ਵਹਿੰਦੇ ਪਾਣੀ ਨਾਲ ਕਾਹਦੀ ਯਾਰੀ ,
ਅਜ ਇੱਥੇ ਕੱਲ ਉੱਥੇ
ਮਾਰੂਥਲ ਵਿਚ ਪਾਣੀ ਦਿਸਦਾ ,
ਸਭ ਨਜ਼ਰਾਂ ਦੇ ਧੋੱਖੇ ।
ਉਡ ਵੇ ਕਾਵਾਂ ਕਾਹਨੂੰ ਬੋਲੇਂ
ਚੂਰੀ ਨਾ ਤੈਨੂੰ ਪਾਵਾਂ,
ਖੁਸ਼ਬੋਆਂ ਦੇ ਲਡ਼ ਮੈਂ ਲੱਗੀ
ਨਾ ਰਹਿਣ ਕਿਸੇ ਦੀਆਂ ਹੋਕੇ ।
ਟੁਟਦਾ ਤਾਰਾ ਕਿੱਥੇ ਜਾਵੇ
ਕੀ ਲਭਣਾ ਕੀ ਪਾਉਣਾ ,
ਮਿਰਗ ਤ੍ਰਿਸ਼ਨਾ ਨਾ ਬੰਦਨ ਜਾਣੇ
ਕੋਈ ਸੀਮਾ ਨਾ ਰੋਕੇ ।
ਨੀਲਾ ਗਗਨ ਨਜ਼ਰ - ਭੁਲੇਖਾ
ਫਡ਼ਿਆਂ ਹੱਥ ਨਾ ਆਵੇ ,
ਪਰਛਾਈਆਂ ਦੇ ਪਿੱਛੇ ਦੌਡ਼ਨਾਂ
ਕੀ ਪਾਉਣਾ ਸਭ ਕੁਝ ਖੋਕੇ ।
ਰੁੱਤ ਬਦਲੀ ਤੇ ਪੰਛੀ ਉੱਡ ਗਏ
ਦੂਰ ਦੇਸ਼ਾਂ ਵਿਚ ਜਾਣਾ ,
ਕਿੰਨੇ ਭਟਕੇ ਕਈਂ ਗਵਾਚੇ
ਕੌਣ ਉਹਨਾਂ ਲਈ ਸੋਚੇ ।
ਪੱਲੂ ਦੇ ਵਿਚ ਯਾਦਾਂ ਬੰਨਕੇ
ਦਾਗਾਂ ਤੋਂ ਕਿੰਝ ਬਚਣਾ ,
ਪੱਕੇ ਰੰਗ ਦੇ ਦਾਗ ਨਹੀਂ ਜਾਂਦੇ
ਲੱਖ ਤੱਕਿਆ ਪੱਲੂ ਧੋਕੇ