ਸੱਚ ਦੀ ਬੜੀ ਕਹਾਣੀ ਅਨੌਖੀ,
ਦੁਨੀਆਂ ਬੜੀ ਹੈ ਇਸਦੀ ਦੋਖੀ।
ਪੀਰ, ਪੈਗੰਬਰਾਂ ਇਸੇ ਅਪਣਾਇਆ,
ਜੀਵਨ ਆਪਣਾ ਸਵਰਗ ਬਣਾਇਆ।
ਲੋਕੀ ਇਸ ਤੋਂ ਮੂੰਹ ਛਪਾਉਂਦੇ,
ਇਸ ਦੇ ਅੱਗੇ ਰੋੜੇ ਅਟਕਾਉਂਦੇ।
ਸੱਚ ਦੇ ਸਿਰ ਤੇ ਦੁਨੀਆਂ ਵਸਦੀ,
ਭਾਵੇਂ ਇਸ ਨੂੰ ਫਾਂਸੀ ਲਗਦੀ।
ਸੱਚ ਬੋਲਣਾ ਜੇ ਕੋਈ ਚਾਹਵੇ,
ਰੁਕਾਵਟ ਉਸ ਦੇ ਅੱਗੇ ਆਵੇ।
ਸੱਚ ਦੇ ਲੋਕੀ ਦੁਸ਼ਮਣ ਬਣਦੇ,
ਝੁਠ ਦੇ ਬਹੁਤੇ ਮਿੱਤਰ ਬਣਦੇ।
ਝੂਠ ਨੂੰ ਬਹੁਤੇ ਦੇਣ ਬੜਾਵਾ,
ਸੱਚ ਦਾ ਪਰੇ ਕਰਨ ਪਰਛਾਵਾਂ।
ਸੱਚ ਨੇ ਤਾਂ ਸੱਚ ਹੀ ਰਹਿਣਾ,
ਭਾਵੇਂ ਜੋ ਕਹਿਲੇ-ਜੋ ਕਹਿਣਾ।
ਸੱਚ ਦਾ ਨਸ਼ਾ ਜਿਸ ਨੂੰ ਚੜ੍ਹਦਾ,
"ਬੁੱਕਣਵਾਲੀਏ" ਉਹ ਕਦੇ ਨਾ ਇੱਥੇ ਮਰਦਾ।