੂੰ ਦੇ ਕਰੇ ਵੰਡ ਕਾਣੀ।
    ਆਸਾਂ ਵਹਿ 'ਗੀਆਂ ਅੱਖੀਆਂ ਦੇ ਨੀਰ ਵਿੱਚ ਡਾਢਿਆ। 
    ਭਰ ਦੇ ਗੂੜੇ ਰੰਗ ਹਰ ਤਸਵੀਰ ਵਿੱਚ ਡਾਢਿਆ।