ਇਕ ਐਸਾ ਸਾਹਿਤਕਾਰ ਚਾਹੀਦਾ
(ਕਵਿਤਾ)
accutane without birth control
buy accutane pills
ਆਕੜ ਤੋ ਜੋ ਰਹਿਤ ਹੋਵੇ
ਰਚਦਾ ਨਿੱਗਰ ਸਾਹਿਤ ਹੋਵੇ
ਭਾਵੇਂ ਹੋਵੇ ਵੱਡਾ ਅਫਸਰ
ਚਾਹੇ ਕੋਈ ਮਤਾਹਿਤ ਹੋਵੇ
ਤਿਆਗ ਦੀ ਜੋ ਮੂਰਤ ਹੋਵੇ
ਚੰਗੀ ਸੀਰਤ ਸੂਰਤ ਵੀ ਹੋਵੇ
ਬਦਲਣ ਲਈ ਜ਼ਮਾਨਾ ਜਿਹੜਾ
ਅੰਦਰੋ ਅੰਦਰੀ ਪੀੜਤ ਹੋਵੇ
ਨਿਮਰਤਾ ਦਾ ਪੂੰਜ ਉਹ ਹੋਵੇ
ਮਾਨਵਤਾ ਦਾ ਕੁੰਭ ਉਹ ਹੋਵੇ
ਜਾਤ ਪਾਤ ਤੋ ਹੋਵੇ ਨਿਰਾਲਮ
ਬਗਲੇ ਵਰਗੀ ਚੂੰਜ ਨਾ ਹੋਵੇ
ਚੰਗਾ ਸਾਹਿਤ ਉਹ ਪੜ੍ਹਦਾ ਹੋਵੇ
ਮਾੜੇ ਦੀ ਹਾਮੀ ਭਰਦਾ ਹੋਵੇ
ਵਿਕਾਉ ਜਿਸਦੀ ਕਲਮ ਨਾ ਹੋਵੇ
ਸ਼ੋਹਰਤ ਲਈ ਨਾ ਲੜਦਾ ਹੋਵੇ
ਕਿਰਤ ਸੱਚੀ ਉਹ ਕਰਦਾ ਹੋਵੇ
ਦੂਜਿਆਂ ਦੀ ਗੱਲ ਜ਼ਰਦਾ ਹੋਵੇ
ਜ਼ੁਲਮ ਵਿਰੁੱਧ ਉਹ ਖੜ੍ਹਦਾ ਹੋਵੇ
ਨਾ ਸੱਚ ਲਿਖਣ ਤੋ ਡਰਦਾ ਹੋਵੇ
ਲਿਖੇ ਸਹਿਤ ਦੀ ਵੰਨਗੀ ਕੋਈ
ਪਰ ਅੱਖਰ ਸੋਹਣੇ ਜੜਦਾ ਹੋਵੇ
ਸਾਹਮਣੇ ਰੱਖ ਦਾਰੂ ਦੀ ਬੋਤਲ
ਮਹਿਬੂਬਾ ਨਾ ਫੜਦਾ ਹੋਵੇ
ਮਾਂ ਬੋਲੀ ਦਾ ਸਪੂਤ ਉਹ ਹੋਵੇ
ਮਾੜੀ ਕੋਈ ਕਰਤੂਤ ਨਾ ਹੋਵੇ
ਨਵੀਆਂ ਰਾਹਾਂ ਦਾ ਹੋਵੇ ਪਾਂਧੀ
ਯਾਰਾਂ ਲਈ ਸਹਿਤੂਤ ਉਹ ਹੋਵੇ
ਗਾਲਿਬ ਦਾ ਕੋਈ ਚੇਲਾ ਹੋਵੇ
ਸਾਹਿਤ ਚੋਰੀ ਨਾ ਕਰਦਾ ਹੋਵੇ
ਲਾ ਕੇ ਉੱਚੀਆਂ ਲੰਮੀਆਂ ਹੇਕਾਂ
ਲੈ ਆਪਣਾ ਨਾਂ ਨਾ ਪੜ੍ਹਦਾ ਹੋਵੇ
ਰਚਨਾ ਉਸ ਦੀ ਵਿਲੱਖਣ ਹੋਵੇ
ਜੀਭ ਉਹਦੀ ਸੁਲੱਖਣ ਹੋਵੇ
ਮਾਲਵੇ ਭਾਵੇ ਮਾਝੇ ਦਾ ਹੋਵੇ
ਚਾਹੇ ਦੁਆਬੇ ਦਾ ਮੱਖਣ ਹੋਵੇ
ਕਿਸੇ ਲਈ ਉਹ ਗੈਰ ਨਾ ਹੋਵੇ
ਨਾਲ ਕਿਸੇ ਉਹਦਾ ਵੈਰ ਨਾ ਹੇਵੇ
ਹਰ ਕੋਈ ਉਸ ਨੂੰ ਸਮਝੇ ਆਪਣਾ
ਸਭਦੀ ਮੰਗਦਾ ਖੈਰ ਉਹ ਹੋਵੇ
ਸਾਹਿਤਕਾਰਾਂ ਦਾ ਤਾਜ ਉਹ ਹੋਵੇ
ਨਸ਼ਿਆਂ ਦਾ ਮੁਹਤਾਜ ਨਾ ਹੋਵੇ
ਜਦੋ ਛੇੜੇ ਕੋਈ ਰਾਗ ਇਲਾਹੀ
ਕਾਇਨਾਤ ਕਰਦਾ ਆਬਾਦ ਉਹ ਹੋਵੇ
ਐਸਾ ਕੋਈ ਫ਼ਨਕਾਰ ਉਹ ਹੋਵੇ
ਮਾੜਾ ਉਸ ਦਾ ਕਿਰਦਾਰ ਨਾ ਹੋਵੇ
ਮਹਿਫ਼ਲ ਵਿੱਚ ਜੋ ਵੰਡੇ ਮਹਿਕਾਂ
ਐਸਾ ਕੋਈ ਸਾਹਿਤਕਾਰ ਉਹ ਹੋਵੇ